• ଆମେରିକାରେ ଆରମ୍ଭ ହେଲା ବାଇଡେନ୍ ଶାସନ
  • ୪୬ତମ ଆମେରିକା ରାଷ୍ଟ୍ରପତି ଭାବେ ଶପଥ ନେଲେ ଜୋ ବାଇଡେନ୍
  • ଆମେରିକାର ପ୍ରଥମ ମହିଳା ଉପରାଷ୍ଟ୍ରପତି ଭାବେ ଶପଥ ନେଲେ କମଲା ହାରିସ୍
  • ମନ୍ତ୍ରୀ ପ୍ରଫୁଲ୍ଲ ମଲ୍ଲିକଙ୍କ ବିରୋଧରେ କ୍ଷମତାର ଅପବ୍ୟବହାର ଅଭିଯୋଗ
  • ପରୀ ହତ୍ୟା ମାମଲା: ଜୁଭେନାଇଲ ଜଷ୍ଟିସ ବୋର୍ଡରୁ ମାମଲା ଗଲା ଚିଲଡ୍ରେନ କୋର୍ଟ
  • ଛତ୍ରପୁର ଲକ୍ଷ୍ମୀଦତ୍ତ ପ୍ରଧାନ ହତ୍ୟା ମାମଲା; ଭୃଗୁ ବକ୍ସିପାତ୍ର, ଗୋଲକ ମହାପାତ୍ରଙ୍କୁ ଆଗୁଆ ଜାମିନ୍
  • ଗୁରୁବାରଠୁ ବିନା କଟକଣାରେ ଜଗା ଦର୍ଶନ
  • ଅଭିଭାବକଙ୍କୁ ଆଶ୍ୱସ୍ତି; ରାଜ୍ୟରେ କୋହଳ ହେଲା ଘରୋଇ ସ୍କୁଲ ଫି'
  • ୭ଟି ସ୍ଲାବରେ ଘରୋଇ ସ୍କୁଲ ଫି' ଛାଡ ନିଷ୍ପତ୍ତି
  • LICj MD ହେଲେ ଓଡ଼ିଆ ପୁଅ ସିଦ୍ଧାର୍ଥ ମହାନ୍ତି

୩ ଦିନ ଧରି ହସ୍ପିଟାଲରେ ଭର୍ତ୍ତି ମହାନାୟକ ଅମିତାଭ

ବିଗତ ୩ ଦିନ ଧରି ଅସୁସ୍ଥ ଅଛନ୍ତି ବଲିଉଡର ମେଗାଷ୍ଟାର ଅମିତାଭ ବଚ୍ଚନ । ସେ ମୁମ୍ବାଇର ନାନବଟୀ ହସ୍ପିଟାଲରେ ଭର୍ତ୍ତି ଅଛନ୍ତି । ଅକ୍ଟୋବର ୧୫ ଭୋର ୩ଟାରୁ ତାଙ୍କ ରୁଟିନ ଚେକ୍ଅପ ପାଇଁ ହସ୍ପିଟାଲରେ ଭର୍ତ୍ତି କରାଯାଇଥିଲା । ଏହାପୂର୍ବରୁ ମଧ୍ୟ ସେ ହସ୍ପିଟାଲରେ ଭର୍ତ୍ତ ହୋଇ ସାରିଛନ୍ତି । ଆସନ୍ତୁ ଜାଣିବା  କେବେ କେବେ ସେ ନିଜ ରୋଗକୁ ମାତ ଦେଇଛନ୍ତି ।

୩ ଦିନ ଧରି ହସ୍ପିଟାଲରେ ଭର୍ତ୍ତି ମହାନାୟକ ଅମିତାଭ
ମହାନାୟକ ଅମିତାଭ ହସ୍ପିଟାଲରେ ଭର୍ତ୍ତି

ନୂଆଦିଲ୍ଲୀ: ବିଗତ ୩ ଦିନ ଧରି ଅସୁସ୍ଥ ଅଛନ୍ତି ବଲିଉଡର ମେଗାଷ୍ଟାର ଅମିତାଭ ବଚ୍ଚନ । ସେ ମୁମ୍ବାଇର ନାନବଟୀ ହସ୍ପିଟାଲରେ ଭର୍ତ୍ତି ଅଛନ୍ତି । ଅକ୍ଟୋବର ୧୫ ଭୋର ୩ଟାରୁ ତାଙ୍କ ରୁଟିନ ଚେକ୍ଅପ ପାଇଁ ହସ୍ପିଟାଲରେ ଭର୍ତ୍ତି କରାଯାଇଥିଲା । ଏହାପୂର୍ବରୁ ମଧ୍ୟ ସେ ହସ୍ପିଟାଲରେ ଭର୍ତ୍ତ ହୋଇ ସାରିଛନ୍ତି । ଆସନ୍ତୁ ଜାଣିବା  କେବେ କେବେ ସେ ନିଜ ରୋଗକୁ ମାତ ଦେଇଛନ୍ତି ।
୨୦୧୨ରେ ଅମିତାଭ ହସ୍ପିଟାଲରେ ଭର୍ତ୍ତି ହୋଇଥିଲେ । ସେହି ସମୟରେ ତାଙ୍କ ସର୍ଜରୀ ହୋଇଥିଲା । ସେ ସେତେବେଳେ ୧୨ ଦିନ ଯାଏ ହସ୍ପିଟାଲରେ ଭର୍ତ୍ତି ଥିଲେ । 

୧୯୮୨ରେ ଫିଲ୍ମ 'କୂଲି'ର ସୁଟିଂ ବେଳେ ଅମିତାଭଙ୍କୁ ଗମ୍ଭୀର ଆଘାତ ଲାଗିଥିଲା । ସେହି ପରିସ୍ଥିତିରେ ଡାକ୍ତର ତାଙ୍କୁ କ୍ଲିନିକଲୀ ଡେଡ ଘୋଷଣା କରି ଦେଇଥିଲେ । ଏହି ଘଟଣାରେ ତାଙ୍କ କ୍ଷତ ସ୍ଥାନରୁ ବହୁ ରକ୍ତ ବାହାରି ଯାଇଥିଲା । ଯାହାଫଳରେ ତାଙ୍କୁ ୬୦ ବୋତଲ ରକ୍ତ ଚଢାଯାଇଥିଲା । ବିପଦରୁ ବାହାରି ଆସିବା ପରେ ସେ ପୁଣିଥରେ ରୋଗଗ୍ରସ୍ତ ହୋଇ ପଡିଥିଲେ । 

ଏକଦା ଏକ ସାକ୍ଷାତକାରରେ ସେ କହିଥିଲେ ଯେ, ହେପିଟାଇଟିସ ଇନଫେକ୍ସନ ଯୋଗୁଁ ତାଙ୍କ ୭୫ ପ୍ରତିଶତ ଯକୃତ(ଲିଭର) ଖରାପ ହୋଇଯାଇଥିଲା । ସେ ୨୫ ପ୍ରତିଶତ ଯକୃତ ସାହାଯ୍ୟରେ ବଞ୍ଚିଛନ୍ତି । କେବଳ ଏତିକି ନୁହଁ, ଏହାପରେ ତାଙ୍କୁ ମାଂସପେଶୀ ସମ୍ବନ୍ଧୀୟ ଏକ ରୋଗ ମାଏସ୍ଥେନିୟା ଗ୍ରେବିସରେ ଆକ୍ରାନ୍ତ ହେବାକୁ ପଡିଥିଲା । ଏଥିରେ ମାଂସପେଶୀରୁ ସ୍ନାୟୁ ସିଷ୍ଟମର ସମ୍ବନ୍ଧ ବିଚ୍ଛିନ୍ନ ହୋଇଯାଇଥାଏ । ଏହି ରୋଗ ଦୁର୍ଘଟଣା ପରେ ଅତ୍ୟାଧିକ ଔଷଧ ସେବନ ଯୋଗୁଁ  ହୋଇଥିଲା । 

କିଛି ବର୍ଷ ପୂର୍ବେ ତାଙ୍କର ଏବଡୋମିନଲ ସର୍ଜର ମଧ୍ୟ କରାଯାଇଛି । ୨୦୦୫ରେ ଯେତେବେଳେ ତାଙ୍କ ପେଟରେ ଯନ୍ତ୍ରଣା ହେବାକୁ ଲାଗିଲା, ସେତେବେଳେ ଅନୁମାନ କରାଯାଉଥିଲା ଏହା ଗେଷ୍ଟ୍ରୋ ସମ୍ବନ୍ଧୀୟ ସମସ୍ୟା ହେବ । କିନ୍ତୁ ଯାଞ୍ଚ ପରେ ଜଣାପଡିଲା ଯେ, ତାଙ୍କୁ ଇଣ୍ଟେଷ୍ଟାଇନ ସମ୍ବନ୍ଧୀୟ ରୋଗ ହୋଇଛି । ୨ ମାସ ହସ୍ପିଟାଲରେ ରହି ଏହି ରୋଗ ପାଇଁ ତାଙ୍କୁ ଅପରେଶନ କରାଇବାକୁ ପଡିଥିଲା ।