• ୯୮ ବର୍ଷ ବୟସରେ MDH ମସଲା ମାଲିକ ମହାଶୟ ଧର୍ମପାଲ ଗୁଲାଟିଙ୍କ ମୃତ୍ୟୁ । ଦିଲ୍ଲୀର ଏକ ଡାକ୍ତରଖାନାରେ ଚିକିତ୍ସାଧିନ ଅବସ୍ଥାରେ ମୃତ୍ୟୁ ସୂଚନା ॥
  • ଧର୍ମପାଲଙ୍କ ମୃତ୍ୟୁରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କନ୍ଧମାଳ ସାଂସଦ ଅଚ୍ୟୁତ ସାମନ୍ତଙ୍କ ଶୋକ ପ୍ରକାଶ ॥
  • ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ୱାଲଙ୍କ ମଧ୍ୟ ଶୋକ ପ୍ରକାଶ
  • ପରୀ ହତ୍ୟା ମାମଲାରେ CBI ତଦନ୍ତ ଓ ମନ୍ତ୍ରୀ ଅରୁଣ ସାହୁଙ୍କ ବହିଷ୍କାର ଦାବି କଲେ କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀ।
  • ପରୀକୁ ନ୍ୟାୟ ଦେବାକୁ କଂଗ୍ରେସ ଚାହେଁନି । ଡିସେମ୍ବର ୧୫ରୁ ପ୍ରତି ବ୍ଲକରେ ପଦଯାତ୍ରା କରିବ ବିଜେପି : ପ୍ରତାପ ଷଡ଼ଙ୍ଗୀ ॥
  • ରାଜ୍ୟରେ ବିଗତ ୨୪ ଘଣ୍ଟା ମଧ୍ୟରେ ୫ ଜଣଙ୍କ ମୃତ୍ୟୁ । ମୃତ୍ୟୁ ସଂଖ୍ୟା ୧୭୫୫ ଛୁଇଁଲା ।
  • ବିଗତ ୨୪ ଘଣ୍ଟା ମଧ୍ୟରେ ରାଜ୍ୟରୁ ୪୩୪ କୋରୋନା ସଂକ୍ରମିତ ଚିହ୍ନଟ ॥

ଇଶାନ୍ତ ଶର୍ମାଙ୍କ ଘରେ ଆସାରାମଙ୍କ ଫଟୋ, ଲୋକେ କଲେ ଟ୍ରୋଲ

ଭାରତୀୟ କ୍ରିକେଟ ଟିମର ଦ୍ରୁତ ବୋଲର ଇଶାନ୍ତ ଶର୍ମାଙ୍କ ଏକ ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି । ଏହି ଫଟୋ ଯୋଗୁଁ ଇଶାନ୍ତଙ୍କୁ ଟ୍ରୋଲ୍ସ ହେବାକୁ ପଡ଼ିଛି । ସେ ଦୀପାବଳି ଅବସରରେ ଲୋକଙ୍କୁ ଶୁଭେଚ୍ଛା ଜଣାଇ ନିଜ ପରିବାର ସହ ଏକ ଫଟୋ ଇନଷ୍ଟାଗ୍ରାମରେ ସେୟାର କରିଥିଲେ । ଏହି ଫଟୋରେ ଇଶାନ୍ତଙ୍କ ଘରେ ଏପରି ଏକ ବ୍ୟକ୍ତିଙ୍କ ଛବି ଥିବା ଦେଖିବାକୁ ମିଳୁଛି, ଯେଉଁଥିବା ପାଇଁ ତାଙ୍କୁ ସୋସିଆଲ ମିଡିଆରେ ଟ୍ରୋଲ ହେବାକୁ ପଡିଛି । 

ଇଶାନ୍ତ ଶର୍ମାଙ୍କ ଘରେ ଆସାରାମଙ୍କ ଫଟୋ, ଲୋକେ କଲେ ଟ୍ରୋଲ
ଫଟୋ ସୌଜନ୍ୟ: ସୋସିଆଲ ମିଡିଆ

ନୂଆଦିଲ୍ଲୀ: ଭାରତୀୟ କ୍ରିକେଟ ଟିମର ଦ୍ରୁତ ବୋଲର ଇଶାନ୍ତ ଶର୍ମାଙ୍କ ଏକ ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି । ଏହି ଫଟୋ ଯୋଗୁଁ ଇଶାନ୍ତଙ୍କୁ ଟ୍ରୋଲ୍ସ ହେବାକୁ ପଡ଼ିଛି । ସେ ଦୀପାବଳି ଅବସରରେ ଲୋକଙ୍କୁ ଶୁଭେଚ୍ଛା ଜଣାଇ ନିଜ ପରିବାର ସହ ଏକ ଫଟୋ ଇନଷ୍ଟାଗ୍ରାମରେ ସେୟାର କରିଥିଲେ । ଏହି ଫଟୋରେ ଇଶାନ୍ତଙ୍କ ଘରେ ଏପରି ଏକ ବ୍ୟକ୍ତିଙ୍କ ଛବି ଥିବା ଦେଖିବାକୁ ମିଳୁଛି, ଯେଉଁଥିବା ପାଇଁ ତାଙ୍କୁ ସୋସିଆଲ ମିଡିଆରେ ଟ୍ରୋଲ ହେବାକୁ ପଡିଛି । 

ମୁଖ୍ୟତଃ ଏହି ଫଟୋରେ ତାଙ୍କ ଘର କାନ୍ଥରେ ଦୁଷ୍କର୍ମ ଅଭିଯୋଗରେ ଜେଲରେ ବନ୍ଦ ଥିବା ଆସାରାମ ବାପୁଙ୍କ ଛବି ରହିଥିବାର ନଜରକୁ ଆସିଛି । ଲୋକେ ଇଶାନ୍ତଙ୍କୁ ଟ୍ରୋଲ କରି କହିଛନ୍ତି ଯେ ଯଦି କ୍ରିକେଟ ଏକ ଧର୍ମ ତେବେ ଇଶାନ୍ତ ଶର୍ମା ହେଉଛନ୍ତି ଆସାରାମ ବାପୁ । ସେହିପରି କିଛି ଲୋକ ଇଶାନ୍ତଙ୍କୁ ଆସାରାମଙ୍କ ପ୍ରକୃତ ଭକ୍ତ ବୋଲି କହିଛନ୍ତି ।

ୟୁଟ୍ୟୁବ ଓ ଫେସବୁକରେ ଆସାରାମ ବାପୁଙ୍କୁ ଭକ୍ତି କରୁଥିବା ଇଶାନ୍ତଙ୍କ ଭିଡିଓ ମଧ୍ୟ ସେୟାର କରି ଟ୍ରୋଲ କରାଯାଉଛି । ଲୋକେ ଏହି ଭିଡିଓକୁ ସେୟାର କରି ଉପହାସ ମଧ୍ୟ କରୁଛନ୍ତି । ଆପଣଙ୍କୁ କହି ରଖୁଛୁ ଯେ, ଇଶାନ୍ତଙ୍କ ପରିବାର ହେଉଛି ଆସାରାମଙ୍କ ଭକ୍ତ । ଏପରି କି ପରିବାର ଲୋକେ ଦାବି କରନ୍ତି ଯେ ଇଶାନ୍ତ ସଫଳତା ପଛରେ ଆସାରାମଙ୍କ କୃପା ରହିଛି ।

ଆସାରାମ ବର୍ତ୍ତମାନ ଦୁଷ୍କର୍ମ ଅଭିଯୋଗରେ ଯୋଧପୁର ଜେଲରେ ବନ୍ଦ ଅଛି । ଦିନେ ସମୟ ଥିଲା ଦେଶସାରା ତାଙ୍କର ଆଶ୍ରମ ଥିଲା ଓ ଲକ୍ଷ ଲକ୍ଷ ଲୋକ ତାଙ୍କୁ ପୂଜା କରୁଥିଲେ । ସେ ଟିଭିରେ ସର୍ବଦା ପ୍ରବଚନ ଦେଉଥିବାର ନଜରକୁ ଆସୁଥିଲା । ବର୍ତ୍ତମାନ ଯାଏ ସେ ଜାମିନ ପାଇଁ ବହୁଥର ଅପିଲ କରି ସାରିଛନ୍ତି କିନ୍ତୁ ତାଙ୍କ ସମସ୍ତ ଅପିଲକୁ ଖାରଜ କରାଯାଇଛି ।