ଛାତରୁ ଖସି ସିଧା ରିକ୍ସାରେ ପଡ଼ିଲା ଶିଶୁ, ଏ ଦୃଶ୍ୟ ଆପଣଙ୍କୁ କରିପାରେ ଚକିତ!

କଥାରେ ଅଛି ରଖିଲେ ହରି ମାରିବ କିଏ ? ଆଉ ତାର ଏକ ନିଚ୍ଛକ ଉଦାହରଣ ଦେଖିବାକୁ ମିଳିଛି ମଧ୍ୟପ୍ରଦେଶର ଟିକମଗଡ଼ରେ...

ଭୁବନେଶ୍ୱର: କଥାରେ ଅଛି ରଖିଲେ ହରି ମାରିବ କିଏ ? ତାର ଏକ ନିଚ୍ଛକ ଉଦାହରଣ ଦେଖିବାକୁ ମିଳିଛି ମଧ୍ୟପ୍ରଦେଶର ଟିକମଗଡ଼ରେ । ଟିକମଗଡ଼ର ଏକ କୋଠାରେ ଛୋଟ ଶୁଶିଟିଏ ଖେଳୁଥିବା ବେଳେ ଅନ୍ୟମନସ୍କ ହୋଇ କୋଠା ଉପରୁ ଖସି ପଡ଼ିଥିଲା । ଆଉ ଠିକ୍ ସେତିକିବେଳେ ଏକ ରିକ୍ସା ଘର ଆଗ ଦେଇ ଯାଉଥିଲା । ଛୋଟ ଶିଶୁଟି ଛାତ ଉପରୁ ତଳକୁ ଖସି ସିଧା ଯାଇ ରିକ୍ସାରେ ପଡିଥିଲା । ଏହି ଦୃଶ୍ୟ ଯେତିକି ଅବିଶ୍ୱସନୀୟ, ସେତିକି ଅଲୈକିକ ମଧ୍ୟ । 

ଶିଶୁର ବାପା ଆଶୀଷ ଜୈନଙ୍କ କହିବା ଅନୁସାରେ ତାଙ୍କ ପୁଅ କୋଠାର ଦ୍ୱିତୀୟ ଫ୍ଲୋରରେ ଖେଳୁଥିଲା ଆଉ ଅନ୍ୟମନସ୍କ ହୋଇ ତଳକୁ ପଡ଼ିଯାଇଥିଲା । ଆଉ ଭଗବାନଙ୍କ ଦୟାରୁ ସେହି ସମୟରେ ହିଁ ରିକ୍ସାଟି ଘର ଆଗ ଦେଇ ଯାଉଥିଲା । ତାଙ୍କ ପୁଅ ଆଜି କେବଳ ଭଗବାନଙ୍କ ଦୟାରୁ ବଞ୍ଚିଯାଇଥିବା କହିଛନ୍ତି ବାପା ଆଶୀଷ ଜୈନ ।

#WATCH Tikamgarh: A child fell from a building on a rickshaw that was passing on road below. Child's father Ashish Jain says,"He was playing on 2nd floor with family members. He fell from railing after he lost his balance. He was examined at a hospital & is safe". #MadhyaPradesh pic.twitter.com/3yDOzZmB9y

— ANI (@ANI) October 20, 2019

ଘର ବାହାରେ ଥିବା ସିସିଟିଭିରେ ଏହି ଅଲୈକିକ ଦୃଶ୍ୟ କଏଦ ହୋଇଛି । ଶିଶୁଟି ରିକ୍ସାର ପଛ ବାସକେଟରେ ଆସି ପଡ଼ିଯାଇଥିଲା । ତାପରେ ପାଖ ଲୋକ ଓ ପରିବାର ଲୋକେ ତଳକୁ ଆସି ଶିଶଟିକୁ ଡାକ୍ତରଖାନା ନେଇଯାଇଥିଲେ । ବର୍ତ୍ତମାନ ଶିଶୁଟି ସମ୍ପୂର୍ଣ୍ଣ ସୁସ୍ଥ ଥିବା ବାପା ଆଶୀଷ କହିଛନ୍ତି । ଏହି ଭିଡିଓଟି ସୋସିଆଲ ମିଡିଆକୁ ଆସିବା ପରେ ଖୁବ ଭାଇରାଲ ହେଉଛି । ଭିଡିଓକୁ ୧୪ ହଜାର ଥର ଦେଖାଯାଇଥିବା ଜଣାପଡ଼ିଛି ।