• ବିଧାନସଭା ସମ୍ମୁଖରେ ଦମ୍ପତିଙ୍କ ଆତ୍ମାହୁତି ଉଦ୍ୟମ । ନୟାଗଡ଼ର ଦମ୍ପତି ବୋଲି ସୂଚନା II
  • ଏସସିବିରେ ଓପନ ହାର୍ଟ ସର୍ଜରୀ ବନ୍ଦ II
  • କୋରୋନା ସ୍ଥିତି ନେଇ ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀଙ୍କ ସହିତ ଆଲୋଚନା କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି II
  • ଧଉଳି ଶାନ୍ତିସ୍ତୁପର ସାମଗ୍ରିକ ବିକାଶ ଓ ରକ୍ଷଣାବେକ୍ଷଣ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଚିଠି ଲେଖିଲେ ଭୁବନେଶ୍ବର ସାଂସଦ ଅପରାଜିତା ଷଡ଼ଙ୍ଗୀ
  • ଦିନକରେ ୩୭ ହଜାର ୯୭୫ ଜଣ କୋରୋନା ଆକ୍ରାନ୍ତ, ୪୮୦ ମୃତ
  • ରାଜଧାନୀବାସୀଙ୍କ ପାଇଁ ଖୁସି ଖବର।
  • ଭୁବନେଶ୍ୱର: କୋରୋନା ଶୂନ୍ୟ ହେଲା ବସ୍ତି ।I
  • ଆଜି ଓଡ଼ିଶା ଆସୁଛନ୍ତି ଆରଏସଏସ ମୁଖ୍ୟ ମୋହନ ଭାଗବତ II

ବିବାଦରେ ଫସିଥିବା ଫିଲ୍ମ 'ବାଲା'ର ରିଲିଜ ଡେଟ ଘୋଷଣା କଲେ ଆୟୁଷ୍ମାନ

ଆୟୁଷ୍ମାନ ଖୁରାନାଙ୍କ ଅଭିନୀତ ଫିଲ୍ମ ବାଲା ଓ ସନ୍ନି ସିଂଙ୍କ ଅଭିନୀତ ଫିଲ୍ମ ଉଡଜା ଚମନ କିଛି ଦିନ ହେବ ଖୁବ ଚର୍ଚ୍ଚାରେ ଥିଲା । ଦୁଇଟି ଯାକ ଫିଲ୍ମର କନସେପ୍ଟ ଗୋଟିଏ ପ୍ରକାରର ଥିବାରୁ ଫିଲ୍ମର ରିଲିଜ ଡେଟକୁ ନେଇ ଚାଲିଥିଲା ଶୀତଳ ଯୁଦ୍ଧ । ଏପରିକି କଥା ଯାଇ ସୁପ୍ରିମ କୋର୍ଟରେ ମଧ୍ୟ ଉଠିଥିଲା । କିନ୍ତୁ ବର୍ତ୍ତମାନ ଆୟୁଷ୍ମାନ ଖୁରାନା ବାଲା ଫିଲ୍ମର ରିଲିଜ ଡେଟ ଘୋଷଣା କରିଛନ୍ତି । 

ବିବାଦରେ ଫସିଥିବା ଫିଲ୍ମ 'ବାଲା'ର ରିଲିଜ ଡେଟ ଘୋଷଣା କଲେ ଆୟୁଷ୍ମାନ
ଫଟୋ ସୌଜନ୍ୟ: ସୋସିଆଲ ମିଡିଆ

ପ୍ରଜ୍ଞା ପାରମିତା ପତ୍ରୀ, ଭୁବନେଶ୍ୱର: ଆୟୁଷ୍ମାନ ଖୁରାନାଙ୍କ ଅଭିନୀତ ଫିଲ୍ମ ବାଲା ଓ ସନ୍ନି ସିଂଙ୍କ ଅଭିନୀତ ଫିଲ୍ମ ଉଡଜା ଚମନ କିଛି ଦିନ ହେବ ଖୁବ ଚର୍ଚ୍ଚାରେ ଥିଲା । ଦୁଇଟି ଯାକ ଫିଲ୍ମର କନସେପ୍ଟ ଗୋଟିଏ ପ୍ରକାରର ଥିବାରୁ ଫିଲ୍ମର ରିଲିଜ ଡେଟକୁ ନେଇ ଚାଲିଥିଲା ଶୀତଳ ଯୁଦ୍ଧ । ଏପରିକି କଥା ଯାଇ ସୁପ୍ରିମ କୋର୍ଟରେ ମଧ୍ୟ ଉଠିଥିଲା । କିନ୍ତୁ ବର୍ତ୍ତମାନ ଆୟୁଷ୍ମାନ ଖୁରାନା ବାଲା ଫିଲ୍ମର ରିଲିଜ ଡେଟ ଘୋଷଣା କରିଛନ୍ତି । 

ଫିଲ୍ମର ମାମଲା ସୁପ୍ରିମକୋର୍ଟରେ ଚାଲୁଥିବାରୁ ରିଲିଜ ଡେଟକୁ ନେଇ ଦର୍ଶକ ଅପେକ୍ଷା କରି ବସିଥିଲେ । ଆଉ ସମସ୍ତ ଦର୍ଶକଙ୍କ ପ୍ରତୀକ୍ଷାର ଅନ୍ତ ଘଟାଇ ଆୟୁଷ୍ମାନ ଇନଷ୍ଟାଗ୍ରାମରେ ଫିଲ୍ମର ରିଲିଜ ଡେଟ ଘୋଷଣା କରିଛନ୍ତି । ସମମସ୍ତଙ୍କୁ ଦୀପାବଳିର ଶୁଭେଚ୍ଛା ଜଣାଇବା ସହିତ ସେ ଲେଖିଛନ୍ତି ଖୁବଶୀଘ୍ର ବଡ଼ ପରଦାକୁ ଫିଲ୍ମଟି ଆସୁଛି । ଆଉ ଏହି ନଭେମ୍ୱର ୭ ତାରିଖରେ ହିଁ ଫିଲ୍ମ ରିଲିଜ ହେବ । ଆଉ ଏହି ଫିଲ୍ମଟି ସୁନିଶ୍ଚିତ ସମସ୍ତଙ୍କ ମନ ଜିତିବ ବୋଲି କହିଛନ୍ତି ଅଭିନେତା ଆୟୁଷ୍ମାନ ଖୁରାନା ।

ପୂର୍ବରୁ ବାଲାର ରିଲିଜ ଡେଟ ନଭେମ୍ୱର ୭ ତାରିଖ ବୋଲି ନିର୍ଦ୍ଧାରିତ ହୋଇଥିବାବେଳେ ଉଡଜା ଚମନ ନଭେମ୍ୱର ୮ ତାରିଖରେ ରିଲିଜ ହେବାକୁ ଘୋଷଣା କରାଯାଇଥିଲା । ହେଲେ କନସେପ୍ଚ ସମାନ ଥିବାରୁ କପିରାଇଟ୍ସର ଅଭିଯୋଗ ଲଗାଇଥିଲେ ଉଡଜା ଚମନର ନିର୍ମାତା । ଆଉ ସେହି କାରଣରୁ ଫିଲ୍ମଟିକୁ ନଭେମ୍ୱର ୧ ତାରିଖରେ ରିଲିଜ କରିବାକୁ ନିଷ୍ପତ୍ତି ହୋଇଥିବା ଚର୍ଚ୍ଚା ଚାଲିଥିଲା । ହେଲେ ସମସ୍ତ ଚର୍ଚ୍ଚାକୁ ଫର୍ଚ୍ଚା କରି ଆୟୁଷ୍ମାନ ଫିଲ୍ମର ରିଲିଜ ଡେଟ ଘୋଷଣା କରିଛନ୍ତି । ଆଉ ଫିଲ୍ମ ବାଲା ହଲରେ ନଭେମ୍ୱର ୭ ତାରିଖରେ ହିଁ ରିଲିଜ ହେବ ।