• ଚାଷୀ ଟ୍ରାକ୍ଟର ରାଲି: ତଦନ୍ତ ଆରମ୍ଭ କଲା ଦିଲ୍ଲୀ ପୋଲିସ
  • ବର୍ଷ ୨୦୨୧ରେ ଭାରତର ଆର୍ଥିକ ଅଭିବୃଦ୍ଧି ୧୧.୫ ପ୍ରତିଶତ ହେବ: IMF
  • ୱାର୍ଲଡ୍ ଇକୋନୋମିକ୍ ଆଉଟଲୁକ୍ ଅପଡେଟରେ ପ୍ରକାଶ ପାଇଛି, IMFର ଅନୁମାନ
  • ବର୍ଷ ୨୦୨୧ରେ ଦୁଇଅଙ୍କ ବିଶିଷ୍ଟ ଅଭିବୃଦ୍ଧି ହାସଲ କରିବାରେ ଭାରତ ବିଶ୍ୱର ଏକ ମାତ୍ର ଦେଶ
  • ବର୍ଷ ୨୦୨୧ରେ ଚାଇନାର ଆର୍ଥିକ ଅଭିବୃଦ୍ଧି ୮.୧ ପ୍ରତିଶତ ହେବ
  • ଆଜିଠାରୁ ପୁରୀ ସେବାୟତଙ୍କ କୋଭିଡ ଟେଷ୍ଟ
  • ଡାକ୍ତରଖାନାରେ ପୁଣି ଭର୍ତ୍ତି ହେଲେ ବିସିସିଆଇ ଅଧ୍ୟକ୍ଷ ସୌରଭ ଗାଙ୍ଗୁଲି । ଛାତିରେ ଯନ୍ତ୍ରଣା ହେବାରୁ ଡାକ୍ତରଖାନାରେ ଭର୍ତ୍ତି ।
  • ନିକଟରେ ସେ ଡାକ୍ତରଖାନାରୁ ସୁସ୍ଥ ହୋଇ ଫେରିଥିଲେ ।

ସାଧ୍ୱୀ ପ୍ରଜ୍ଞାଙ୍କ ମୁହଁରେ ମଧୁର ବଚନ, ଗାନ୍ଧୀଜୀଙ୍କୁ କହିଲେ 'ରାଷ୍ଟ୍ରପୁତ୍ର'

ନିଜ ବିବାଦୀୟ ମନ୍ତବ୍ୟ ଯୋଗୁଁ ସର୍ବଦା ଚର୍ଚ୍ଚାରେ ରହି ଆସୁଥିବା ବିଜେପି ସାଂସଦ ସାଧ୍ୱୀ ପ୍ରଜ୍ଞା ଠାକରୁ ପୁଣିଥରେ ମହାତ୍ମା ଗାନ୍ଧୀଙ୍କୁ ନେଇ ଏକ ବୟାନ ଦେଇଛନ୍ତି । ଏଥର ତାଙ୍କ ମୁହଁରୁ ଗାନ୍ଧୀଜୀଙ୍କ ପାଇଁ ମଧୁର ବଚନ ବାହାରିଛି । ଗାନ୍ଧୀଜୀ ହେଉଛନ୍ତି ରାଷ୍ଟ୍ରପୁତ୍ର ଓ ଆମ ପାଇଁ ଆଦରଣୀୟ ବୋଲି କହିଛନ୍ତି  ସେ ।

ସାଧ୍ୱୀ ପ୍ରଜ୍ଞାଙ୍କ ମୁହଁରେ ମଧୁର ବଚନ, ଗାନ୍ଧୀଜୀଙ୍କୁ କହିଲେ 'ରାଷ୍ଟ୍ରପୁତ୍ର'
Sadhvi pragya in pic

ନୂଆଦିଲ୍ଲୀ: ନିଜ ବିବାଦୀୟ ମନ୍ତବ୍ୟ ଯୋଗୁଁ ସର୍ବଦା ଚର୍ଚ୍ଚାରେ ରହି ଆସୁଥିବା ବିଜେପି ସାଂସଦ ସାଧ୍ୱୀ ପ୍ରଜ୍ଞା ଠାକରୁ ପୁଣିଥରେ ମହାତ୍ମା ଗାନ୍ଧୀଙ୍କୁ ନେଇ ଏକ ବୟାନ ଦେଇଛନ୍ତି । ଏଥର ତାଙ୍କ ମୁହଁରୁ ଗାନ୍ଧୀଜୀଙ୍କ ପାଇଁ ମଧୁର ବଚନ ବାହାରିଛି । ଗାନ୍ଧୀଜୀ ହେଉଛନ୍ତି ରାଷ୍ଟ୍ରପୁତ୍ର ଓ ଆମ ପାଇଁ ଆଦରଣୀୟ ବୋଲି କହିଛନ୍ତି  ସେ ।

ଅନ୍ୟପଟେ ଗାନ୍ଧୀଜୀଙ୍କ ୧୫୦ତମ ଜୟନ୍ତି ଅବସରରେ ଦେଶସାରା ଭାରତୀୟ ଜନତା ପାର୍ଟି(ବିଜେପି) ତରଫରୁ ସକଳ୍ପ ଯାତ୍ରା ବାହାର କରାଯାଇଛି । କିନ୍ତୁ ବର୍ତ୍ତମାନ ଯାଏ ଏହି ଯାତ୍ରାରେ ପ୍ରଜ୍ଞା ଠାକୁର ଯୋଗ ଦେଇ ନାହାନ୍ତି । ଭୋପାଳର ଏକ କାର୍ଯ୍ୟକ୍ରମରେ ସେ ପହଞ୍ଚିଥିଲେ । ସେଠାରେ ତାଙ୍କୁ ଗଣମାଧ୍ୟମର ପ୍ରତିନିଧିମାନେ ପଚାରିଥିଲେ ଯେ, ଆପଣ କଣ ପାଇଁ ସକଳ୍ପ ଯାତ୍ରାରେ ଯାଉ ନାହାନ୍ତି ? ଏହାର ଉତ୍ତର ନ ଦେଇ ସେ କହିଥିଲେ ଯେ, ଗାନ୍ଧୀ ହେଉଛନ୍ତି ରାଷ୍ଟ୍ରପୁତ୍ର ଓ ଆମ ପାଇଁ ଆଦରଣୀୟ କିନ୍ତୁ ମୋତେ କାହାକୁ କିଛି ସ୍ପଷ୍ଟୋକ୍ତି ଦେବାର ଆବଶ୍ୟକତା ନାହିଁ । 

ସେ ଆହୁରି କହିଛନ୍ତି ଯେ, ଦେଶ ପାଇଁ ଯିଏ ଭଲ କାମ କରିଛନ୍ତି, ନିଶ୍ଚିତ ଭାବେ ସେମାନେ ଆମର ଆଦରଣୀୟ ଓ ପରମ ଆଦରଣୀୟ ହେବେ । ଆମେ ସେମାନଙ୍କ ପଥର ଅନୁଗାମୀ । ଆମର ଯେଉଁ ବ୍ୟକ୍ତି ଆମକୁ ମାର୍ଗଦର୍ଶନ କରିଛନ୍ତି, ନିଶ୍ଚିତ ରୂପେ ଆମେ ସେମାନଙ୍କ ଗୁଣଗାନ କରିବୁ । ସେମାନଙ୍କ ପଥରେ ଚାଲି ଆମେ ଲୋକଙ୍କୁ ଆଗର ମାର୍ଗ ପ୍ରଶସ୍ତ କରିବୁ ବୋଲି ପ୍ରଜ୍ଞା ଠାକୁର କହିଛନ୍ତି । 

ଏହାସହ ସେ କଂଗ୍ରେସକୁ ଟାର୍ଗେଟ କରିବାକୁ ଭୁଲି ନଥିଲେ । ଆମେ ନିଜ ସିଦ୍ଧାନ୍ତରେ କେବେ ପରିବର୍ତ୍ତନ ଆଣିବୁ ନାହିଁ । ଯାହା ଭଲ ତାହାକୁ ସ୍ୱୀକାର କରିବୁ ଓ ଯାହା ଭୁଲ ତାହାକୁ ଅସ୍ୱୀକାର କରିବୁ । କଂଗ୍ରେସ ଯାହା କହିଲେ ମଧ୍ୟ ମୋର ସିଦ୍ଧାନ୍ତ ରାଷ୍ଟ୍ର ପାଇଁ ରହିଛି ବୋଲି ସେ କହିଛନ୍ତି । ରାଷ୍ଟ୍ର ପାଇଁ ଜିଉଛି ଓ ରାଷ୍ଟ୍ର ପାଇଁ ମରିବି ବୋଲି ସେ କହିଛନ୍ତି । 
ସାଧ୍ୱୀ ପ୍ରଜ୍ଞା ଲୋକସଭା ନିର୍ବାଚନ ବେଳେ ରାଷ୍ଟ୍ରପିତା ମହାତ୍ମା ଗାନ୍ଧୀଙ୍କ ହତ୍ୟାକାରୀ ନାଥୁରାମ ଗୋଡସେଙ୍କୁ ନେଇ ଏକ ବୟାନ ଦେଇଥିଲେ । ଯାହାକୁ ନେଇ ବିବାଦ ଦେଖା ଦେଇଥିଲା । ସେ ଗୋଡସେଙ୍କୁ ରାଷ୍ଟ୍ରଭକ୍ତ କହିଥିଲେ । ଯାହାପରେ ରାଜନୈତିକ ବୟାନବାଜୀ ଆରମ୍ଭ ହୋଇଯାଇଥିଲା । ସ୍ୱୟଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଏଥିପାଇଁ ବୟାନ ଦେବାକୁ ପଡିଥିଲା  ।