close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ୟେଦୁରପ୍ପାଙ୍କ ଲିକ୍ କ୍ଲିପରୁ ହୋଇଛି ଖୁଲାସା, କଂଗ୍ରେସ-ଜେଡିଏସ ସରକାର ଭାଙ୍ଗିବା ପଛରେ ଶାହାଙ୍କ ହାତ!

କର୍ଣ୍ଣାଟକ ରାଜନୀତିର ନାଟକ ଏଯାଏ ସରିନାହିଁ । ବର୍ତ୍ତମାନ ଏକ ଅଡିଓ କ୍ଲିପ କର୍ଣ୍ଣାଟକ ରାଜନୀତିରେ ଝଡ଼ ସୃଷ୍ଟି କରିଛି । ଏହି କ୍ଲିପଟି ମୁଖ୍ୟମନ୍ତ୍ରୀ ବିଏସ ୟେଦୁରପ୍ପାଙ୍କ ବାର୍ତ୍ତାଳାପ ଉପରେ ରହିଛି । ବୁଧବାର ବିଜେପି କୋର ସମିତିର ହୁବଲି ବୈଠକରେ ଏହାର ରେକର୍ଡ କରାଯାଇଥିଲା । ଏହି କ୍ଲିପରେ ୟେଦୁରପ୍ପା କହିବାରେ ଶୁଣାଯାଉଛି ଯେ, ଜେଡିଏସ ଓ କଂଗ୍ରେସର ଅସନ୍ତୁଷ୍ଟ ବିଧାୟକଙ୍କୁ ମୁମ୍ୱାଇରେ ଦଳର ହାଇକମାଣ୍ଡ ଅର୍ଥାତ ଅମିତ ଶାହାଙ୍କ ସହମତିରେ ରଖାଯାଇଥିଲା । ଏହାସହ ସେ ସମସ୍ତଙ୍କୁ ଉପଦେଶ ଦେଉଛନ୍ତି ଅସନ୍ତୁଷ୍ଟ ବିଧାୟକଙ୍କ ସମର୍ଥନରେ ଛିଡା ଆବଶ୍ୟକ କାରଣ ବିଜେପି ଏମାନଙ୍କ ପାଇଁ କ୍ଷମତାକୁ ଫେରିଛି ।

ୟେଦୁରପ୍ପାଙ୍କ ଲିକ୍ କ୍ଲିପରୁ ହୋଇଛି ଖୁଲାସା, କଂଗ୍ରେସ-ଜେଡିଏସ ସରକାର ଭାଙ୍ଗିବା ପଛରେ ଶାହାଙ୍କ ହାତ!
ଫଟୋ ସୌଜନ୍ୟ: ସୋସିଆଲ ମିଡିଆ/ଟ୍ୱିଟର, ୟେଦୁରପ୍ପା

ବେଙ୍ଗାଲୁରୁ: କର୍ଣ୍ଣାଟକ ରାଜନୀତିର ନାଟକ ଏଯାଏ ସରିନାହିଁ । ବର୍ତ୍ତମାନ ଏକ ଅଡିଓ କ୍ଲିପ କର୍ଣ୍ଣାଟକ ରାଜନୀତିରେ ଝଡ଼ ସୃଷ୍ଟି କରିଛି । ଏହି କ୍ଲିପଟି ମୁଖ୍ୟମନ୍ତ୍ରୀ ବିଏସ ୟେଦୁରପ୍ପାଙ୍କ ବାର୍ତ୍ତାଳାପ ଉପରେ ରହିଛି । ବୁଧବାର ବିଜେପି କୋର ସମିତିର ହୁବଲି ବୈଠକରେ ଏହାର ରେକର୍ଡ କରାଯାଇଥିଲା । ଏହି କ୍ଲିପରେ ୟେଦୁରପ୍ପା କହିବାରେ ଶୁଣାଯାଉଛି ଯେ, ଜେଡିଏସ ଓ କଂଗ୍ରେସର ଅସନ୍ତୁଷ୍ଟ ବିଧାୟକଙ୍କୁ ମୁମ୍ୱାଇରେ ଦଳର ହାଇକମାଣ୍ଡ ଅର୍ଥାତ ଅମିତ ଶାହାଙ୍କ ସହମତିରେ ରଖାଯାଇଥିଲା । ଏହାସହ ସେ ସମସ୍ତଙ୍କୁ ଉପଦେଶ ଦେଉଛନ୍ତି ଅସନ୍ତୁଷ୍ଟ ବିଧାୟକଙ୍କ ସମର୍ଥନରେ ଛିଡା ଆବଶ୍ୟକ କାରଣ ବିଜେପି ଏମାନଙ୍କ ପାଇଁ କ୍ଷମତାକୁ ଫେରିଛି ।

ମୋବାଇଲରୁ ଏହାର ରେକର୍ଡ କରାଯାଇଛି । ଏହି କ୍ଲିପଟି ୭ମିନିଟର ରହିଛି । ଏହି କ୍ଲିପରେ ୟେଦୁରପ୍ପା ଆହୁରି କହିଛନ୍ତି ଯେ କେହି ମଧ୍ୟ ମୋ ସରକାରଙ୍କୁ ମଜଭୁତ କରିବା ପାଇଁ କାମ କରୁ ନାହିଁ । ଏହି ସରକାର ଆମମାନଙ୍କୁ ବିଧାନସଭାରୁ ନିଷ୍କାସିତ ବିଧାୟକଙ୍କ ଉପହାରରୁ ମିଳିଛି । ଅସନ୍ତୁଷ୍ଟ ବିଧାୟକଙ୍କୁ ମୁମ୍ୱାଇରେ ରଖିବାର ନିଷ୍ପତ୍ତି ମୋର ନଥିଲା ବରଂ ଦଳର ହାଇକମାଣ୍ଡଙ୍କ ଅନୁମତିରେ ସେମାନଙ୍କୁ ଅଢେଇ ମାସ ରଖାଯାଇଥିଲା ।

ଅନ୍ୟପକ୍ଷେ ଏହି ଅଡିଓ କ୍ଲିପରେ ସତ୍ୟତ୍ୟାକୁ ଅସ୍ୱୀକାର କରି ନାହିଁ ୟେଦୁରପ୍ପା । ସେ କହିଛନ୍ତି ଯେ ଦଳର କାର୍ଯ୍ୟକର୍ତ୍ତାଙ୍କ ସହ କିଛି ଗୁରୁତ୍ୱପୂର୍ଣ୍ଣ ବିଷୟ ଉପରେ ଆଲୋଚନା କରାଯାଇଥିଲା । ନିଜ ସରକାର ଭାଙ୍ଗିବା ପରେ ଦୁଃଖିତ ରହୁଥିବା ଏଚଡି କୁମାରସ୍ୱାମୀ ଏହି କ୍ଲିପ ଆସିବା ପରେ ଫର୍ମକୁ ଫେରିଛନ୍ତି । ସେ ତୁରନ୍ତ ପ୍ରତିକ୍ରିୟା ଦେଇ କହିଛନ୍ତି ଯେ ଏହି କ୍ଲିପକୁ କୋର୍ଟରେ ପ୍ରମାଣ ଭାବେ ଉପସ୍ଥାପନ କରାଯିବ ।

ସେହିପରି କର୍ଣ୍ଣାଟକ କଂଗ୍ରେସ ପ୍ରଦେଶାଧ୍ୟକ୍ଷ ଦିନେଶ ଗୁଣ୍ଡୁ କହିଛନ୍ତି ଯେ ବିଏସ ୟେଦୁରପ୍ପା ପୁଣିଥରେ ନିଜ ଅପରେଶନ କମଳ ଓ ଅନୈତିକ ଭାବେ କଂଗ୍ରେସ ବିଧାୟକଙ୍କୁ ଭାଙ୍ଗିବାର କଥା ସ୍ୱୀକାର କରିଛନ୍ତି । ଏହି କ୍ଲିପରୁ ସ୍ପଷ୍ଟ ଜଣାପଡୁଛି ଯେ ଏହି ଅପରେଶନ ପଛରେ ବିଜେପି ମାଷ୍ଟରମାଇଣ୍ଡ । ଆମେ ଅମିତ ଶାହ ଓ ୟେଦୁରପ୍ପାଙ୍କ ଇସ୍ତଫା ଦାବି କରୁଛୁ ବୋଲି ସେ କହିଛନ୍ତି ।