ଆଖି ବୁଜିଲା ଆଉ ଏକ ଗଜରାଜ

କେନ୍ଦୁଝରର ଉପରିସୁମଠରେ ଦୀର୍ଘ ଦିନ ଧରି ଅସୁସ୍ଥ ଥିବା ମାଈ ହାତୀର ମୃତ୍ୟୁ ହୋଇଯାଇଛି  ।  ଗତ ୧୦ ଦିନ ଧରି ହାତୀରେ ଅସୁସ୍ଥ ହୋଇ ପଡ଼ି ରହିଥିଲା । ହାତୀଟି କେଉଁ ରୋଗରେ ପୀଡ଼ିତ ଥିଲା, ତାହା ଡାକ୍ତରମାନେ ଶତଚେଷ୍ଟା ପରେ ବି ଚିହ୍ନଟ କରି ପାରିନଥିଲେ ।  ବାରମ୍ବାର ହାତୀର ସ୍ୱାସ୍ଥ୍ୟ ପରୀକ୍ଷା କରା ଯାଇଥିଲେ । କିନ୍ତୁ ରୋଗ ଚିହ୍ନଟ ହୋଇ ପାରିନଥିଲା । ହାତୀଟି ହାରପିସ୍ ଭାଇସର ଦ୍ୱାରା ସଂକ୍ରମିତ ହୋଇଥିବା ସନ୍ଦେହ କରା ଯାଉଥିଲା । 

ଆଖି ବୁଜିଲା ଆଉ ଏକ ଗଜରାଜ

ଅଭୟ ମହାନ୍ତି, କେନ୍ଦୁଝର: କେନ୍ଦୁଝରର ଉପରିସୁମଠରେ ଦୀର୍ଘ ଦିନ ଧରି ଅସୁସ୍ଥ ଥିବା ମାଈ ହାତୀର ମୃତ୍ୟୁ ହୋଇଯାଇଛି  ।  ଗତ ୧୦ ଦିନ ଧରି ହାତୀରେ ଅସୁସ୍ଥ ହୋଇ ପଡ଼ି ରହିଥିଲା । ହାତୀଟି କେଉଁ ରୋଗରେ ପୀଡ଼ିତ ଥିଲା, ତାହା ଡାକ୍ତରମାନେ ଶତଚେଷ୍ଟା ପରେ ବି ଚିହ୍ନଟ କରି ପାରିନଥିଲେ ।  ବାରମ୍ବାର ହାତୀର ସ୍ୱାସ୍ଥ୍ୟ ପରୀକ୍ଷା କରା ଯାଇଥିଲେ । କିନ୍ତୁ ରୋଗ ଚିହ୍ନଟ ହୋଇ ପାରିନଥିଲା । ହାତୀଟି ହାରପିସ୍ ଭାଇସର ଦ୍ୱାରା ସଂକ୍ରମିତ ହୋଇଥିବା ସନ୍ଦେହ କରା ଯାଉଥିଲା । 

୧୦ ଦିନ ତଳେ ୫ଟିକିଆ ଏକ ହାତୀପଲ ସ୍ଥାନୀୟ ଅଞ୍ଚଳରେ ଧାନ ଫସଲ ଖାଇବାକୁ ପଶିଥିଲେ ।  କିନ୍ତୁ ଗୋଟିଏ ମାଈ ହାତୀ ଅଞ୍ଚଳରେ ରହି ଯାଇଥିଲା । ହାତୀଟି ଛଟପଟ ହେଉଥିବା ଦେଖି ସ୍ଥାନୀୟ ଲୋକେ ବନ ବିଭାଗକୁ ଖବର ଦେଇଥିଲେ । ବନ ବିଭାଗର ଏକ ଫ୍ଲାଇଂ ସ୍କ୍ୱାଡ୍ ଘଟଣାସ୍ଥଳରେ ପହଁଞ୍ଚି ସ୍ୱାସ୍ଥ୍ୟବସ୍ଥା ପରଖିଥିଲା । ହାତୀଟିର ଦେହରେ କୌଣସି ଖଣ୍ଡିଆ ଚିହ୍ନ ନଥିବାବେଳେ ସେ ହରପିସ୍ ଭାଇରସରେ ସଂକ୍ରମିତ ଥିବା ବନ ବିଭାଗ ସନ୍ଦେହ କରିଥିଲା । ଯାହା ପାଇଁ ପଶୁ ଡାକ୍ତରଙ୍କ ଏକ ଟିମ୍ ପହଞ୍ଚି ସ୍ୱାସ୍ଥ୍ୟବସ୍ଥା ପରଖିଥିଲେ । ତାକୁ ବିଭିନ୍ନ ଇଞ୍ଜେକସନ୍ ଏବଂ ସାଲାଇନ୍ ଦିଆଯାଉଥିଲା । କିଛି ଦିନ ତଳେ ସକାଳୁ ହାତୀଟି ଖାଦ୍ୟ ଭାବେ କଦଳୀ ମଞ୍ଜା ଗ୍ରହଣ କରିଥିବା ବନବିଭାଗ ଅଧିକାରୀ କହିଥିଲେ । ଏମିତିକି ତା'ର ସ୍ୱାସ୍ଥ୍ୟବସ୍ଥାରେ ଉନ୍ନତି ମଧ୍ୟ ପରିଲକ୍ଷିତ ହୋଇଥିଲା । ହାତୀଟିର ରକ୍ତ ନମୁନା ନନ୍ଦନକାନନକୁ ପରୀକ୍ଷା ପାଇଁ ପଠାଯାଇଥିଲା । ପରେ ଶିମିଳିପାଳରୁ ଗୋଟିଏ ଡାକ୍ତରୀ ଟିମ୍ ଆସି ଚିକିତ୍ସା ଜାରି ରଖିଥିଲେ । ହାତୀର ଶରୀରରେ କୌଣସି ହରପିସ୍ ଭୂତାଣୁ ଚିହ୍ନଟ ହୋଇନଥିଲା । ଗାଁ ଲୋକମାନେ ଓ ଡାକ୍ତରୀ ଦଳ ହାତୀ ପାଖରେ ରହିବା ସହ ପ୍ରତି ମୂହୁର୍ତ୍ତରେ ତା'ର ସ୍ୱାସ୍ଥ୍ୟବସ୍ଥା ଉପରେ ନଜର ରଖୁଥିଲେ । ଆରସିସିଏଫ୍ ଓ ଡିଏଫଓ ମଧ୍ୟ ଘଟଣାସ୍ଥଳକୁ ଆସି ହାତୀର ସ୍ୱାସ୍ଥ୍ୟବସ୍ଥା ଦେଖିଯାଇଥିଲା ।

ଦିନକୁ ଦିନ ହାତୀଟିର ସ୍ୱାସ୍ଥ୍ୟବସ୍ଥା ବିଗୁଡ଼ିଥିବା ଶିମିଳିପାଳରୁ ଆସିଥିବା ସ୍ୱତନ୍ତ୍ର ଡାକ୍ତରୀ ଦଳ ଫେରି ଯାଇଥିଲେ । ପରେ କେନ୍ଦୁଝରର ସ୍ଥାନୀୟ ଡାକ୍ତରୀ ଦଳ ହାତୀର ସ୍ୱାସ୍ଥ୍ୟ ଉପରେ ନଜର ରଖି ଆସୁଥିଲେ । କିନ୍ତୁ ଶେଷ ପର୍ଯ୍ୟନ୍ତ ମଧ୍ୟ ହାତୀଟିର ରକ୍ତ ପରୀକ୍ଷା ରିପୋର୍ଟ ଆସିପାରି ନଥିଲା । ଯାହାକୁ ନେଇ ଅଞ୍ଚଳବାସୀଙ୍କ ମନରେ ସନ୍ଦେହ ପ୍ରକାଶ ପାଇଥିଲା । ଆଉ ଆଜି ଶେଷରେ ଦୀର୍ଘ ଦିନର ସଂଘର୍ଷ ପରେ ହାତୀଟି ଆଖି ବୁଜିଛି ।