• ଜାରି ହେଲା ଅନଲକ 6.0। ଗାଇଡ଼ଲାଇନ ଅନୁଯାୟୀ ଆସନ୍ତା ୧୬ରୁ ଖୋଲିବ ସ୍କୁଲ
  • IPL 2020: ଆଇପିଏଲରେ ଆଜି ଦୁଇଟି ମ୍ୟାଚ
  • ପ୍ରଥମ ମ୍ୟାଚରେ ଦିଲ୍ଲୀ ଓ ମୁମ୍ବାଇ ପରସ୍ପରକୁ ଭେଟିବେ
  • ଦ୍ୱିତୀୟ ମ୍ୟାଚରେ ବାଙ୍ଗାଲୋର-ହାଇଦ୍ରାବାଦ ମୁହାଁମୁହିଁ
  • ଦେଶରେ ୨୪ ଘଣ୍ଟା ମଧ୍ୟରେ ମୋଟ ୪୮ ହଜାର ୨୬୮ ଜଣ ଆକ୍ରାନ୍ତ
  • ଦେଶରେ ୨୪ ଘଣ୍ଟା ମଧ୍ୟରେ ମୋଟ ୫୫୧ ଜଣ ମୃତ୍ୟୁ
  • ୫ଟି ସଚିବଙ୍କ ଲିଙ୍ଗରାଜ ମନ୍ଦିର ଗସ୍ତ, ପରଖିଲେ ସ୍ଥିତି
  • ୮୦%ରୁ ଅଧିକ ଜମି ଅଧିଗ୍ରହଣ ସରିଥିବା ସୂଚନା, ଶିବରାତ୍ରି ପୂର୍ବରୁ ରାସ୍ତା ପ୍ରଶସ୍ତ ହେବା ନେଇ ଯୋଜନା
  • ଆସନ୍ତା କାଲି ଉପନିର୍ବାଚନ ପ୍ରଚାରର ଶେଷ ଦିନ
  • ଆଜି ଲୌହପୁରୁଷ ସର୍ଦ୍ଦାର ବଲ୍ଲଭ ଭାଇ ପଟେଲଙ୍କ ୧୪୫ତମ ଜୟନ୍ତୀ

ଆଳୁ ଖୋଳୁ ଖୋଳୁ ମହାଦେବ

ଜଙ୍ଗଲରେ ପୋଲିସ୍ ବାଇକ ମିଳିବା ଘଟଣାରେ ଏବେ ସାମ୍ନାକୁ ଆସିଛି ଏକ ସାଂଘାତିକ ଘଟଣା

 ଆଳୁ ଖୋଳୁ ଖୋଳୁ ମହାଦେବ

ଉଦଳା : ଉଦଳା କଲେଜ ପାଖ ଜଙ୍ଗଲକୁ ପୋଲିସ୍ ବାଇକ ମିଳିବା ଘଟଣାରେ ଏବେ ନୂଆ ଘଟଣା ସାମ୍ନାକୁ ଆସିଛି । ଆଳୁ ଖୋଳୁ ଖୋଳୁ ମହାଦେବ ବାହାରିଲା ପରି ଏହି ଘଟଣାରେ ସାମ୍ନାକୁ ଆସିଛି ଏକ ସାଂଘାତିକ ଘଟଣା । ଯାହା ପୋଲିସ୍ କର୍ମଚାରୀଙ୍କ ଢିଲା ପଣକୁ ପଦାରେ ପକାଇଛି ।

ମୟୂରଭଞ୍ଜ ଜିଲ୍ଲା ଉଦଳା ଥାନା ଅଧିନ କଲେଜ ନିକଟ ଜଙ୍ଗଲରୁ ଓ.ଡି.୦୫ ଏ ଜି ୩୮୪୩ ନମ୍ବର ବିଶିଷ୍ଟ ଏକ ଆପାଚି ଗାଡି ଆଜି ସକାଳେ ମିଳିଥିଲା । ଯାହାକି ଗାଡି ନମ୍ବରକୁ ସରକାରୀ ୱେବସାଇଟରେ ଖୋଜିବା ପରେ ତାହା ସୁପରିଟେଣ୍ଡେଣ୍ଟ ଅଫ୍ ପୋଲିସ୍ର  ମାଲିକାନାରେ ରହିଥିବା ଜଣାଯାଇଛି । ତେବେ ଜଙ୍ଗଲରେ ପୋଲିସ୍ ବାଇକ ମିଳିବା ଘଟଣାରେ ଏବେ ସାମ୍ନାକୁ ଆସିଛି ଏକ ସାଂଘାତିକ ଘଟଣା । 
ଜିଲ୍ଲା ଆରକ୍ଷୀ ଅଧୀକ୍ଷକଙ୍କ ସୂଚନା ଅନୁସାରେ, ଗତକାଲି ସନ୍ଧ୍ୟା ସମୟରେ ଶୁଳିଆପଦା ଥାନା କୁଜିଡିହି ଛକ ନିକଟରେ ଏକ ସଡକ ଦୁର୍ଘଟଣା ହୋଇଥିଲା । ଶୁଳିଆପଦା ଥାନାର ଏଏସଆଇ ସତ୍ୟନାରାୟଣ ବାରିକ ଏବଂ ହାବିଲଦାର ଦିପ୍ତେଂଶୁ ଦାସ ଓ.ଡି. ୦୫ ଏ ଜି ୩୮୪୩ ବାଇକ ନେଇ ଘଟଣାସ୍ଥଳକୁ ଯାଇଥିଲେ । ଉକ୍ତ ଦୁର୍ଘଟଣାରେ ଗୁରୁତର ହୋଇଥିବା ମହିଳାଙ୍କୁ ଚିକିତ୍ସା ନିମନ୍ତେ ବାରିପଦା ଡାକ୍ତରଖାନାରେ ଭର୍ତି କରିଥିବା ବେଳେ ଦୁର୍ଘଟଣା ଘଟାଇଥିବା ଯୁବକ ପଶ୍ଚିମମେଦିନାପୁର ଅଂଚଳର ସଞ୍ଜିବ ଜେନାଙ୍କୁ ଚିକିତ୍ସା ନିମନ୍ତେ କୋଷ୍ଠା ସିଏଚସିରେ ଭର୍ତି କରିଥିଲେ । ହେଲେ ଦୁର୍ଘଟଣାକାରୀ ଜଣକ ପୋଲିସ୍କୁ ଚକମା ଦେଇ ଡାକ୍ତରଖାନାରୁ ପୋଲିସ୍ ବାଇକ୍ ନେଇ ଖସି ଆସିଥିଲେ । ସେ ଉକ୍ତ ବାଇକକୁ ଆଣି ଉଦଳା ଜଙ୍ଗଲରେ ପକାଇ ଫେରାର ହୋଇଯାଇଛି । ତେବେ ପୋଲିସ୍ ହେପାଜତରୁ ଅଭିଯୁକ୍ତ ଫେରାର ହୋଇଯାଇଥିବା ଘଟଣାକୁ ନେଇ ଜିଲ୍ଲା ଆରକ୍ଷୀ ଅଧୀକ୍ଷକ ଉକ୍ତ ଦୁର୍ଘଟଣା ମାମଲାରେ କାର୍ଯ୍ୟରତ ଥିବା ଏଏସଆଇ ସତ୍ୟନାରାୟଣ ବାରିକ ଏବଂ ହାବିଲଦାର ଦିପ୍ତେଂଶୁ ଦାସଙ୍କୁ କାର୍ଯ୍ୟରୁ ନିଲମ୍ବନ କରିଥିବା ଜଣାଯାଇଛି । ଅଭିଯୁକ୍ତ ଜଣକ ବାଇକଟିକୁ ଉଦଳା କଲେଜ ଜଙ୍ଗଲ ପାଖରେ ପକାଇ ଫେରାର ହୋଇଯାଇଥିବା ବେଳେ ଆଜି ସକାଳୁ ଉଦଳା ପୋଲିସ୍ ଉକ୍ତ ବାଇକକୁ ଜବତ କରି ନିଜ ହେପାଜତକୁ ନେଇଛି ।