ଏୟାର ଇଣ୍ଡିଆର ୫ ଜଣ ପାଇଲଟ କୋରୋନା ପଜିଟିଭ

ନୂଆଦିଲ୍ଲୀ: ଏୟାର ଇଣ୍ଡିଆର ୫ ଜଣ ପାଇଲଟ କୋରୋନାରେ ଆକ୍ରାନ୍ତ ବୋଲି ଜଣାପଡ଼ିଛି । ଉଡ଼ାଣର ୭୨ ଘଣ୍ଟା ପୂର୍ବରୁ ଏମାନଙ୍କ ଟେଷ୍ଟ କରାଯାଇଥିଲା । ତେବେ ସ୍ୱାବ ପରୀକ୍ଷା ପରେ ସେମାନେ ପଜିଟିଭ ଚିହ୍ନଟ ହୋଇଛନ୍ତି । 

ଯାହା ଜଣାପଡ଼ିଛି, କୋରୋନା ଆକ୍ରାନ୍ତ ହୋଇଥିବା ସମସ୍ତ ପାଇଲଟ ମୁମ୍ବାଇର । ପଜିଟିଭ ଚିହ୍ନଟ ପରେ ସେମାନଙ୍କୁ ଡାକ୍ତରୀ ନିରୀକ୍ଷଣରେ ରଖାଯାଇଛି । ଏୟାର ଇଣ୍ଡିଆ ସୂତ୍ରରୁ ଜଣାପଡ଼ିଛି, କିଛି ଦିନ ପୂର୍ବରୁ ଏହି ପାଇଲଟମାନେ ଚୀନ ଯାଇଥିଲେ । 

5 pilots of Air India found #COVID19 positive, during the pre-flight COVID test which is carried out 72 hours before they are rostered for flight duties. All of them are asymptomatic and based in Mumbai. They had undertaken cargo flights to China: Air India Sources pic.twitter.com/Pe3c0ezMWq

— ANI (@ANI) May 10, 2020

ଗୁରୁତ୍ୱପୂର୍ଣ୍ଣ ବିଷୟ ଏହା ଯେ, ବର୍ତ୍ତମାନ ବିଭିନ୍ନ ଦେଶରେ ଫସି ରହିଥିବା ଲୋକଙ୍କୁ ସ୍ୱଦେଶ ଫେରାଇ ଆଣିବା ପାଇଁ ବନ୍ଦେ ଭାରତ ମିଶନ ଆରମ୍ଭ ହୋଇଛି ।  ସେହିପରି ଲକଡାଉନ୍ ଯୋଗୁଁ ଦେଶର କୋଣ ଅନୁକୋଣରେ ଚିକିତ୍ସା ପାଇଁ ଜରୁରୀ ଉପକରଣ ବିମାନ ଯୋଗେ ପହଞ୍ଚାଯାଉଛି । ଆଉ ଏଭଳି ସମୟରେ ଏୟାର ଇଣ୍ଡିଆର ୫ ଜଣ ପାଇଲଟ ପଜିଟିଭ ଚିହ୍ନଟ ହେବା ବେଶ୍ ଚିନ୍ତାଜନକ । କାହିଁକିନା ଏ ସମସ୍ତ କାମ ଏୟାର ଇଣ୍ଡିଆ ହିଁ ତୁଲାଉଛି ।