Trending Photos
12
5
8
12 "ଫାଇଲ ଫଟୋ")
ନୂଆଦିଲ୍ଲୀ: ଅଯୋଧ୍ୟା ମାମଲାରେ କେବଳ ମୁସଲିମ ପକ୍ଷ ନୁହେଁ, ହିନ୍ଦୁ ମହାସଭା ମଧ୍ୟ ପୁନର୍ବିଚାର ଆବେଦନ କରିବ । ହିନ୍ଦୁ ମହାସଭା ପକ୍ଷରୁ ମାମଲା ଲଢୁଥିବା ଆଇନଜୀବୀ ବିଷ୍ଣୁ ଜୈନ ଏହି ସୂଚନା ଦେଇଛନ୍ତି । ମୁସଲିମ ପକ୍ଷକୁ ଅଯୋଧ୍ୟାର ଏକ ପ୍ରମୁଖ ସ୍ଥାନରେ ୫ ଏକର ଜମି ଯୋଗାଇ ଦେବାକୁ ସୁପ୍ରିମକୋର୍ଟ ଶୁଣାଣି ବେଳେ ନିର୍ଦ୍ଦେଶ ଦେଇଥିଲେ । କୋର୍ଟଙ୍କ ଏହି ରାୟ ଉପରେ ରିଭ୍ୟୁ ପିଟିସନ ଦାଖଲ କରିବ ହିନ୍ଦୁ ମହାସଭା ।
ବିଶ୍ୱ ହିନ୍ଦୁ ପରିଷଦ(VHP)ର କହିବା କଥା ହେଲା, ସୁନ୍ନି ୱକଫ ବୋର୍ଡକୁ ଅଯୋଧ୍ୟାର ନଗର ପାଳିକା ବାହାରେ ଜମି ଦିଆଯାଉ । ତେଣୁ ଅଯୋଧ୍ୟା ନଗର ପାଳିକା ପରିସୀମା ଭିତରେ ଜମି ନଦେବା ପାଇଁ କୋର୍ଟଙ୍କୁ ଅନୁରୋଧ କରାଯିବ । VHPର ଉପାଧ୍ୟକ୍ଷ ଚମ୍ପତରାୟ କହିଛନ୍ତି, ''ପୂର୍ବରୁ ଅଯୋଧ୍ୟା ଏକ କ୍ଷୁଦ୍ର ନଗରପାଳିତା ଥିଲା । ଗତ ଡିସେମ୍ବର ୨୦୧୮ରେ ଅଯୋଧ୍ୟା ଏବଂ ଫୌଜାବାଦ ନଗରପାଳିକାକୁ ମିଶ୍ରଣ କରି ଏକ ନଗର ନିଗମ ଗଠନ କରାଗଲା । ତେବେ ସୁନ୍ନି ୱକଫ ବୋର୍ଡକୁ ପୁରୁଣା ଅଯୋଧ୍ୟା ନଗର ପାଳିକା ସୀମା ବାହାରେ ଜମି ଦେବା ନେଇ ରିଭ୍ୟୁ ପିଟିସନ ଦାଖଲ କରାଯିବ ।''
Vishnu Jain, lawyer for Hindu Mahasabha: We will file review petition today challenging SC decision of granting 5 acres of land to the Muslim side in another site at Ayodhya or anywhere the Board finds it suitable, in the Ayodhya Babri Masjid land dispute case. (file pic) pic.twitter.com/SN9MJ2i8E9
— ANI (@ANI) December 9, 2019
ସେହିପରି ରାମମନ୍ଦିର ନିର୍ମାଣ ପାଇଁ ଗଠନ ହେବାକୁ ଥିବା ଟ୍ରଷ୍ଟର ଅଧ୍ୟକ୍ଷ ଆରଏସଏସ ମୁଖ୍ୟ ମୋହନ ଭାଗବତଙ୍କୁ କରିବା ପାଇଁ କିଛି ସାଧୁ ଅନୁରୋଧ କରୁଛନ୍ତି । ତେବେ ଏହି ପ୍ରସଙ୍ଗରେ ମଧ୍ୟ ମତ ରଖିଛନ୍ତି VHP ଉପାଧ୍ୟକ୍ଷ ଚମ୍ପତରାୟ । କହିଛନ୍ତି, ମୋହନ ଭାଗବତ ଏହି ଟ୍ରଷ୍ଟର ଅଧ୍ୟକ୍ଷ ହେବା ଉଚିତ ନୁହେଁ । ଅନ୍ୟପଟେ ମୁସଲିମ ପକ୍ଷଙ୍କ ରିଭ୍ୟୁ ପିଟିସନକୁ ତାଙ୍କୁ ଆଇନଗତ ଅଧିକାର ବୋଲି କହିଛନ୍ତି VHP ଉପାଧ୍ୟକ୍ଷ ।
ଆହୁରି ପଢନ୍ତୁ;
