ବ୍ଲଗର ଚନ୍ଦନ ସାହୁ, ଯୁବକ ପାଇଁ ପାଲଟିଛନ୍ତି ପ୍ରେରଣା

ଅଜୟ ନାଥ, ସମ୍ବଲପୁର: ଆଜିକାଲି ଯୁଗରେ ସମସ୍ତେ ଚାକିରି ପଛରେ ଗୋଡାଉଥିବା ବେଳେ ଏମିତି କଦବା କ୍ଵଚିତ କିଛି ବ୍ୟକ୍ତି ଅଛନ୍ତି, ଯେଉଁମାନେ କି ନିଜେ ନିଜ ଅଞ୍ଚଳରେ ଆତ୍ମନିର୍ଭରଶୀଳ ହେବା ସହ ଅନ୍ୟକୁ ମଧ୍ୟ ରୋଜଗାର ଦେଉଛନ୍ତି। ତାହା ପୁଣି ଏକ ସ୍ୱତନ୍ତ୍ର କ୍ଷେତ୍ରରେ। ଡିଜିଟାଲ ଇଣ୍ଡିଆକୁ ଆଧାର କରି 'ବ୍ଲଗର' ଭାବରେ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି ସମ୍ବଲପୁରର ଉପାନ୍ତ ଅଞ୍ଚଳ ନାକଟିଦେଉଳ ବ୍ଲକ ଚନ୍ଦ୍ରପୁର ଗାଁର ଯୁବକ ଚନ୍ଦନ ସାହୁ।

ଚନ୍ଦନ ସାହୁ। ଉପାନ୍ତ ଅଞ୍ଚଳର ଏହି ଯୁବକ ଉଚ୍ଚ ଶିକ୍ଷା ଲାଭ ପରେ ସେ ଚାକିରି ପଛରେ ନ ଗୋଡାଇ ନିଜ ଘରେ ରହି ଇଣ୍ଟରନେଟ ସହାୟତାରେ ବ୍ଲଗ ଲେଖି ପ୍ରତି ମାସ ରୋଜଗାର କରୁଛନ୍ତି ଲକ୍ଷାଧିକ ଟଙ୍କା। ତାଙ୍କ କାମରେ ସହାୟତା କରିବା ପାଇଁ ୭ ରୁ ୮ ଜଣଙ୍କୁ ସେ ରୋଜଗାର ଦେଇଛନ୍ତି। ଚନ୍ଦନଙ୍କ କହିବା କଥା ହେଲା ଯେ ଅପହଞ୍ଚ ଇଲାକାରେ ଇଣ୍ଟରନେଟ ର ସୁବିଧା ଯୋଗୁ ସେ ଏହା କରି ପାରୁଛନ୍ତି । 

ନିଜର ସ୍କିଲ ଥିଲେ ଘରେ ରହି ମଧ୍ୟ କରିହେବ ଭଲ ରୋଜଗାର ଓ ଅନ୍ୟଙ୍କୁ ମଧ୍ୟ ଯୋଗେଇ ହେବ ନିଯୁକ୍ତି। ସ୍କିଲ ଇଣ୍ଡିଆ ଓ ଡିଜିଟାଲ ଇଣ୍ଡିଆର ପ୍ରସଂଶା କରିଛନ୍ତି ଚନ୍ଦନ ସାହୁ। ଡିଜିଟାଲ ଇଣ୍ଡିଆ ସ୍ବପ୍ନକୁ ସାକାର କରୁଛନ୍ତି ସମ୍ବଲପୁର ଜିଲ୍ଲାର ଅପହଞ୍ଚ ଇଲାକ ନାକଟିଦେଉଳ ବ୍ଲକ ଚନ୍ଦ୍ରପୁର ଗାଁର ଯୁବକ ଚନ୍ଦନ । ଅପହଞ୍ଚ ଇଲାକାରେ ଇଣ୍ଟରନେଟ ସେବା ମିଳୁ ଥିବାରୁ ସେ ଚାକିରି ପଛରେ ନ ପଡି ଘରେ ରହି ବ୍ଲଗ ଲେଖି ପ୍ରତି ମାସ ଲକ୍ଷାଧିକ ଟଙ୍କା ରୋଜଗାର କରିବା ସହ ଅନ୍ୟମାନଙ୍କୁ ମଧ୍ୟ ରୋଜଗାର ଯୋଗାଉଛନ୍ତି । ଚନ୍ଦନଙ୍କ ସଫଳତାକୁ ନେଇ ଅଞ୍ଚଳରେ ସମସ୍ତେ ଖୁସି। 

କମ୍ପ୍ୟୁଟର ସାଇନ୍ସରେ ଉଚ୍ଚଶିକ୍ଷା ଲାଭ କରିଥିବା ପୁଅ ଚାକିରି କରୁ ବୋଲି ପ୍ରଥମେ ଚାହିଥିଲେ ଚନ୍ଦନଙ୍କ ମା' ପ୍ରମୋଦିନୀ ସାହୁ । କିନ୍ତୁ ପୁଅ ପାଠ ସରିଲା ପରେ ଗୋଟିଏ ବର୍ଷ ଏହି ବ୍ଲଗ କାର୍ଯ୍ୟ କରିବା ପାଇଁ ସମୟ ମାଗିଥିଲା। କିଛି ମାସ ପରେ ପୁଅ ଯେତେବେଳେ କହିଲା କିଛି କିଛି ରୋଜଗାର ହେଉଛି ଏବଂ ଏବେ ପୁରା ଏହି କ୍ଷେତ୍ରରେ ନିଜକୁ ନିୟୋଜିତ କରିବା ସହ ଆଉ କିଛି ଜଣଙ୍କୁ ରୋଜଗାର ଦେଇପାରୁଛି ଜାଣି ବିଶ୍ୱାସ ବଢ଼ିଲା। କିନ୍ତୁ ଏବେ ଚନ୍ଦନଙ୍କ ସଫଳତା ଦେଖି ସେ ମଧ୍ୟ ବେଶ ଖୁସି ବୋଲି କହିଛନ୍ତି ମା ପ୍ରମୋଦିନୀ। 

ଉପାନ୍ତ ଅଞ୍ଚଳରେ ମଧ୍ୟ  ଇଣ୍ଟନରନେଟର ସୁବିଧା ମିଳୁଥିବାରୁ ନିଜର ସ୍କିଲ ଅନୁସାରେ ଭଲ ରୋଜଗାର କରୁଛନ୍ତି ଚନ୍ଦନ । ନିଜ ଘରେ ଥାଇ ସ୍ବବାଲମ୍ବି ହେବା ସହ ଅନ୍ୟକୁ  ମଧ୍ୟ ସ୍ୱାବଲମ୍ବୀ କରାଉ ଥିବାର ଖବର ଜଣା ପଡିବା ପରେ ଏବେ ଚର୍ଚ୍ଚାରେ ଚନ୍ଦନ ।