ଟି-୨୦ ବିଶ୍ୱକପକୁ ନେଇ ଏପରି କହିଲେ ରିଚାର୍ଡସନ...

ନୂଆଦିଲ୍ଲୀ: ଟି-20 ବିଶ୍ୱକପ ଉପରେ ସ୍ଥଗିତ ନିଷ୍ପତ୍ତି ନେଇଥିବା ଅନ୍ତର୍ଜାତୀୟ କ୍ରିକେଟ୍ ପରିଷଦ (ଆଇସିସି) କୁ ଅଷ୍ଟ୍ରେଲୀୟ ଦ୍ରୁତ ବୋଲର କେନ୍ ରିଚାର୍ଡସନ ସମର୍ଥନ କରିଥିଲେ। ସଠିକ୍ ନିଷ୍ପତ୍ତି ନେବା ପୂର୍ବରୁ ଯଥାସମ୍ଭବ ସମୟ ନେବା ଜରୁରୀ ବୋଲି ରିଚାର୍ଡସନ କହିଛନ୍ତି। ଅକ୍ଟୋବର-ନଭେମ୍ବରରେ ଅଷ୍ଟ୍ରେଲିଆରେ ଅନୁଷ୍ଠିତ ହେବାକୁ ଥିବା ଟି-20 ବିଶ୍ୱକପ ନିଷ୍ପତ୍ତି ନେବା ପୂର୍ବରୁ ଏହା ଏକ ମାସ ଅଧିକ ଅପେକ୍ଷା କରିବ ବୋଲି ଆଇସିସି ବୁଧବାର କହିଛି।

ଅଷ୍ଟ୍ରେଲୀୟ ଟି-20 ଦଳର ପ୍ରମୁଖ ସଦସ୍ୟ ରିଚାର୍ଡସନ କହିଛନ୍ତି ଯେ ବର୍ତ୍ତମାନ ନିଷ୍ପତ୍ତି ନେବାକୁ ତତ୍ପରତା ନାହିଁ। କ୍ରିକେଟ୍ ଡଟ୍ କମ୍ ଅନୁଯାୟୀ, ରିଚାର୍ଡସନ କହିଛନ୍ତି ଯେ ଭବିଷ୍ୟତରେ କଣ ଘଟିବ ଜାଣିବା ସର୍ବଦା ଭଲ, କିନ୍ତୁ ନିଷ୍ପତ୍ତି ନେବାକୁ ଆମେ ଯଥାସମ୍ଭବ ସମୟ ନେଇପାରିବା ଏବଂ ଏହା ଗୁରୁତ୍ୱପୂର୍ଣ୍ଣ ଅଟେ। ନିଷ୍ପତ୍ତି ନେବାକୁ ତତ୍ପରତା ନାହିଁ ବୋଲି ସେ କହିଛନ୍ତି ।  

ସେ କହିଛନ୍ତି, ମୁଁ ବିଶ୍ୱାସ କରେ ଏହା ଏକ ସଠିକ୍ ନିଷ୍ପତ୍ତି। ଅଷ୍ଟ୍ରେଲିଆ ଏବଂ ନ୍ୟୁଜିଲ୍ୟାଣ୍ଡ ଏହି ରୋଗ ଉପରେ ଭଲ ଭାବରେ ନିୟନ୍ତ୍ରଣ କରିଛନ୍ତି, ତେଣୁ ଏହି ଗ୍ରୀଷ୍ମ ଋତୁରେ ସାଧାରଣ ଅବସ୍ଥାରେ କ୍ରିକେଟ୍ ଆୟୋଜନ ବିଷୟରେ କିଛି ସକରାତ୍ମକ ବାତାବରଣ ସୃଷ୍ଟି ହୋଇଛି।

Add Zee News as a Preferred Source

ସପ୍ତମ ପୁରୁଷ ଟି -20 ବିଶ୍ୱକପ 2020ର ଅନ୍ତର୍ଜାତୀୟ କ୍ରିକେଟ୍ ପରିଷଦର କାର୍ଯ୍ୟସୂଚୀ ଅନୁଯାୟୀ, ୧୮ ଅକ୍ଟୋବରରୁ ଆରମ୍ଭ ହୋଇ ୧୫ ନଭେମ୍ବର ୨୦୨୦ ପର୍ଯ୍ୟନ୍ତ ଟୁର୍ଣ୍ଣାମେଣ୍ଟ ଖେଳାଯିବ। ଏହି ଟୁର୍ଣ୍ଣାମେଣ୍ଟ ପ୍ରଥମ ଥର ପାଇଁ ଅଷ୍ଟ୍ରେଲିଆରେ ଖେଳାଯିବ | କୋରୋନା ଭୁତାଣୁ ମହାମାରୀ ହେତୁ ଏପର୍ଯ୍ୟନ୍ତ ଏହି ଟୁର୍ଣ୍ଣାମେଣ୍ଟ ବିଷୟରେ କୌଣସି ନିଷ୍ପତ୍ତି ନିଆଯାଉ ନାହିଁ। ଚଳିତ ବର୍ଷ ଶେଷରେ ବିଶ୍ୱକପ ପାଇଁ ୧୬ଟି ଦଳ ଅଷ୍ଟ୍ରେଲିଆ ଆସିବେ | କୋରୋନା ଭୁତାଣୁ କାରଣରୁ ମାର୍ଚ୍ଚ ଠାରୁ ସମସ୍ତ ପ୍ରକାର କ୍ରିକେଟ୍ କାର୍ଯ୍ୟକଳାପ ବନ୍ଦ ହୋଇଯାଇଥିଲା ଏବଂ ଏହି କାରଣରୁ ଅକ୍ଟୋବର-ନଭେମ୍ବରରେ ଅନୁଷ୍ଠିତ ହେବାକୁ ଥିବା ଟୁର୍ଣ୍ଣାମେଣ୍ଟ ବିପଦରେ ରହିଛି।