close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ବାଗଦାଦି ନିହତ, ଟ୍ରମ୍ପଙ୍କ କଥାରେ ପାକିସ୍ତାନର ବିଶ୍ୱାସ ନାହିଁ !

ସିରିଆରେ ଆମେରିକା ସେନା ଦ୍ୱାରା ନିପାତ ହୋଇଛି ଆଇଏସଆଇଏସ ମୁଖ୍ୟ ଅବୁ ବକର ଅଲ ବାଗଦାଦି । ସଫଳ ହୋଇଛି ଆମେରିକା ସେନାର ଅପରେସନ । ଖୋଦ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏହି ଦାବି କରିଛନ୍ତି । ହେଲେ ଟ୍ରମ୍ପଙ୍କ କଥାରେ ପାକିସ୍ତାନର ବିଶ୍ୱାସ ନାହିଁ । ପାକିସ୍ତାନର ଗୁଇନ୍ଦା ସଂସ୍ଥା ଏହା ଉପରେ କୌଣସି ଖବର ଦେଇନଥିବାରୁ ଟ୍ରମ୍ପଙ୍କ ଦାବିକୁ ମଧ୍ୟ  ବିଶ୍ୱାସ କରିପାରୁନି । 

ବାଗଦାଦି ନିହତ, ଟ୍ରମ୍ପଙ୍କ କଥାରେ ପାକିସ୍ତାନର ବିଶ୍ୱାସ ନାହିଁ !
ଫାଇଲ ଫଟୋ

ନୂଆଦିଲ୍ଲୀ: ସିରିଆରେ ଆମେରିକା ସେନା ଦ୍ୱାରା ନିପାତ ହୋଇଛି ଆଇଏସଆଇଏସ ମୁଖ୍ୟ ଅବୁ ବକର ଅଲ ବାଗଦାଦି । ସଫଳ ହୋଇଛି ଆମେରିକା ସେନାର ଅପରେସନ । ଖୋଦ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏହି ଦାବି କରିଛନ୍ତି । ହେଲେ ଟ୍ରମ୍ପଙ୍କ କଥାରେ ପାକିସ୍ତାନର ବିଶ୍ୱାସ ନାହିଁ । ପାକିସ୍ତାନର ଗୁଇନ୍ଦା ସଂସ୍ଥା ଏହା ଉପରେ କୌଣସି ଖବର ଦେଇନଥିବାରୁ ଟ୍ରମ୍ପଙ୍କ ଦାବିକୁ ମଧ୍ୟ  ବିଶ୍ୱାସ କରିପାରୁନି । 

ପାକିସ୍ତାନୀ ସିନେଟର ରେହମାନ ମଲିକ ଟ୍ୱିଟ କରି କହିଛନ୍ତି, ବାଗଦାଦିର ମୃତ୍ୟୁ ନେଇ ଆମେରିକା ରାଷ୍ଟ୍ରପତି ଟ୍ରମ୍ପ କହିଛନ୍ତି । ହେଲେ ଏ ଖବରକୁ ନେଇ ପାକିସ୍ତାନ ଗୁଇନ୍ଦା ସଂସ୍ଥା ପକ୍ଷରୁ ଏପର୍ଯ୍ୟନ୍ତ କୌଣସି ବୟାନ ଦିଆଯାଇନାହିଁ ।  ଯଦି ବାଗଦାଦୀ ସତରେ ମରିଛି, ତେବେ ତାହା ଖୁସିର ବିଷୟ । ସିରିୟାରେ ଏବେ ବହୁତ ଦ୍ୱନ୍ଦାତ୍ମକ ମାହୋଲ ଚାଲିଛି । ଦେଖାଯାଉ, ବାଗଦାଦି ସତରେ ମରିଛି ନା ନାହିଁ ବୋଲି କହିଛନ୍ତି ରେହମାନ । 

କହିରଖୁଛୁ, ଉତ୍ତର-ପଶ୍ଚିମ ସିରିଆରେ ଆମେରିକା ସେନା ହାତରେ ନିହତ ହୋଇଛି ଆଇଏସଆଇଏସ ମୁଖ୍ୟ ଅବୁ ବକର ଅଲ ବାଗଦାଦି । ରବିବାର ଯାହାର ଘୋଷଣା ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କରିଥିଲେ । ବାଗଦାଦି ସୁଡଙ୍ଗରେ ଲୁଚି ଥିଲା କିନ୍ତୁ ଆମେରିକା ସେନାର ଆକ୍ରମଣରେ ନିହତ ହୋଇଛି । ବାଗଦାଦିଙ୍କ ସହ ତାଙ୍କର ୩ ସନ୍ତାନ ମଧ୍ୟ ଏହି ଆକ୍ରମଣରେ ନିହତ ହୋଇଛନ୍ତି । 

ଟ୍ରମ୍ପ କହିଥିଲେ, ସେ ଏକ କାପୁରୁଷ ପରି ମରିଛି । ବର୍ତ୍ତମାନ ଦୁନିଆ ଅଧିକ ସୁରକ୍ଷିତ ହୋଇଯିବ । ଗଡ ବ୍ଲେସ ଆମେରିକା । ବଗଦାଦି କାନ୍ଦୁଥିବା ଅବସ୍ଥାରେ ଶେଷ ନିଶ୍ୱାସ ତ୍ୟାଗ କରିଛି । ସେ ସୁଡଙ୍ଗରୁ ପଳାୟନ କରିବାକୁ ଚେଷ୍ଟା ମଧ୍ୟ କରିଥିଲା । କିନ୍ତୁ ଆମେରିକା ସେନାର ଡଗ ସ୍କ୍ୱାର୍ଡ ତାକୁ ଗୋଡେଇଥିଲେ । ଶେଷରେ ସେ ଆତ୍ମଘାତୀ ବୋମା ବିସ୍ଫୋରଣରେ ୩ ଛୁଆ ସହ ମରିଥିବା ଟ୍ରମ୍ପ କହିଥିଲେ । 

ଟ୍ରମ୍ପଙ୍କ ଅନୁସାରେ, ବାଗଦାଦି ଜଣେ ରୋଗାଗ୍ରସ୍ତ ଓ ଖରାପ ବ୍ୟକ୍ତି ଥିଲା । ସେ କ୍ରୁର ଓ ନିଷ୍ଠୁର ଥିଲା କିନ୍ତୁ ବର୍ତ୍ତମାନ ଏହାର ବିନାଶ ହୋଇ ସାରିଛି । ଟ୍ରମ୍ପ ଋଷିଆ, ତୁର୍କୀ, ସିରିଆ, ଇରାକ ଓ ସିରିଆର କୁର୍ଦୋଙ୍କୁ ସହଯୋଗ ପାଇଁ ଧନ୍ୟବାଦ ଜଣାଇଛନ୍ତି । ଏହାସହ ସେ ନିଜ ଦେଶର ଗୁଇନ୍ଦା ସଂସ୍ଥା ଓ ସେନାକୁ ମଧ୍ୟ ଧନ୍ୟବାଦ ଜଣାଇଛନ୍ତି ।