close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

'ଦୁଇ ଘୋଡାରେ ଯାତ୍ରା କରୁଛନ୍ତି ଶିବସେନା ମୁଖ୍ୟ'

ନେତୃତ୍ୱକୁ ନେଇ ବିଜେପି-ଶିବସେନା ଭିତରେ ଜାରି ରହିଛି ଛକାପଞ୍ଝା । ଯଦିଓ ଶିବସେନା ଟିକିଏ ନରମ ପଡିଥିବା କୁହାଯାଉଛି, ତଥାପି ମଧ୍ୟ ସରକାର ଗଠନ ପାଇଁ ଏକ ସ୍ପଷ୍ଟ ଚିତ୍ର ଆସିପାରିନାହିଁ । ଏହାରି ଭିତରେ ଉଭୟ ଦଳକୁ କଡା ସମାଲୋଚନା କରିଛନ୍ତି ଏଆଇଏମଆଇଏମ ମୁଖ୍ୟ ଅସଦୁଦ୍ଦୀନ ଓୱେସୀ । ଶିବସେନା ମୁଖ୍ୟ ଉଦ୍ଧବ ଠାକରେ ଦୁଇ ଘୋଡାରେ ଯାତ୍ରା କରୁଥିବା ସେ କହିଛନ୍ତି । 

'ଦୁଇ ଘୋଡାରେ ଯାତ୍ରା କରୁଛନ୍ତି ଶିବସେନା ମୁଖ୍ୟ'
ଡିଜାଇନ ଫଟୋ

ନୂଆଦିଲ୍ଲୀ: ନେତୃତ୍ୱକୁ ନେଇ ବିଜେପି-ଶିବସେନା ଭିତରେ ଜାରି ରହିଛି ଛକାପଞ୍ଝା । ଯଦିଓ ଶିବସେନା ଟିକିଏ ନରମ ପଡିଥିବା କୁହାଯାଉଛି, ତଥାପି ମଧ୍ୟ ସରକାର ଗଠନ ପାଇଁ ଏକ ସ୍ପଷ୍ଟ ଚିତ୍ର ଆସିପାରିନାହିଁ । ଏହାରି ଭିତରେ ଉଭୟ ଦଳକୁ କଡା ସମାଲୋଚନା କରିଛନ୍ତି ଏଆଇଏମଆଇଏମ ମୁଖ୍ୟ ଅସଦୁଦ୍ଦୀନ ଓୱେସୀ । ଶିବସେନା ମୁଖ୍ୟ ଉଦ୍ଧବ ଠାକରେ ଦୁଇ ଘୋଡାରେ ଯାତ୍ରା କରୁଥିବା ସେ କହିଛନ୍ତି । 

ଓୱେସୀଙ୍କ କହିବା କଥା ହେଲା, ଯଦି ଉଦ୍ଧବ ଠାକରେ ମୁଖ୍ୟମନ୍ତ୍ରୀ ପଦ ଚାହୁଁଛନ୍ତି ତେବେ ଦୁଇ ଘୋଡାରେ ଯାତ୍ରା କାହିଁକି ? ମନେ ହେଉଛି ଉଦ୍ଧବ ପ୍ରଧାନମନ୍ତ୍ରୀ ମୋଦିଙ୍କୁ ନେଇ ଘବରାଇ ଯାଉଛନ୍ତି । ସେହିପରି ଶିବସେନାର ୫୦/୫୦ ଫର୍ମୁଲାକୁ ନେଇ ମଧ୍ୟ କଡା ସମାଲୋଚନା କରିଛନ୍ତି ଓୱେସୀ । କହିଛନ୍ତି, ୫୦/୫୦ କଣ ? କିଛି ନୂଆ ବିସ୍କୁଟ ଆସିଛି କି ? ତାଙ୍କ ଦଳ ନା ବିଜେପିକୁ ସମର୍ଥନ କରିବ ନା ଶିବସେନାକୁ । ଏମାନେ ଜନତାଙ୍କୁ ମୁର୍ଖ ବନାଉଥିବା କହିଛନ୍ତି ଓୱେସୀ । 

କହିରଖୁଛୁ, ଚଳିତ ନିର୍ବାଚନରେ ମହାରାଷ୍ଟ୍ରର ୨୮୮ଟି ଆସନରୁ ବିଜେପିକୁ ୧୦୫, ଶିବସେନାକୁ ୫୬, ଏନସିପିକୁ ୫୪, କଂଗ୍ରେସକୁ ୪୪ ଓ ଅନ୍ୟାନ୍ୟକୁ ୨୯ଟି ଆସନ ମିଳିଛି । ମ୍ୟାଜିକ ନମ୍ବର ୨୪୫ । ଯଦିଓ ନିର୍ବାଚନ ପୂର୍ବରୁ ବିଜେପି ଓ ଶିବସେନା ମେଣ୍ଟ କରି ମଇଦାନକୁ ଓହ୍ଲାଇଥିଲେ, ତଥାପି ମଧ୍ୟ ଶିବସେନା ମୁଖ୍ୟ ଉଦ୍ଧବ ଠାକରେଙ୍କ ୫୦/୫୦ ଫର୍ମୁଲା ନେଇ ଉଭୟ ଦଳ ମଧ୍ୟରେ ସହମତି ପ୍ରକାଶ ପାଇପାରୁନି । ଯେଉଁଥିପାଇଁ ଏହି ମେଣ୍ଟ ବହୁମତ ପାଇଥିଲେ ମଧ୍ୟ ଏପର୍ଯ୍ୟନ୍ତ ସରକାର ଗଢିପାରିନାହାଁନ୍ତି । 

ବିଜେପି ବିରୋଧୀ ସରକାର ଗଠନ କରିବାକୁ ହେଲେ କଂଗ୍ରେସ, ଏନସିପି ଏବଂ ଶିବସେନା ମଧ୍ୟରେ ବୁଝାମଣା ଦରକାର । କିନ୍ତୁ ବିରୋଧୀ ଦଳର ଭୂମିକା ଲିଭାଇବାକୁ ସ୍ପଷ୍ଟ କରିଦେଇଛନ୍ତି ଏନସିପି ମୁଖ୍ୟ ଶରତ ପାୱାର । ଆଉ ଏହାରି ଭିତରେ ସରକାର ଗଠନ ପାଇଁ ବିଜେପି-ଶିବସେନା ଭିତରେ ସହମତି ହିଁ ଏକମାତ୍ର ରାସ୍ତା । ନହେଲେ ବିଜେପି ନେତାଙ୍କ ରାଷ୍ଟ୍ରପତି ଶାସନ ବୟାନ ହୁଏତ ସତ ହୋଇପାରେ ।