'ଦେଶଦ୍ରୋହୀ ହେବି ପଛେ ମହମବତୀ ଜାଳିବିନି'

ନୂଆଦିଲ୍ଲୀ: କୋରୋନା ଭାଇରସ ବିପକ୍ଷରେ ସମଗ୍ର ଦେଶ ଏକଜୁଟ ହୋଇ ଲଢୁଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିର୍ଦ୍ଦେଶ କ୍ରମେ ଦେଶରେ ଲକ ଡାଉନ ସ୍ଥିତି ଜାରି ରହିଛି। ତେବେ ଏହାରି ମଧ୍ୟରେ ଆସନ୍ତା ୫ ତାରିଖ ରାତି ୯ଟାରେ ୯ ମିନିଟ ପାଇଁ ଦୀପ ଜଳାଇବାକୁ ମଧ୍ୟ ପ୍ରଧାନମନ୍ତ୍ରୀ କହିଛନ୍ତି। ଦେଶବାସୀ ଏହାକୁ ସମର୍ଥନ ଜଣାଇଥିବା ବେଳେ କଂଗ୍ରେସ ନେତା ଅଧିର ରଞ୍ଜନ ଚୌଧୂରୀ ଏହାକୁ ହଜମ କରିନାହାନ୍ତି। ସେ ପ୍ରଧାନମନ୍ତ୍ରୀଙ୍କୁ ବିରୋଧ କରିବା ସହିତ ସେ ଦୀପ ଜଳାଇବାକୁ ମନା କରିଛନ୍ତି। 

ଲୋକସଭାରେ କଂଗ୍ରେସର ଦଳୀୟ ନେତା ଅଧିର ରଞ୍ଜନ କହିଛନ୍ତି କି, ଲାଇଟ ବନ୍ଦ କରିଛି ମହମବତୀ ଜଳାଇବା ଓ କୋରୋନା ବିପକ୍ଷରେ ଲଢେଇ କରିବା ସହିତ କୌଣସି ସମ୍ପର୍କ ନାହିଁ। ଏହି ଦିନ ମୁଁ ଘରର ଲାଇଟ ବନ୍ଦ କରି ପାରିବି ନାହିଁ କିମ୍ବା ମହମବତୀ ଜଳାଇବି ନାହିଁ। ଏ ସବୁ ନ କରି ମଧ୍ୟ ମୁଁ କୋରୋନା ବିପକ୍ଷରେ ଲଢେଇ ଜାରି ରଖିବି। ଯଦି ମୁଁ ମହମବତୀ ଜଳାଇବି ନାହିଁ ତେବେ ମୋତେ ଦେଶଦ୍ରୋହ କୁହାଯିବ। ଏଥିପାଇଁ ମଧ୍ୟ ମୁଁ ପ୍ରସ୍ତୁତ ରହିଛି ବୋଲି ସେ କହିଛି। 

ସେପଟେ କଂଗ୍ରେସ ଦଳର ଟ୍ୱିଟର ହ୍ୟାଣ୍ଡେଲ ଆକାଉଣ୍ଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅପିଲ ଉପରେ ମଧ୍ୟ ପ୍ରଶ୍ନ ଉଠାଯାଇଛି। ଲକଡାଉନ ସମୟରେ ଅନେକଙ୍କୁ ଦିନକୁ ଦୁଇବେଳା ଖାଇବା ମିଳୁନଥିବା ନେଇ କଂଗ୍ରେସ ପ୍ରଶ୍ନ ଉଠାଇଛି। ଦଳ କହିଛି କି, ଦିନକୁ ଦୁଇବେଳା ପେଟ ପୁରୁନାହିଁ, ଏଭଳି ଅବସ୍ଥାରେ ଜଣେ ଦୀପ କିପରି ଜାଳିବ ବୋଲି ଟ୍ୱିଟରରେ ପ୍ରଶ୍ନ ଉଠାଇଛି କଂଗ୍ରେସ। ଏଥିରୁ ବର୍ତ୍ତିବା ପାଇଁ କିଛି ଉପାୟ କୁହାଯାଉ ବୋଲି ଦଳ ପକ୍ଷରୁ କୁହାଯାଇଛି।