ଅନଲାଇନରେ ୨.୯ କୋଟି ଭାରତୀୟଙ୍କ ବ୍ୟକ୍ତିଗତ ତଥ୍ୟ ଲିକ

ନୂଆଦିଲ୍ଲୀ: ବର୍ତ୍ତମାନ ସମୟରେ ବଢିବାରେ ଲାଗିଛି ଇଣ୍ଟରନେଟର ବ୍ୟବହାର | ଏହା ଦ୍ୱାରା କାମ କରିବା ପୂର୍ବ ଅପେକ୍ଷା ହୋଇଯାଇଛି ଅଧିକ ସହଜ | ମାତ୍ରୃ ଏଥିରେ କାମ କରିବା ଯେତିକି ସରଳ ସେତିକି ଜଟିଳ | ଏହାର ସୁରକ୍ଷା ଅନେକ ସମୟରେ ବିପଦପୂର୍ଣ୍ଣ ହୋଇପଡିଛି | ଇଣ୍ଟରନେଟ ବ୍ୟବହାରକାରୀଙ୍କ ପ୍ରତି ସାଇବର କ୍ରାଇମ ବିପଦ ସବୁବେଳେ ରହିଥାଏ | ଶନିବାର ଏକ ଅନଲାଇନ ଇଣ୍ଟେଲିଜନ୍ସି ଫର୍ମ ପକ୍ଷରୁ ସାଇବର କ୍ରାଇମ ବାବଦରେ ଏକ ଚାଞ୍ଚଲ୍ୟକର ତଥ୍ୟର ପର୍ଦ୍ଦାଫାଶ କରାଯାଇଛି | ଯେଉଁଥିରେ କୁହାଯାଇଛି ଅନଲାଇନରେ ପ୍ରାୟ ୨.୯ କୋଟି ଭାରତୀୟଙ୍କ ବ୍ୟକ୍ତିଗତ ତଥ୍ୟକୁ ମାଗଣାରେ ଡାର୍କ ୱେବରେ ଲିକ କରାଯାଇଛି | ଏହାକୁ ସହଜରେ ଡାଉନ ଲୋଡ କରାଯାଇ ପାରିବ ବୋଲି ମଧ୍ୟ କୁହାଯାଇଛି | 

cyble ନାମକ ଫାର୍ମ ପକ୍ଷରୁ ଏକ ବ୍ଲଗରେ ଲେଖାଯାଇଛି ଅନଲାଇନରେ ନିଯୁକ୍ତି ଖୋଜୁଥିବା ପ୍ରାୟ ୨.୯ କୋଟି ଭାରତୀୟଙ୍କ ବ୍ୟକ୍ତିଗତ ତଥ୍ୟ ମାଗଣାରେ ଡିପୱେବରେ ଲିକ ହୋଇଛି | ଯେଉଁଥିରେ ଲୋକଙ୍କ ଶିକ୍ଷାଗତ ଯୋଗ୍ୟତା ଏବଂ ଠିକଣା ଭଳି ତଥ୍ୟ ମଧ୍ୟ ସାମିଲ ରହିଛି | ନିକଟରେ ଫେସବୁକ୍ ଏବଂ ସିକୋଇୟା ଅନୁଦାନ ପ୍ରାପ୍ତ ଭାରତୀୟ ଶିକ୍ଷା ପ୍ରାଦ୍ୟୋଗିକ  ଫର୍ମ ଅନ ଏକାଡେମୀର ହ୍ୟାକିଂ ବାବଦରେ ଜଣାଇଛି ଏହି ଫାର୍ମ । ଲିକ ହୋଇଥିବା ଡାଟାରେ ଇମେଲ୍, ଫୋନ୍ ନମ୍ବର, ଘର ଠିକଣା, ଶିକ୍ଷାଗତ ଯୋଗ୍ୟତା, କାର୍ଯ୍ୟ ଅଭିଜ୍ଞତା ବାବଦରେ ଉଲ୍ଲେଖ ରହିଛି |

ଏହି ବ୍ଲଗ୍ ପୋଷ୍ଟ 2.3 ଜିବି ବିଶିଷ୍ଟ ଏକ ବଡ ଫାଇଲରେ ସ୍କ୍ରିନସଟ୍ ସେୟାର କରିଛି | ଯାହାକୁ ଏକ ହ୍ୟାକିଂ ଫୋରମରେ ପୋଷ୍ଟ କରାଯାଇଥିଲା | ଏହି ବ୍ଲଗରେ  ଆହୁରି କୁହାଯାଇଛି ଲିକ ହୋଇଥିବା ଡାଟା ବାବଦରେ ଆହୁରି ଅଧିକ କିଛି ଜାଣିବାକୁ ମିଳିପାରେ | ଭାରତର କେତେକ ପ୍ରମୁଖ ଜବ ୱେବସାଇଟର ନାଁ ଏଥିରେ ଥିବା ଜଣାପଡିଛି | ଏହି ଲିକ୍ ଉତ୍ସକୁ ନିରପେକ୍ଷ ଭାବରେ ଅନୁସନ୍ଧାନ କରାଯାଉଛି। ସାଇବର ଅପରାଧି ଏହି ବ୍ୟକ୍ତିଗତ ତଥ୍ୟକୁ ଚୋରି, ସ୍କାମ ଏବଂ କର୍ପୋରେଟ୍ ଗୁପ୍ତଚର ଭଳି ବିଭିନ୍ନ ଅପରାଧିକ କାର୍ଯ୍ୟକଳାପରେ ବ୍ୟବହାର କରିଥାନ୍ତି |