କୋରୋନା ଲଢ଼େଇରେ ଆଗେଇ ଆସିଲା ରେଳ ସୁରକ୍ଷା ବଳ

ନୂଆଦିଲ୍ଲୀ: ଦେଶରେ କୋରୋନା ଆକ୍ରାନ୍ତଙ୍କ ସଂଖ୍ୟା ବୃର୍ଦ୍ଧି ପାଉଥିବା ବେଳେ ମାସ୍କ ଏବଂ ସାନିଟାଇଜରର ଆବଶ୍ୟକତା ବଢ଼ିଯାଇଛି । ଯେଉଁଥିପାଇଁ ତ ଘରେ ତିଆରି ମାସ୍କକୁ ବ୍ୟବହାର କରିବାକୁ କହିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏପରିକି ରୁମାଲକୁ ମଧ୍ୟ ମାସ୍କ ଭାବେ ବ୍ୟବହାର କରାଯାଇପାରିବ ବୋଲି ମୋଦି କହିଥିଲେ । ଆଉ ପ୍ରଧାନମନ୍ତ୍ରୀଙ୍କ ଏପରି ଆହ୍ୱାନ ପରେ ଲୋକଙ୍କୁ ସଚେତନ କରିବା ପାଇଁ ଆଗେଇ ଆସିଛି ରେଳ ସୁରକ୍ଷା ବଳ(ଆରପିଏଫ) । 

କୋରୋନା ମୁକାବିଲା ଦିଗରେ ସଚେତନତା ବାଣ୍ଟୁଛି ଆରପିଏଫ । ରୁମାଲକୁ କିପରି ମାସ୍କ ଭାବେ ବ୍ୟବହାର କରାଯାଇପାରିବ, ସେନେଇ ଲୋକଙ୍କ ସଚେତନ କରୁଛି । ସେହିପରି ସାମାଜିକ ଦୂରତ୍ୱ ଏବଂ ସାନିଟାଇଜରରେ ହାତ ସଫା କରିବା ନେଇ ମଧ୍ୟ ସଚେତନତା ଅଭିଯାନ ଚଳାଇଛି ଆରପିଏଫ । 

ଆରପିଏଫର ବରିଷ୍ଠ ଡିଏସସି ଏନଏନ ଝା କହିଛନ୍ତି, ''ଲୋକଙ୍କୁ ପ୍ରଧାନମନ୍ତ୍ରୀଙ୍କ ଆହ୍ୱାନ ପରେ ଆମେ ମଧ୍ୟ ସଚେତନତା କାର୍ଯ୍ୟକ୍ରମ କରୁଛୁ । ସାଧାରଣତଃ ରେଳ ଟ୍ରାକ ଉଭୟ ପାର୍ଶ୍ୱରେ ବହୁତ ଝୁପୁଡ଼ି ଘର ରହିଥାଏ । ଦିନ ମଜୁରିଆ, ଶ୍ରମିକମାନେ ସେଠି ରହିଥାନ୍ତି । ମାସ୍କ କିଣିବା ସେମାନଙ୍କ ପକ୍ଷେ ସମ୍ଭବ ହୋଇନପାରେ । ତେଣୁ ଆମେ ଏପ୍ରକାର ଲୋକଙ୍କୁ ରାଶନ୍, ଖାଦ୍ୟ ଏବଂ ମାସ୍କ ମଧ୍ୟ ବଣ୍ଟନ କରୁଛୁ । ସେହିପରି ରୁମାଲକୁ କିପରି ମାସ୍କ ଭାବେ ବ୍ୟବହାର କରାଯାଇପାରିବ, ସେନେଇ ଆରପିଏଫ ପକ୍ଷରୁ ଲୋକଙ୍କୁ ସଚେତନ କରାଯାଉଛି । ଏପରିକି ସାନିଟାଇଜରରେ ହାତ ଧୁଆ ମଧ୍ୟ ଶିଖାଉଛନ୍ତି ଆରପିଏଫ କର୍ମଚାରୀ ।''