ପୁଣି ଉଗ୍ରରୂପ ଧାରଣ କରିଛି JNU ଛାତ୍ର ଆନ୍ଦୋଳନ, ଆଖପାଖ ଅଞ୍ଚଳରେ ୧୪୪ ଧାରା ଲାଗୁ

ପୁଣି ଉଗ୍ରରୂପ ଧାରଣ କରିଛି JNU ଛାତ୍ର ଆନ୍ଦୋଳନ, ଆଖପାଖ ଅଞ୍ଚଳରେ ୧୪୪ ଧାରା ଲାଗୁ

ଉତ୍ୟକ୍ତ ଛାତ୍ର ଭାଙ୍ଗିଲେ ପୋଲିସ ବ୍ୟାରିକେଡ

ପୁଣି ଉଗ୍ରରୂପ ଧାରଣ କରିଛି JNU ଛାତ୍ର ଆନ୍ଦୋଳନ, ଆଖପାଖ ଅଞ୍ଚଳରେ ୧୪୪ ଧାରା ଲାଗୁ

ପ୍ରଜ୍ଞା ପାରମିତା ପତ୍ରୀ, ଭୁବନେଶ୍ୱର: ଉଗ୍ରରୂପ ଧାରଣ କରିଛି JNU ଛାତ୍ର ଆନ୍ଦୋଳନ । ଉତ୍ୟକ୍ତ ଛାତ୍ରମାନେ ପୋଲିସ ବ୍ୟାରିକେଡ ଭାଙ୍ଗିବା ସହ ପୋଲିସଙ୍କ ସହ ଅସଦ ବ୍ୟବହାର ପ୍ରଦର୍ଶନ କରିଛନ୍ତି । JNU ଆଖପାଖ ଅଞ୍ଚଳରେ ୧୪୪ ଧାରା ଲାଗୁ କରାଯାଇଛି । ହଷ୍ଟେଲ ଫିସ ବୃଦ୍ଦି ପ୍ରତିବାଦରେ ସଂଘ ପକ୍ଷରୁ ସଂସଦ ପର୍ଯ୍ୟନ୍ତ ମାର୍ଚ୍ଚ କରିବାକୁ ପୂର୍ବରୁ ଘୋଷଣା ହୋଇଥିବାବେଳେ ମାର୍ଚ୍ଚ ଆରମ୍ଭ କରିଛନ୍ତି ଛାତ୍ର । ଅକ୍ଟୋବର ୩ରେ JNU ପ୍ରଶାସନ ପକ୍ଷରୁ ହଷ୍ଟେଲ ଫିସ ବୃଦ୍ଧି କରାଯାଇଥିଲା । ଛାତ୍ର ସଙ୍ଗଠନ ପକ୍ଷରୁ ଏହାର ତୀବ୍ର ବିରୋଧ ପରେ ଫିସ କମାଇଥିଲେ JNU ପ୍ରଶାସନ । ଦୀର୍ଘଦିନ ଧରି କ୍ୟାମ୍ପସରେ ଉତ୍ତେଜନା ଲାଗି ରହିଥିବାବେଳେ ପ୍ରଶାସନ ପକ୍ଷରୁ ଆଲୋଚନା ପାଇଁ ପ୍ରସ୍ତାବ ଦିଆଯାଇଛି । କିନ୍ତୁ ଛାତ୍ର ସଂଘ ଆଲୋଚନା ବଦଳରେ ଆନ୍ଦୋଳନକୁ ତୀବ୍ର କରିଛି । 

ପୂର୍ବରୁ ହଷ୍ଟେଲ ଫି ମାତ୍ର ୧୨୦ ଟଙ୍କା ଥିବା ବେଳେ ତାହାକୁ ବୃଦ୍ଧି କରାଯାଇ ୩୬୦୦ ଟଙ୍କା କରାଯାଇଥିଲା, ସିକ୍ୟୁରିଟି ଫିକୁ ୪୫୦୦ ରୁ ୧୨ ହଜାର ଟଙ୍କାକୁ ବୃଦ୍ଧି କରାଯାଇଥିଲା । ବିଶ୍ୱବିଦ୍ୟାଳୟରେ ୪୦% ଛାତ୍ରଛାତ୍ରୀ ଗରିବ ଶ୍ରେଣୀର ହୋଇଥିବାରୁ ବର୍ଦ୍ଧିତ ଫି ଅନେକଙ୍କ ଉପରେ ବୋଝ ହେବ ବୋଲି ପ୍ରତିବାଦ କରିଥିଲା ଛାତ୍ର ସଂସଦ । 

ନଭେମ୍ୱର ୧୧ ତାରିଖରେ ସୋମବାର JNU ପକ୍ଷରୁ ଆୟୋଜିତ ସମାବର୍ତ୍ତନ ଉତ୍ସବରେ ମୁଖ୍ୟ ଅତିଥୀ ଭାବେ ଉପରାଷ୍ଟ୍ରପତି ଭେଙ୍କୟା ନାୟଡୁ ଯୋଗ ଦେଇ ଭାଷଣ ଦେଉଥିବାବେଳେ କ୍ୟାମ୍ପସ ବାହାରେ ଚାଲିଥିଲା ଆନ୍ଦୋଳନ । ପ୍ରତିବାଦ ଉଗ୍ରରୂପ ନେବା ଆଶଙ୍କାରେ ବ୍ୟାରିକେଟର ବ୍ୟବସ୍ଥା କରିଥିଲା ପୋଲିସ । ମାତ୍ର ବ୍ୟାରିକେଟ ନ ମାନି ଆନ୍ଦୋଳନ ଅଧିକ ଉଗ୍ର ହୋଇଥିଲା ଓ ସେଦିନ ଋଣକ୍ଷେତ୍ର ପାଲଟିଥିଲା କ୍ୟାମ୍ପସ । ତେବେ ପୁଣି କଲେଜ କ୍ୟାମ୍ପସ ଋଣକ୍ଷେତ୍ର ପାଲଟିବା ବାସ୍ତବିକ ଚିନ୍ତାର ବିଷୟ ।

Trending news