୭୦ ବର୍ଷୀୟା ବୃଦ୍ଧାଙ୍କୁ ଦୁଷ୍କର୍ମ କରି ଯୁବକ ଗିରଫ

ହାଇଦ୍ରାବାଦ ମହିଳା ଡାକ୍ତରଙ୍କୁ ଗଣଦୁଷ୍କର୍ମ ଏବଂ ହତ୍ୟା ଘଟଣା ମନରୁ ଲିଭିନି । ଅଭିଯୁକ୍ତମାନଙ୍କୁ ଫାଶୀ ଦେବା ପାଇଁ ଦାବି ହେଉଛି । ହେଲେ ଏହାରି ଭିତରେ ବିଭିନ୍ନ ସ୍ଥାନରୁ ଆସୁଛି ଦୁଷ୍କର୍ମ ଅଭିଯୋଗ । କନ୍ୟା ସନ୍ତାନ, ଯୁବତୀ, ମହିଳା ଓ ବୃଦ୍ଧା, କେହି ବି ନର ରାକ୍ଷାସ କବଳରୁ ବାଦ ପଡୁନାହାଁନ୍ତି । ଉତ୍ତର ପ୍ରଦେଶରେ ଜଣେ ୭୦ ବର୍ଷୀୟା ବୃଦ୍ଧା ଦୁଷ୍କର୍ମର ଶିକାର ହୋଇଛନ୍ତି । ଅଭିଯୁକ୍ତକୁ ଗିରଫ କରିଛି ଅନପରା ପୋଲିସ । 

୭୦ ବର୍ଷୀୟା ବୃଦ୍ଧାଙ୍କୁ ଦୁଷ୍କର୍ମ କରି ଯୁବକ ଗିରଫ
ଫଟୋ ସୌଜନ୍ୟ: ଏଏନଆଇ

ନୂଆଦିଲ୍ଲୀ: ହାଇଦ୍ରାବାଦ ମହିଳା ଡାକ୍ତରଙ୍କୁ ଗଣଦୁଷ୍କର୍ମ ଏବଂ ହତ୍ୟା ଘଟଣା ମନରୁ ଲିଭିନି । ଅଭିଯୁକ୍ତମାନଙ୍କୁ ଫାଶୀ ଦେବା ପାଇଁ ଦାବି ହେଉଛି । ହେଲେ ଏହାରି ଭିତରେ ବିଭିନ୍ନ ସ୍ଥାନରୁ ଆସୁଛି ଦୁଷ୍କର୍ମ ଅଭିଯୋଗ । କନ୍ୟା ସନ୍ତାନ, ଯୁବତୀ, ମହିଳା ଓ ବୃଦ୍ଧା, କେହି ବି ନର ରାକ୍ଷାସ କବଳରୁ ବାଦ ପଡୁନାହାଁନ୍ତି । ଉତ୍ତର ପ୍ରଦେଶରେ ଜଣେ ୭୦ ବର୍ଷୀୟା ବୃଦ୍ଧା ଦୁଷ୍କର୍ମର ଶିକାର ହୋଇଛନ୍ତି । ଅଭିଯୁକ୍ତକୁ ଗିରଫ କରିଛି ଅନପରା ପୋଲିସ । 

ଦେଶରେ କେତେ ସୁରକ୍ଷିତ ମହିଳା ? ବାରମ୍ବାର ଏ ପ୍ରଶ୍ନ ଏବେ ଉଙ୍କି ମାରୁଛି । ଗତ ୧ ତାରିଖରେ ଉତ୍ତର ପ୍ରଦେଶ ସୋନଭଦ୍ର ଜିଲ୍ଲାରେ ଘଟିଛି ଏକ ଲଜ୍ଜାଜନକ ଦୁଷ୍କର୍ମ ଘଟଣା । ଜଣେ ୭୦ ବର୍ଷୀୟା ବୃଦ୍ଧାଙ୍କୁ ଦୁଷ୍କର୍ମ ହୋଇଥିବା ଅଭିଯୋଗ ହୋଇଛି । ରାମ କିଷାନ ନାମକ ଜଣେ ଅଭିଯୁକ୍ତ ଏହି ଦୁଷ୍କର୍ମ କରିଛନ୍ତି । ଏନେଇ ଥାନାରେ ଅଭିଯୋଗ ପରେ ସୋମବାର ପୋଲିସ ଅଭିଯୁକ୍ତକୁ ଗିରଫ କରିଛି । ଘଟଣାର ତଦନ୍ତ ଜାରି ରହିଛି । ସେପଟେ ପୀଡିତାଙ୍କୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଛି । 

ଆମ ରାଜ୍ୟରେ ବି ସମାନ ଦଶା !

ପର୍ଯ୍ୟଟନ ସହର ପୁରୀରୁ ମଧ୍ୟ ସାମ୍ନାକୁ ଆସିଛି ଦୁଷ୍କର୍ମ ଅଭିଯୋଗ । ଲିଫ୍ଟ ଦେବା ବାହାନାରେ ନର ରାକ୍ଷାସ କରିଛି ନାରୀ ଶିକାର । ନିମାପଡ଼ାରୁ ଘରକୁ ଯିବା ପାଇଁ ଛିଡ଼ା ହୋଇଥିବା ଯୁବତୀଙ୍କୁ ପୋଲିସର ପରିଚୟ ଦେଇ ଗଣଦୁଷ୍କର୍ମ କରାଯାଇଛି । ଏନେଇ ଯୁବତୀ ଜଣଙ୍କ କୁମ୍ଭାରପଡ଼ା ଥାନାରେ ଅଭିଯୋଗ କରିବା ପରେ ଖବର ବାହାରକୁ ଆସିଥିଲା । 

ଯୁବତୀଙ୍କ ଅଭିଯୋଗ ଅନୁସାରେ ଘରେ ଛାଡ଼ିଦେବାକୁ କହି କାରରେ ବସାଇ ପୁରୀ ଝଡ଼େଶ୍ୱରୀ କ୍ଲବ ନିକଟ ଏକ କ୍ଵାଟରରେ ଗଣଦୁଷ୍କର୍ମ କରିଥିଲେ ପୋଲିସ ଡ୍ରେସରେ ଥିବା ଭକ୍ଷକ । ଏନେଇ କୁମ୍ଭାରପଡ଼ା ଥାନାରେ ପୀଡିତାଙ୍କୁ SP ପଚରାଉଚୁରା କରୁଛନ୍ତି । ଗଣଦୁଷ୍କର୍ମ ଅଭିଯୋଗ ଘଟଣାରେ ୪ ଜଣ ଥାନାରେ ଅଟକ ଅଛନ୍ତି । ସେମାନଙ୍କୁ ପଚରାଉଚରା କରୁଛି ପୋଲିସ । 

ଘଟଣାରେ କାହାରିକୁ ଛଡ଼ାଯିବ ନାହିଁ । ପୀଡ଼ିତାଙ୍କୁ ପଚରାଉଚୁରା ସହ ତଦନ୍ତ ପରେ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ଏସପି । ସେପଟେ ଘଟଣାକୁ ନେଇ କୁମ୍ଭାର ପଡ଼ା ଥାନା ଘେରାଉ କରିଛନ୍ତି ଉତ୍ୟକ୍ତ ଲୋକେ । ଘଟଣାସ୍ଥଳରେ ୨ ପ୍ଲାଟୁନ ଫୋର୍ସ ମୁତୟନ କରାଯାଇଛି । 

ଅନ୍ୟପକ୍ଷରେ ଏନେଇ ପୁରୀ ଯୁବ କଂଗ୍ରେସ ପକ୍ଷରୁ ବିରୋଧ ପ୍ରଦର୍ଶନ ହୋଇଥିବା ବେଳେ ବିଜେପି ମହିଳା ମୋର୍ଚ୍ଚାର ମଧ୍ୟ ବିରୋଧ ପ୍ରଦର୍ଶନ କରିଛି । ତେବେ ପୀଡିତାଙ୍କୁ ଡାକ୍ତରୀମାଇନା ପାଇଁ ପୁରୀ ମେଡିକାଲକୁ ପଠାଯାଇଛି । ଜଣେ ପୋଲିସ କର୍ମଚାରୀଙ୍କ ସହ ଜଣେ ଯୁବକଙ୍କ ନାଁରେ ଅଭିଯୋଗ ଆଣିଥିଲେ ପୀଡ଼ିତା । କୁମ୍ଭାରପଡ଼ା ଥାନାରେ ଅଭିଯୋଗ ଆଣିଥିଲେ ପୀଡିତା । ଯୁବତୀଙ୍କୁ ନିମାପଡାରୁ କାରରେ ଉଠେଇ ନେଇ ଦୁଷ୍କର୍ମ କରିଥିବା କହିଛନ୍ତି ପୀଡ଼ିତା । 

ଅଧିକ ପଢନ୍ତୁ; ଫେକ ୱେବସାଇଟ ଖୋଲି ଲୁଟିନେଲେ ୪୦ ଲକ୍ଷ, ଜାଣନ୍ତୁ ଘଟଣା ସମ୍ପର୍କରେ