ବିବାହ କରିବେ ଅଭିନେତ୍ରୀ ଲିପ୍ସା !

ସୌଭାଗ୍ୟ ରଞ୍ଜନ ମିଶ୍ର, ନୂଆଦିଲ୍ଲୀ: ବାହାଘର ଜୀବନର ସବୁଠୁ ବଡ଼ ଗୁରୁତ୍ୱପୁର୍ଣ୍ଣ ନିଷ୍ପତି ଯାହା ଜୀବନରେ ଆଣିଦିଏ ଅନେକ ପରିବର୍ତ୍ତନ, ଆଉ ଏହି ପରିବର୍ତ୍ତନର ଧାରାକୁ ଖୁବ୍ ଶୀଘ୍ର ଆପଣାଇବାକୁ ଯାଉଛନ୍ତି ଅଭିନେତ୍ରୀ ଲିପ୍ସା ମିଶ୍ର, ନିକଟରେ ସେ ଏ ସମ୍ପର୍କରେ ଆମକୁ ଜଣାଇଛନ୍ତି ।

ଲିପ୍ସାଙ୍କ କହିବା କଥା ହେଉଛି ସେ ପ୍ରେମ ବିବାହ କରିବାକୁ ଯାଉଛନ୍ତି ତାହାପୁଣି  ୩ବର୍ଷ ମଧ୍ୟରେ , ତେବେ ସେ କାହାକୁ ବିବାହ କରିବେ ଏପ୍ରଶ୍ନ ଆମେ ଲିପ୍ସାଙ୍କୁ ପଚାରିବା ମାତ୍ରେ ଲିପ୍ସା ଟିକେ ବୁଲେଇ ବଙ୍କେଇ ପ୍ରଶ୍ନର ଉତ୍ତର ରଖିଥିଲେ , ଲିପ୍ସାଙ୍କ କହିବା କଥା ହେଲା ସେ ନିଜ ଇଣ୍ଡଷ୍ଟ୍ରୀରୁ କାହାକୁ ପସନ୍ଦ କରୁନାହାନ୍ତି ତଥା କୌଣସି କଳାକାରଙ୍କୁ ବିବାହ କରିବା ତାଙ୍କର ଇଛା ନୂହେଁ । 

ଏହାସହ ଲିପ୍ସା କହିଛନ୍ତି ଯିଏ ତାଙ୍କର ଜୀବନସାଥୀ ହେବ ତାଙ୍କର ସିନେ,ତଥା ଗ୍ଲାମର ଇଣ୍ଡଷ୍ଟ୍ରୀ ସହ କୌଣସି ସମ୍ପର୍କ ନଥିବ , କାରଣ ଘରେ ଓ ବାହାରେ ସମାନ କଥା ଓ ଘଟଣା ଘଟିବ ବୋଲି ସେ କହିଛନ୍ତି । ଲିପ୍ସା ଏକଥା ମଧ୍ୟ ସ୍ପଷ୍ଟ କରିଛନ୍ତି ସେ ନିଜେ ବ୍ରାହ୍ମଣ ପରିବାରର ଝିଅ ହୋଇଥିଲେ ମଧ୍ୟ ତାଙ୍କ ପାଇଁ ଜାତି କିମ୍ୱା ଗୋତ୍ର ମେଳ ଖାଇବା ପାତ୍ର ଆବଶ୍ୟକ ନାହିଁ , ବରଂ ପିଲାଟି ଭଲ ହୋଇଥିବା ଆବଶ୍ୟକ , ଏହା ସହ ସେ ନିଜ ଜୀବନସାଥୀଙ୍କ ମଧ୍ୟରେ ଧନ ଓ ମନ ଉଭୟ ଦେଖିବେ ବୋଲି ସୂଚନା ଦେଇଛନ୍ତି ।

ତେବେ ଲିପ୍ସାଙ୍କ ଏମିତି ଉତ୍ତରରୁ ସ୍ପଷ୍ଟ ଅନୁମାନ କରାଯାଉଛି ହୁଏତ ସେ ନିଜ ପ୍ରେମକୁ ବର୍ତ୍ତମାନ ସାଧାରଣରେ ପ୍ରକାଶ କରିବାକୁ ରାଜି ନାହାନ୍ତି , କିନ୍ତୁ ସେ କହିବାନୁସାରେ ଯଦି ସେ ତିନି ବର୍ଷ ମଧ୍ୟରେ ବିବାହ କରନ୍ତି ତେବେ ତାହା ପରେ ସବୁ ଘଟଣା ନିଶ୍ଚେ ପଦାକୁ ଆସିବ ।