ମୁଖ୍ୟମନ୍ତ୍ରୀଙ୍କ ବଙ୍ଗଳାରେ କୋରୋନା

ମୁଖ୍ୟମନ୍ତ୍ରୀଙ୍କ ବଙ୍ଗଳାରେ ପଶିଲା କୋରୋନା। ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ବାସଭବନ 'ମାତାଶ୍ରୀ'ରେ ପଶିଛି କୋରୋନା। ଏଠାରେ ନିୟୋଜିତ ଥିବା ୩ ସୁରକ୍ଷା କର୍ମୀ କୋରୋନାରେ ସଂକ୍ରମିତ ହୋଇଥିବା ସୂଚନା ରହିଛି। ଏହି ସୂଚନା ପଦାକୁ ଆସିବା ପରେ ସେଠାରେ ନିୟୋଜିତ ଥିବା ୧୩୦ ଜଣ ପୋଲିସ କର୍ମୀଙ୍କୁ କ୍ୱାରେଣ୍ଟାଇନରେ ରଖାଯାଇଥିବା ନେଇ ସୂଚନା

ମୁଖ୍ୟମନ୍ତ୍ରୀଙ୍କ ବଙ୍ଗଳାରେ କୋରୋନା

ମୁମ୍ବାଇ: ମୁଖ୍ୟମନ୍ତ୍ରୀଙ୍କ ବଙ୍ଗଳାରେ ପଶିଲା କୋରୋନା। ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ବାସଭବନ 'ମାତାଶ୍ରୀ'ରେ ପଶିଛି କୋରୋନା। ଏଠାରେ ନିୟୋଜିତ ଥିବା ୩ ସୁରକ୍ଷା କର୍ମୀ କୋରୋନାରେ ସଂକ୍ରମିତ ହୋଇଥିବା ସୂଚନା ରହିଛି। ଏହି ସୂଚନା ପଦାକୁ ଆସିବା ପରେ ସେଠାରେ ନିୟୋଜିତ ଥିବା ୧୩୦ ଜଣ ପୋଲିସ କର୍ମୀଙ୍କୁ କ୍ୱାରେଣ୍ଟାଇନରେ ରଖାଯାଇଥିବା ନେଇ ସୂଚନା ମିଳିଛି। 

ତେବେ ଏହା ପୂର୍ବରୁ ମାତାଶ୍ରୀ ସମ୍ମୁଖରେ ଥିବା ଏକ ଚାହା ଦୋକାନୀକୁ ମଧ୍ୟ କୋରୋନା ସଂକ୍ରମିତ ହୋଇଥିବା ସୂଚନା ରହିଥିଲା। ଏପ୍ରିଲ ମାସ ଆରମ୍ଭରୁ ସେ ସଂକ୍ରମିତ ହୋଇଥିବା ନେଇ ସୂଚନା ମିଳିଥିଲା। ତେବେ ଆଜି ମାତାଶ୍ରୀରେ ସୁରକ୍ଷାକର୍ମୀ କୋରୋନା ସଂକ୍ରମିତ ହୋଇଥିବା ନେଇ ଜଣାପଡ଼ିବା ପରେ ପୋଲିସ କର୍ମୀଙ୍କୁ କ୍ୱାରେଣ୍ଟାଇନ କରାଯାଇଛି। 

ସେପଟେ ମୁଖ୍ୟମନ୍ତ୍ରୀଙ୍କ ଘର ଆଗରେ ସାନିଟାଇଜ କାର୍ଯ୍ୟ ମଧ୍ୟ ଆରମ୍ଭ ହୋଇଥିବା ଜଣାପଡ଼ିଛି। ସୂଚନାଯୋଗ୍ୟ ବର୍ତ୍ତମାନ ସୁଦ୍ଧା ମହାରାଷ୍ଟ୍ରରେ ୨୨୭ ଜଣ ପୋଲିସ କର୍ମଚାରୀ ଆକ୍ରାନ୍ତ ହୋଇଛନ୍ତି। ଏମାନଙ୍କ ମଧ୍ୟରେ ପ୍ରାୟ ୩୦ ଜଣ ପୋଲିସ ବିଭାଗର ବରିଷ୍ଠ ଅଧିକାରୀ ରହିଛନ୍ତି। 

ଯଦି ତମାମ ରାଜ୍ୟ କଥା କୁହାଯାଏ, ତେବେ ମହାରାଷ୍ଟ୍ରରେ ସର୍ବାଧିକ ୧୧ ହଜାରରୁ ଅଧିକ ମାମଲା ସାମ୍ନାକୁ ଆସିଛି। ଏହା ମଧ୍ୟରୁ ୯୧୪୨ ଜଣ ବର୍ତ୍ତମାନ ସୁଦ୍ଧା ଚିକିତ୍ସିତ ରହିଥିବା ବେଳେ ମାତ୍ର ୧୮୭୯ ଜଣ ଲୋକ ସୁସ୍ଥ ହୋଇଛନ୍ତି। କୋରୋନାରେ ମୋଟ ୪୮୫ଜଣଙ୍କ ମୃତ୍ୟୁ ହୋଇ ସାରିଛି। ସେପଟେ ମହାରାଷ୍ଟ୍ରରେ ମୁମ୍ବାଇ ସହର ସର୍ବାଧିକ ପ୍ରଭାବିତ ହୋଇଛି।