close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ମାଡକୁ ମହାଦେବଙ୍କ ଡର, ପ୍ରଦୂଷଣକୁ...

ପ୍ରଦୂଷଣ ଦେଖି ଡରିଗଲେଣି ଭଗବାନ...ଦେବାଦେବୀ ପିନ୍ଧୁଛନ୍ତି ମାସ୍କ...ମୋଦିଙ୍କ ନିର୍ବାଚନ ମଣ୍ଡଳୀରେ ଦେଖିବାକୁ ମିଳିଛି ନିଆରା ଦୃଶ୍ୟ...

ମାଡକୁ ମହାଦେବଙ୍କ ଡର, ପ୍ରଦୂଷଣକୁ...
ଫଟୋ ସୌଜନ୍ୟ: ଏଏନଆଇ

ହିମାଂଶୁ ଶେଖର ସାମଲ, ନୂଆଦିଲ୍ଲୀ: ମନୁଷ୍ୟ ବଞ୍ଚିବା ପାଇଁ ବାୟୁ ଆବଶ୍ୟକ । କିନ୍ତୁ ପ୍ରଦୂଷିତ ବାୟୁ ମନୁଷ୍ୟକୁ ଜୀବନରୁ ମାରି ଦେଇଥାଏ । ବର୍ତ୍ତମାନ ଦେଶରେ ସ୍ୱଚ୍ଛ ବାୟୁ ମିଳୁନାହିଁ । ବିଷ ବଳୟରେ ଦେଶର ବହୁ ପ୍ରମୁଖ ସହର । ଯାହାକୁ ନେଇ ଲୋକଙ୍କ ଚିନ୍ତା ବଢିବାରେ ଲାଗିଛି । କେବଳ ମଣିଷ କି ପଶୁପକ୍ଷୀ ନୁହେଁ, ଠାକୁର ବି ଏତେ ମାତ୍ରାରେ ବାୟୁ ପ୍ରଦୂଷଣ ଦେଖି ଡରି ଗଲେଣି । 

ଏବେ ରାଜଧାନୀବାସୀ ଝଟପଟ । ବଞ୍ଚିବା ପାଇଁ କାକୁତିମିନତି ହେଉଛନ୍ତି । ପ୍ରଦୂଷଣର ମାତ୍ରା ଥରେ ଥରେ ଏତେ ବଢିଯାଉଛି ଯେ, ବିଶ୍ୱ ସ୍ତରେରେ ଦିଲ୍ଲୀ ନାଁ ଆସୁଛି । ବିଶ୍ୱର ପ୍ରଦୂଷଣ ସହର ତାଲିକାରେ ଦିଲ୍ଲୀକୁ ଗଣନା କରାଯାଉଛି । ରାଜଧାନୀରେ ଯାନବାହନର ମାତ୍ରାଧିକ ବୃଦ୍ଧି ଓ ପଞ୍ଜାବ, ହରିୟାଣା ଏବଂ ଉତ୍ତର ପ୍ରଦେଶ ଚାଷୀଙ୍କ ଜମି ପୋଡ଼ାକୁ ଏହାର ମୁଖ୍ୟ କାରଣ କୁହାଯାଉଛି । 

କେବଳ ଦିଲ୍ଲୀ କାହିଁକି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିର୍ବାଚନ ମଣ୍ଡଳୀ ବାରଣାସୀରେ ମଧ୍ୟ ଦେଖିବାକୁ ମିଳିଛି ପ୍ରଦୂଷଣର ଚାଦର । ଶ୍ୱାସ ପ୍ରଶ୍ୱାସ ନେବାରେ କଷ୍ଟ ଅନୁଭବ କରୁଛନ୍ତି ଲୋକେ । ସ୍ଥିତି ଏପରି ହୋଇଛି ଯେ, ଠାକୁରଙ୍କୁ ମଧ୍ୟ ମାକ୍ସ ପିନ୍ଧାଇବାକୁ ପଡୁଛି । କାହିଁକି ନା ଭକ୍ତ ଭଲ ଭାବରେ ବୁଝିଛି, ଏ ପ୍ରଦୂଷିତ ବାୟୁ ଠାକୁରଙ୍କୁ କେତେ କଷ୍ଟ ଦେଉଥିବ । ମଣିଷ ସିନା ପ୍ରକୃତି ଉପରେ ଅତ୍ୟାଚାର କଲା, ହେଲେ ତା ପ୍ରଭାବ ଠାକୁରଙ୍କୁ ବି ସାମ୍ନା କରିବାକୁ ପଡୁଛି । ଯାହାକୁ ଗ୍ରହଣ କରିପାରୁନାହାଁନ୍ତି ଭକ୍ତ । 

ଏବେ ବାରଣାସୀରେ ଦେଖିବାକୁ ମିଳିଛି ଏଭଳି କିଛି ଚିତ୍ର । ବିଭିନ୍ନ ମନ୍ଦିରରେ ଥିବା ଠାକୁର ମାସ୍କ ପିନ୍ଧିଛନ୍ତି । ପ୍ରଦୂଷଣକୁ ଦେଖି  ଦେବାଦେବୀଙ୍କୁ ମାସ୍କ ପିନ୍ଧାଇ ଦେଉଛନ୍ତି ଲୋକେ । ପ୍ରସିଦ୍ଧ ଭୋଳାନାଥ ମନ୍ଦିର, ବାରଣାସୀ ସିଗରା ସ୍ଥିତ ମନ୍ଦିରରେ ମଧ୍ୟ ଦେବାଦେବୀ ମାସ୍କ ପିନ୍ଧିଥିବା ଦେଖିବାକୁ ମିଳିଛି । ବର୍ତ୍ତମାନ ଦେଶରେ ପ୍ରଦୂଷଣର ସ୍ଥିତି କେତେ ଗମ୍ଭୀର, ବୋଧେ ତାହା ଦର୍ଶାଇବାକୁ ଏପରି ନିଆରା ପଦକ୍ଷେପ ନିଆଯାଇଛି । କାହିଁକି ନା ଦୀପାବଳି ପରେ ଦେଶର ପ୍ରମୁଖ ସହରଗୁଡିକରେ ପ୍ରଦୁଷଣ ଗମ୍ଭୀର ସ୍ଥିତିରେ ପହଞ୍ଚିଛି । 

Varanasi temple

ଗତକାଲି ସୁପ୍ରିମକୋର୍ଟ ମଧ୍ୟ ପ୍ରଦୂଷଣ ନେଇ ଉଦବେଗ ପ୍ରକାଶ କରିଛନ୍ତି । ଦିଲ୍ଲୀ, ହରିୟାଣା ଓ ପଞ୍ଜାବ ସରକାରଙ୍କୁ ଭର୍ସନା କରିଛନ୍ତି । ପ୍ରଦୂଷଣ ଦୂର କରିବା ପାଇଁ ସପ୍ତାହକ ମଧ୍ୟରେ  ବ୍ଲୁ ପ୍ରିଣ୍ଟ ପ୍ରସ୍ତୁତ କରିବାକୁ ନିର୍ଦ୍ଦେଶ ଦେଇଛନ୍ତି । ସେହିପରି ଉତ୍ତର ପ୍ରଦେଶ, ହରିୟାଣା ଓ ପଞ୍ଜାବ ଚାଷୀ ଯେପରି ପରାଲୀ ନ ପୋଡିବେ, ସେ ଉପରେ ଗୁରୁତ୍ୱ ଦିଆଯାଇଛି । ବିକଳ୍ପ ବ୍ୟବସ୍ଥା ଆପଣାଇବା ପାଇଁ ଚାଷୀଙ୍କୁ ପ୍ରତ୍ସାହିତ କରିବାକୁ ଏହି ରାଜ୍ୟଗୁଡିକର ସରକାରଙ୍କୁ କୋର୍ଟ ନିର୍ଦ୍ଦେଶ ଦେଇଛନ୍ତି । ପାରୋଲୀ ପୋଡି ବନ୍ଦ କରିବା ପାଇଁ ଚାଷୀଙ୍କୁ ବିକଳ୍ପ ଭାବରେ କୁଇଣ୍ଟାଲ ପିଛା ଶହେ ଟଙ୍କା ଲେଖାଁଏ ଦେବାକୁ କୁହାଯାଇଛି ।