ବାହୁଡା ଯାତ୍ରା ପାଇଁ ଆରମ୍ଭ ହେଲାଣି ପ୍ରସ୍ତୁତି ପର୍ବ

ଶରଧାବାଲିର ନାକଚଣା ଦ୍ୱାରରେ ପ୍ରସ୍ତୁତ ତିନି ରଥ । ଯଜ୍ଞବେଦୀରୁ ବାହୁଡିବେ ରତ୍ନବେଦୀକୁ ।  ଆଉ ଏଥିପାଇଁ ଶ୍ରୀଗୁଣ୍ଡିଚା ମନ୍ଦିରରେ ଚାଲିଛି ବାହୁଡା ନୀତିକାନ୍ତି  । ହେଲେ ବିନା ଭକ୍ତରେ ରଥଯାତ୍ରା ହେଉଥିବାରୁ ଆଜି ରଥଯାତ୍ରା ଇତିହାସରେ ସଂନ୍ଧ୍ୟା ଦର୍ଶନ କରିଛି ବିରଳ ରେକର୍ଡ । ଦିନ ୯ଟା ସୁଦ୍ଧା ସକାଳ ଧୂପ ସରିଥିବା ବେଳେ ଦିନ ୨ଟା ୨୫ ସୁଦ୍ଧା ସରିଗଲାଣୀ ସଂନ୍ଧ୍ୟା ଧୂପ ।

ବାହୁଡା ଯାତ୍ରା ପାଇଁ ଆରମ୍ଭ ହେଲାଣି ପ୍ରସ୍ତୁତି ପର୍ବ

ପୁରୀ: ବାହୁଡା ଯାତ୍ରା ପାଇଁ ଆରମ୍ଭ ହେଲାଣି ପ୍ରସ୍ତୁତି ପର୍ବ  । ଆଜି ଦିନ ୨ଟା ୨୫ସୁଦ୍ଧା ସଂନ୍ଧ୍ୟା ଦର୍ଶନ ଶେଷ ହୋଇଥିବା ବେଳେ ପହୁଡ ଆଳତୀ ଓ ବାହୁଟ କଣ୍ଟ ଆଦି ଗୁପ୍ତ ନୀତି ପରେ ଆସନ୍ତାକାଲି ଦିନ ୮ଟା ସୁଦ୍ଧା ପହଣ୍ଡି କରାଯିବାର ବ୍ୟବସ୍ଥା ହୋଇଛି । ସେପଟେ ଦଇତାପତିମାନଙ୍କ ଦ୍ୱାରା ପହଣ୍ଡି ଶୀଘ୍ର କରିବା ପାଇଁ ବ୍ୟବସ୍ଥା ହୋଇଛି । ସେପଟେ ଆଜି ଠାରୁ ଜୁଲାଇ ୨ ପର୍ଯ୍ୟନ୍ତ ପୁରୀ ଜିଲ୍ଲାକୁ ସଟଡାଉନ ଓ କର୍ଫ୍ୟୁ କରାଯାଇ ସ୍ୱତନ୍ତ୍ର ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ବୋଲି କହିଛନ୍ତି ଅତିରିକ୍ତ ଡ଼ିଜି । ତେବେ ବଳଗଣ୍ଡିରେ ମାଉସୀମା ଅର୍ଦ୍ଧାଶିନୀଙ୍କ ପାଖେ ଚାଲିଛି ପୋଡପିଠା ତିଆରି । ବାହୁଡା ବେଳେ ଅର୍ଦ୍ଧାଶିନିଙ୍କ ପକ୍ଷରୁ ଜଗନ୍ନାଥ, ବଳଭଦ୍ର ଓ ସୁଭଦ୍ରାଙ୍କୁ ପୋଡ ପିଠା ସମର୍ପଣ କରାଯିବ ବୋଲି କହିଛନ୍ତି ପୋଡ ପିଠା ନିର୍ମାଣ କରୁଥିବା ସେବାୟତ ।

ଶରଧାବାଲିର ନାକଚଣା ଦ୍ୱାରରେ ପ୍ରସ୍ତୁତ ତିନି ରଥ । ଯଜ୍ଞବେଦୀରୁ ବାହୁଡିବେ ରତ୍ନବେଦୀକୁ ।  ଆଉ ଏଥିପାଇଁ ଶ୍ରୀଗୁଣ୍ଡିଚା ମନ୍ଦିରରେ ଚାଲିଛି ବାହୁଡା ନୀତିକାନ୍ତି  । ହେଲେ ବିନା ଭକ୍ତରେ ରଥଯାତ୍ରା ହେଉଥିବାରୁ ଆଜି ରଥଯାତ୍ରା ଇତିହାସରେ ସଂନ୍ଧ୍ୟା ଦର୍ଶନ କରିଛି ବିରଳ ରେକର୍ଡ । ଦିନ ୯ଟା ସୁଦ୍ଧା ସକାଳ ଧୂପ ସରିଥିବା ବେଳେ ଦିନ ୨ଟା ୨୫ ସୁଦ୍ଧା ସରିଗଲାଣୀ ସଂନ୍ଧ୍ୟା ଧୂପ । ତା'ପରେ ବଡ ସିଂହାର ବେଶ ଓ ବଡ ସିଂହାର ଭୋଗକୁ ୬ଟା ଭିତରେ ଶେଷ କରାଯାଇଥିଲା । ୭ଟା ଭିତରେ ପହୁଡ ଆଳତି ଓ ୭ଟା ୧୫ରେ ଶ୍ରୀମୁଖ ଖଣ୍ଡୁଆ, ୭ଟା ୩୦ରେ ବାହୁଟ କଣ୍ଟ, ୭ଟା ୪୦ରେ କୋଠ ସୁଆଁସିଆ ସେବକମାନେ ଆଡପ ମଣ୍ଡପରେ ଚାରବନ୍ଧା କରିବା ପରେ ରାତ୍ର ୧୧ଟାରୁ ୪ଟା ଭିତରେ ସେନାପଟା ଲାଗି ସହ କୁସୁମି ଲାଗି କରିବା ପାଇଁ ନୀତି ନିର୍ଘଣ୍ଟ ରହିଛି । ଆଉ ସେହି ଅନୁସାରେ ନୀତି ମଧ୍ୟ ବେଶ ଶୃଙ୍ଖଳିତ ରହିଛି । ଅନ୍ୟପଟେ ଆସନ୍ତାକାଲି ଭୋର ୪ଟାରୁ ମଙ୍ଗଳ ଆଳତୀ କରାଯାଇ ୫ଟା ୪୫ ରୁ ୬ଟା ୪୫ ମଧ୍ୟରେ ସକାଳ ଧୂପ ଖେଚୁ଼ଡି ଭୋଗ କରାଯିବ । ଦିନ ୮ଟାରେ ବାହୁଡା ପହଣ୍ଡି ଦିନ ୧୦ଟା ୩୦ରେ ଛେରା ପହଁରା ଓ ୧୧ଟାରେ ଚାରମାଳ ଫିଟା ଓ ୧୨ଟାରେ ରଥଟଣା ଆରମ୍ଭ ହେବ । ଏଥିପାଇଁ ସେବାୟତମାନେ ପ୍ରସ୍ତୁତ ରହିଛନ୍ତି ରଥ ଟାଣିବା ପାଇଁ । ସେଥିପାଇଁ ଶ୍ରୀମନ୍ଦିର ପ୍ରଶାସନ ପକ୍ଷରୁ ସମସ୍ତ ପଦକ୍ଷେପ ଗ୍ରହଣ କରାଯାଇଥିବା ବେଳେ ରଥ ଟଣା ପାଇଁ ବଡଦାଣ୍ଡରେ ଜଳ ସିଂଚନ ଆଦିର ବ୍ୟବସ୍ଥା କରାଯାଇଥିବା କହିଛନ୍ତି ସେବାୟତ । ସେପଟେ ଚଳିତ ବର୍ଷ ବିନା ଭକ୍ତରେ ରଥଯାତ୍ରା ହେଉଥିବାରୁ ସେବାୟତମାନେ ମହାପ୍ରଭୁଙ୍କର ସେବକ ଓ ଭକ୍ତ ପାଲଟିଯାଇଛନ୍ତି  ।

ନବଦିନ ବ୍ୟାପି ଯାତ୍ରାର ଶେଷ ଦିନ ବାହୁଡା ଯାତ୍ରା । ବାହୁଡା ଯାତ୍ରାକୁ ନେଇ ସୁନାବେଶ ପର୍ଯ୍ୟନ୍ତ କରାଯାଇଛି ସ୍ୱତନ୍ତ୍ର ସୁରକ୍ଷା ବ୍ୟବସ୍ଥା । ଆଜି ରାତ୍ର ୧୦ଟାରୁ ଜୁଲାଇ ୨ ତାରିଖ ରାତ୍ର ୧୦ଟା ପର୍ଯ୍ୟନ୍ତ ପୁରୀ ଜିଲ୍ଲାକୁ ପ୍ରବେଶ ମନା । ସିଲ ହେବ ସମସ୍ତ ପ୍ରବେଶ ପଥ । ସହରାଂଚଳ ହେଉ ଅବା ଗ୍ରାମାଂଚଳ ସବୁଛି ସୁରକ୍ଷା ବ୍ୟବସ୍ଥା କଡାକଡି କରାଯିବ । ସୁପ୍ରିମକୋର୍ଟଙ୍କ ଗାଇଡଲାଇନକୁ ଅନୁପାଳନ କରିବା ପାଇଁ ପୋଲିସ ପ୍ରଶାସନ ପକ୍ଷରୁ କରାଯାଇଛି ବ୍ଲୁ ପ୍ରିଣ୍ଟ ।
  
ଚଳିତ ବର୍ଷ ବିନା ଭକ୍ତରେ ସବୁ କିଛି  ରଥର ନୀତିକାନ୍ତି  କରାଯାଉଥିବାରୁ ବଡଦାଣ୍ଡକୁ ନଜର ରଖାଯାଉଛି । ବାହୁଡା ଯାତ୍ରାରେ କରାଯାଇଛି ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା । ବଡଦାଣ୍ଡ ଦୁଇ ପାର୍ଶ୍ୱରେ ଥିବା କୋଠାରୁ ବାହାରକୁ କେହି ବାହାରିବେ ନାହିଁ । ତେଣୁ ଆଇନ ଭାଙ୍ଗି ପୋଲିସକୁ କାର୍ଯ୍ୟାନୁଷ୍ଠାନ ନେବାକୁ ବାଧ୍ୟ କରନ୍ତୁ ନାହିଁ ବୋଲି କଡା ଚେତାବନୀ ଦିଆଯାଇଛି । ଏଥର ବାହୁଡା ଯାତ୍ରା ପାଇଁ  ନିୟୋଜିତ ହୋଇଛନ୍ତି  ୭୦ ପ୍ଲାଟୁନ ଫୋର୍ସ ଓ ୪୦୦ରୁ ଉର୍ଦ୍ଧ ଅଫିସର । ରଥର ସୁରକ୍ଷା ଦୃଷ୍ଟିରୁ ଅତିରିକ୍ତ ଏକ ଆଉଟର କର୍ଡନ ରହିବ । କେବଳ କୋଭିଡ୍ ଟେଷ୍ଟରେ ନେଗେଟିଭ ଥିବା ସେବାୟତ ଟାଣିବେ ରଥ । ରଥଯାତ୍ରା ଭଳି ବାହୁଡା ଯାତ୍ରା ହେବ । ସେବାୟତ ରଥ ଟାଣିବା ଲାଗି ବଡ ଦାଣ୍ଡରେ ପାଣି ସିଞ୍ଚନ କରାଯିବ । ଆମ୍ବୁଲାନ୍ସ ଚଳାଚଳ ପାଇଁ କିଛି ଅସୁବିଧା ନାହିଁ  । ତେବେ କେବଳ ସେବାୟତମାନେ ହିଁ ରଥ ଟାଣିବେ ଓ ପୁଲିସ ରଥ ଟାଣିବା ନାହିଁ କେବଳ ରଥକୁ ସୁରକ୍ଷା ପାଇଁ ମୁତୟନ ରହିବେ ବୋଲି କହିଛନ୍ତି ଅତିରିକ୍ତ ଡିଜି ।

ଚଳିତ ବର୍ଷ ବିନା ଭକ୍ତରେ ରଥଯାତ୍ରା ଶେଷ ହେବାକୁ ଯାଉଥିବା ବେଳେ ସେବାୟତମାନେ ରଥଯାତ୍ରାକୁ କଟକଣା ଭିତରେ ସାରିବା ପାଇଁ ନେଇଛନ୍ତି ପ୍ରୟାସ । ସେପଟେ କୋଭିଡ-19 ଗାଇଡଲାଇନ ସହ ସୁପ୍ରିମକୋର୍ଟଙ୍କ ନିର୍ଦ୍ଦେଶକୁ ଅନୁପାଳନ କରି ରଥଯାତ୍ରା ଶେଷ କରିବା ପାଇଁ ସେବାୟତ ଓ ପ୍ରଶାସନ ସହଯୋଗରେ ଚାଲିଛି ରଥଯାତ୍ରାର ବିଧି ବ୍ୟବସ୍ଥା  ।