କିନ୍ନରଙ୍କୁ ମିଳିବ ମଧୁବାବୁ ପେନସନ

ଯଯାତି ମହାନ୍ତି, ଭୁବନେଶ୍ୱର: କିନ୍ନରଙ୍କୁ ମିଳିବ ମଧୁବାବୁ ପେନସନ । ରାଜ୍ୟର କିନ୍ନରମାନଙ୍କୁ ମଧୁବାବୁ ପେନସନ ଯୋଜନାରେ ଅନ୍ତର୍ଭୁକ୍ତ କରାଯିବ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏନେଇ ଅନୁମୋଦନ ଦେଇଛନ୍ତି । କିନ୍ନରମାନେ ମଧୁବାବୁ ପେନସନ ୱେବସାଇଟରେ ଆବେଦନ କରି ଏହି ଯୋଜନାରେ ଅନ୍ତର୍ଭୁକ୍ତ ହୋଇପାରିବେ । ଆଜିଠୁ ଆବେଦନ ପ୍ରକ୍ରିୟା ଆରମ୍ଭ ହୋଇଛି । ରାଜ୍ୟ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ଏନେଇ ସୂଚନା ଦେଇଛନ୍ତି । 

ସେହିପରି ମଧୁବାବୁ ପେନସନ ପାଉଥିବା ୪୮ ଲକ୍ଷ ହିତାଧିକାରୀଙ୍କ ପାଇଁ ମଧ୍ୟ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି ରାଜ୍ୟ ସରକାର । ଏହି ହିତାଧିକାରୀଙ୍କୁ ଆସନ୍ତା ୪ ମାସ ପାଇଁ ୧୦୦୦ ଟଙ୍କା ସହାୟତା ବାବଦରେ ମିଳିତ । ଅର୍ଥାତ ପେନସନ ବ୍ୟତୀତ ଅନ୍ୟ ହଜାରେ ଟଙ୍କା ଲେଖାଏଁ ପାଇବେ ହିତାଧିକାରୀ ।