• ଆଜି ଲୌହପୁରୁଷ ସର୍ଦ୍ଦାର ବଲ୍ଲଭ ଭାଇ ପଟେଲଙ୍କ ୧୫୪ତମ ଜୟନ୍ତୀ
  • IPL 2020: ଆଇପିଏଲରେ ଆଜି ଦୁଇଟି ମ୍ୟାଚ
  • ପ୍ରଥମ ମ୍ୟାଚରେ ଦିଲ୍ଲୀ ଓ ମୁମ୍ବାଇ ପରସ୍ପରକୁ ଭେଟିବେ
  • ଦ୍ୱିତୀୟ ମ୍ୟାଚରେ ବାଙ୍ଗାଲୋର-ହାଇଦ୍ରାବାଦ ମୁହାଁମୁହିଁ
  • ଦେଶରେ ୨୪ ଘଣ୍ଟା ମଧ୍ୟରେ ମୋଟ ୪୮ ହଜାର ୨୬୮ ଜଣ ଆକ୍ରାନ୍ତ
  • ଦେଶରେ ୨୪ ଘଣ୍ଟା ମଧ୍ୟରେ ମୋଟ ୫୫୧ ଜଣ ମୃତ୍ୟୁ
  • ୫ଟି ସଚିବଙ୍କ ଲିଙ୍ଗରାଜ ମନ୍ଦିର ଗସ୍ତ, ପରଖିଲେ ସ୍ଥିତି
  • ୮୦%ରୁ ଅଧିକ ଜମି ଅଧିଗ୍ରହଣ ସରିଥିବା ସୂଚନା, ଶିବରାତ୍ରି ପୂର୍ବରୁ ରାସ୍ତା ପ୍ରଶସ୍ତ ହେବା ନେଇ ଯୋଜନା
  • ଆଜି ଉପନିର୍ବାଚନର ଶେଷ ଦିନ

ଆଜି ବାୟୁସେନା ଦିବସ, ଦୁନିଆ ଦେଖିଲା ବାୟୁସେନାର ପରାକ୍ରମ

ଭାରତ ପାଳୁଛି ୮୭ତମ ବାୟୁସେନା ଦିବସ । ହିଣ୍ଡନ୍ ଏୟାରବେସରେ ସ୍ଵତନ୍ତ୍ର କାର୍ଯ୍ୟକ୍ରମ । ସାମିଲ ହେଲେ ତିନି ସେନା ମୁଖ୍ୟ । କାର୍ଯ୍ୟକ୍ରମରେ ସଚିନ ତେନ୍ଦୁଲକର ବି ସାମିଲ ।

ଆଜି ବାୟୁସେନା ଦିବସ, ଦୁନିଆ ଦେଖିଲା ବାୟୁସେନାର ପରାକ୍ରମ
ହିଣ୍ଡନରେ ବାୟୁସେନା ହେଲିକ୍ୟାପ୍ଟରଙ୍କ ରଣକୌଶଳ ପ୍ରଦର୍ଶନ

ଗାଜିଆବାଦ: ଆଜି ଭାରତ ପାଳୁଛି ୮୭ତମ ବାୟୁସେନା ଦିବସ । ଏଥିପାଇଁ ଉତ୍ତରପ୍ରଦେଶର ଗଜିଆବାଦ ନିକଟରେ ଥିବା ହିଣ୍ଡନ୍ ଏୟାରବେସରେ ସ୍ଵତନ୍ତ୍ର କାର୍ଯ୍ୟକ୍ରମ ଆୟୋଜନ କରିଛି ଭାରତୀୟ ବାୟୁସେନା । ଏହି ଅବସରରେ ବାଲାକୋଟ୍ ଏୟାରଷ୍ଟ୍ରାଇକରେ ଭାଗ ନେଇଥିବା ପାଇଲଟ୍ ଓ ସ୍କ୍ୱାର୍ଡନ୍ ଲିଡର୍ ଅଭିନନ୍ଦନ ବର୍ତ୍ତମାନ ମଧ୍ୟ ସାଜିଥିଲେ ଏହି ବାୟୁସେନା ଦିବସ କାର୍ଯ୍ୟକ୍ରମର ମୁଖ୍ୟ ଆକର୍ଷଣ । ମିଗ୍ ବାଇସନ୍ ବିମାନ ଉଡାଣ କରି ଦର୍ଶକଙ୍କର ଅଭିବାଦନ ଗ୍ରହଣ କରିଥିଲେ ଅଭିନନ୍ଦନ ।

ତେବେ ଚଳିତ ବାୟୁସେନା ଦିବସର ଅନ୍ୟତମ ମୁଖ୍ୟ ଆକର୍ଷଣ ଥିବା ଓ ଏହି କାର୍ଯ୍ୟକ୍ରମରେ ପ୍ରଥମଥର ପାଇଁ ସାମିଲ୍ ହୋଇଥିବା ଚିନୁକ୍ ହେଲିକ୍ୟାପ୍ଟର, ସ୍ୱଦେଶୀ ଯୁଦ୍ଧ ବିମାନ ତେଜସ୍ ଓ ଯୁଦ୍ଧ ହେଲିକ୍ୟାପ୍ଟର ଅପାଚେ ମଧ୍ୟ ଦର୍ଶକମାନଙ୍କର ଖୁବ୍ ମନୋରଞ୍ଜନ କରିଥିଲେ । ଏହିସବୁ ବିମାନଗୁଡ଼ିକ ଆକାଶରେ ଉଡ଼ାଣ ଭରି ଦେଶର ଜନତାଙ୍କୁ ଦେଶ ସୁରକ୍ଷିତ ଥିବା ନେଇ ସନ୍ଦେଶ ଦେଇଛନ୍ତି । ଏହାସହ ଶତ୍ରୁପକ୍ଷ ଦେଶମାନଙ୍କୁ ମଧ୍ୟ ଏକ ସନ୍ଦେଶ ଦେଇଛନ୍ତି ଯେ ଭାରତ ବି କୌଣସି କ୍ଷେତ୍ରରେ କାହାଠୁ କମ୍ ନୁହେଁ ।

ଆଜିର ଏହି କାର୍ଯ୍ୟକ୍ରମରେ ପ୍ରମୁଖ ଆକର୍ଷଣ ଥିବା ବାୟୁସେନା ହିରୋ ଅଭିନନ୍ଦନ ବର୍ତ୍ତମାନ ତାଙ୍କ ମିଗ୍ -୨୧ ବାଇସନ୍ ବିମାନ ଉଡ଼ାଇଥିଲେ । ସେ ବାଲାକୋଟ୍ ଏୟାରଷ୍ଟ୍ରାଇକ୍ ପରେ ପାକିସ୍ତାନର ଏଫ୍-୧୬ ଲଢୁଆ ବିମାନର ପିଛା କରୁଥିବା ସମୟରେ ପିଓକେ ମଧ୍ୟରେ ପ୍ରବେଶ କରି ଏଫ୍-୧୬ କୁ ମାରି ଖସାଇଥିଲେ । ଯାହାକୁ ଆଜି ବି ସାରା ଦେଶ ମନେ ରଖିଛି । 

ଆଜିର କାର୍ଯ୍ୟକ୍ରମରେ ମିରାଜ-୨୦୦୦, ସୁଖୋଇ ଏବଂ ଗ୍ଲୋବମାଷ୍ଟର ବିମାନ ଭଳି ଆହୁରି ଅନେକ ବିମାନ ନିଜ ନିଜ ରଣକୌଶଳ ପ୍ରଦର୍ଶିତ କରିଥିଲେ । ବାୟୁସେନା ଦିବସ ଅବସରରେ ସର୍ବପ୍ରଥମେ ଏୟାର୍ ୱାରିୟର୍ (ବାୟୁ ଯୋଦ୍ଧା)ର ଡ୍ରିଲ୍ ଟିମ୍ ନିଜ ଜୋସ୍ ଦେଖାଇଥିଲେ । ଏହି ଯବାନମାନେ ୫ କିଲୋ ଓଜନର ବନ୍ଧୁକକୁ ଖେଳନା ଭଳି ଏପଟେ ସେପଟେ ବୁଲାଇ ସମସ୍ତଙ୍କୁ ଚକିତ କରି ଦେଇଥିଲେ ।

ସୁମିତ୍ ତିୱାରୀ ଏହି ଦଳର ନେତୃତ୍ୱ ନେଇଥିଲେ । କାର୍ଯ୍ୟକ୍ରମରେ ବାୟୁସେନା ମୁଖ୍ୟ ରାକେଶ୍ କୁମାର ଭଦୋରିୟା ନିଜ ସମ୍ବୋଧନରେ ସହିଦ୍ ହୋଇଥିବା ବାୟୁସେନାର ଯବାନଙ୍କୁ ମନେ ପକାଇଥିଲେ ଏବଂ ଯୁଦ୍ଧ ସେବା ମେଡାଲ୍ ପ୍ରଦାନ କରିଥିଲେ । ଏହା ସହ ସେ ଶତ୍ରୁ ଦେଶକୁ ମଧ୍ୟ ନିଜ ଭାଷଣରେ କଡ଼ା ଚେତାବନୀ ଦେଇଛନ୍ତି । ଭାରତର ସୁରକ୍ଷା ସହ କୌଣସି ପ୍ରକାରର ସାଲିସ୍ କରାଯିବନି । ଶତ୍ରୁ ଭାରତର କୌଣସି କ୍ଷତି ପହଞ୍ଚାଇବା ପାଇଁ ଚାହିଁଲେ, ଭାରତୀୟ ବାୟୁସେନା ସଙ୍ଗେ ସଙ୍ଗେ ଏହାର ଉଚିତ୍ ଜବାବ୍ ଦେଵ ବୋଲି କହିଛନ୍ତି ଏୟାର୍ ମାର୍ଶାଲ୍ ଭଦୋରିୟା । ସମସ୍ତ ପ୍ରତିକୂଳ ପାଗ ଓ ପରିସ୍ଥିତି ପାଇଁ ଭାରତୀୟ ବାୟୁ ସେନା ସର୍ବଦା ପ୍ରସ୍ତୁତ ରହିଛି ବୋଲି ସେ କହିଛନ୍ତି ।

ଭାରତୀୟ ବାୟୁସେନା ଦିବସ ଉପଲକ୍ଷେ ବାୟୁସେନା ମୁଖ୍ୟଙ୍କ ସହ ସ୍ଥଳ ସେନା ମୁଖ୍ୟ ଓ ନୌସେନା ମୁଖ୍ୟ ମଧ୍ୟ ଆଜିର କାର୍ଯ୍ୟକ୍ରମରେ ସାମିଲ୍ ଥିଲେ । ଏହାସହ ବାୟୁସେନା ଗ୍ରୁପ୍ କ୍ୟାପଟେନ୍ ଭାବେ ସମ୍ମାନ ପାଇଥିବା କ୍ରିକେଟ୍ କିମ୍ବଦନ୍ତୀ ସଚିନ୍ ତେନ୍ଦୁଲକର୍ ମଧ୍ୟ ବାୟୁସେନା ଦିବସ ଅବସରରେ କାର୍ଯ୍ୟକ୍ରମରେ ସାମିଲ ହୋଇଥିଲେ ।