ଅନିୟନ୍ତ୍ରିତ କୋରୋନା, ମହାରାଷ୍ଟ୍ରରେ ୨୨ ହଜାରରୁ ଊର୍ଦ୍ଧ୍ୱ ମାମଲା

ମୁମ୍ବାଇ: ଦେଶରେ କୋରୋନା ସଂକ୍ରମଣ ଦିନକୁ ଦିନ ଅନିୟନ୍ତ୍ରିତ ଭାବେ ବୃଦ୍ଧି ପାଇବାରେ ଲାଗିଛି। ଦେଶରେ ସଂକ୍ରମଣଙ୍କ ସଂଖ୍ୟା ୬୦ ହଜାର ଛୁଇଁଲାଣି। ଦେଶର ପ୍ରାୟ ସମସ୍ତ ରାଜ୍ୟରେ କୋରୋନା ପାଦ ଥାପି ସାରିଛି। ତେବେ ମହାରାଷ୍ଟ୍ର, ଗୁଜୁରାଟ, ଦିଲ୍ଲୀରେ କୋରୋନା ମୁଣ୍ଡ ବିନ୍ଧାଇଲାଣି। କେବଳ  ମହାରାଷ୍ଟ୍ରରେ କୋରୋନା ୨୨ ହଜାରରୁ ଊର୍ଦ୍ଧ୍ୱ ମାମଲା ସାମ୍ନାକୁ ଆସିଛି। 

ବିଗତ ୨୪ ଘଣ୍ଟା ମଧ୍ୟରେ ମହାରାଷ୍ଟ୍ରରୁ ମୋଟ ୧୨୭୮ଟି ମାମଲା ସାମ୍ନାକୁ ଆସିଛି। ଏହି ମାମଲା ସାମ୍ନାକୁ ଆସିବା ପରେ ଦେଶରେ ବର୍ତ୍ତମାନ ୨୨୧୭୧ ମାମଲା ରାଜ୍ୟରେ ରହିଛି। ସେହିପରି ରାଜ୍ୟରେ ୮୩୨ ଜଣ କୋରୋନା ରୋଗୀ ମୃତ୍ୟୁ ହୋଇଛି। 

ତେବେ ରାଜ୍ୟରେ ମୁମ୍ବାଇରୁ ସର୍ବାଧିକ ମାମଲା ସାମ୍ନାକୁ ଆସିଛି। ମୁମ୍ବାଇରୁ ୧୩୭୩୯ ମାମଲା ସାମ୍ନାକୁ ଆସିଛି। ସେହିପରି ପୁଣେ ମହାନଗର ପାଳିକା ଅଞ୍ଚଳରୁ ୨୩୭୭ ମାମଲା ରହିଛି। ତେବେ ରାଜ୍ୟରୁ ମୋଟ ୪୧୯୯ କୋରୋନା ରୋଗୀ ସୁସ୍ଥ ହୋଇ ଘରକୁ ଫେରିଛି।