• ଆଜି ରାଜ୍ୟରେ ହେବନି କୋରୋନା ଟିକାକରଣ
  • ରାଜ୍ୟର ୮୫% କୋଭିଡ ଯୋଦ୍ଧା ନେଲେ କୋରୋନା ଟିକା
  • ଚିଲିକା, ଗହୀରମଥା ଓ ଭିତରକନିକାରେ ଆଜିଠାରୁ ଡଲଫିନ ଗଣନା
  • ଭୁବନେଶ୍ୱରସ୍ଥିତ ୫ଟି ସ୍କୁଲ ବୁଲିଲେ 5T ସଚିବ ଭି.କେ.ପାଣ୍ଡିଆନ
  • ସୁନ୍ଦରଗଡ଼ ବାହିୟାମ ଗାଁରେ ମାଆର ତଣ୍ଟି କାଟିଲା ପୁଅ
  • ବିଶ୍ବରେ କୋରୋନା ମୃତ୍ୟୁ ସଂଖ୍ୟା ୨୦.୨୯ ଲକ୍ଷକୁ ବୃଦ୍ଧି
  • ଜାମ୍ମୁ ଓ କାଶ୍ମୀରର କାଟ୍ରାରେ ୪.୧ ତୀବ୍ରତାର ଭୂମିକମ୍ପ ଅନୁଭୂତ
  • ଆସନ୍ତାକାଲି ଖୋଲିବ ଘଟଗାଁ ତାରିଣୀ ମନ୍ଦିର
  • ସମ୍ବଲପୁରରେ ନକଲି ସର୍ଫ କାରଖାନା ଠାବ
  • ମନବଦଳାଇଲା ହ୍ୱାଟସଆପ୍, ମେ' ୧୫ ପର୍ଯ୍ୟନ୍ତ ପ୍ରାଇଭେସି ପଲିସିରେ ଲାଗିଲା ରୋକ୍

ଭୋଟରଙ୍କ ଭିତରେ ଉତ୍ସାହ ନାହିଁ, କାହିଁକି ଏମିତି କହିଲେ ବଲିଉଡ କଳାକାର...

ଚାଲିଛି ମହାରାଷ୍ଟ୍ର ବିଧାନସଭା ନିର୍ବାଚନ ପାଇଁ ମତଦାନ । ଏତିକି ବେଳେ ବଲିଉଡ ନିର୍ଦ୍ଦେଶକ ବିବେକ ରଞ୍ଜନ ଅଗ୍ନିହୋତ୍ରୀଙ୍କ ଏକ ଟ୍ୱିଟକୁ ନେଇ ଚର୍ଚ୍ଚା ସରଗରମ ।

ଭୋଟରଙ୍କ ଭିତରେ ଉତ୍ସାହ ନାହିଁ, କାହିଁକି ଏମିତି କହିଲେ ବଲିଉଡ କଳାକାର...
maharashtra assembly election

ନୂଆଦିଲ୍ଲୀ: ଚାଲିଛି ମହାରାଷ୍ଟ୍ର ବିଧାନସଭା ନିର୍ବାଚନ ପାଇଁ ମତଦାନ । ମୁମ୍ୱାଇର ବଡ ବଡ ବଲିଉଡ ଷ୍ଟାର ମଧ୍ୟ ମତଦାନ କରି ନାଗରିକର ଅଧିକାର ସାବ୍ୟସ୍ତ କରୁଛନ୍ତି । ଭୋଟ ଦେବା ପାଇଁ ସାଧାରଣ ଜନତାଙ୍କୁ ସୋସିଆଲ ମିଡିଆ  ମାଧ୍ୟମରେ ଉତ୍ସାହିତ ମଧ୍ୟ କରୁଛନ୍ତି । ତେବେ ଏତିକି ବେଳେ ବଲିଉଡ ନିର୍ଦ୍ଦେଶକ ବିବେକ ରଞ୍ଜନ ଅଗ୍ନିହୋତ୍ରୀଙ୍କ ଏକ ଟ୍ୱିଟକୁ ନେଇ ଚର୍ଚ୍ଚା ସରଗରମ । 

ନିଜ ଟ୍ୱିଟରେ ବିବେକ ରଞ୍ଜନ ଲେଖିଛନ୍ତି, ମହାରାଷ୍ଟ୍ରରେ ମତଦାତାଙ୍କ ଭିତରେ କୌଣସି ଉତ୍ସାହ ନାହିଁ । ନିର୍ବାଚନକୁ ନେଇ ଭୋଟର ଉତ୍ସାହିତ ଥିଲା ପରି ମନେ ହେଉନାହିଁ । ଏହାର କାରଣ ମଧ୍ୟ ନିଜ ଟ୍ୱିଟରେ କହିଛନ୍ତି ବିବେକ ରଞ୍ଜନ । ଭୋଟରଙ୍କ ମଧ୍ୟରେ କୌଣସି ଉତ୍ସାହ ନାହିଁ । କାରଣ ନିର୍ବାଚନର ଫଳାଫଳ କଣ ହେବ, ତାହା ମହାରାଷ୍ଟ୍ରରେ ସମସ୍ତେ ଜାଣିଛନ୍ତି । କୌଣସି ପ୍ରତିଯୋଗିତା ହେବାର ନାହିଁ । ଗୋଟିଏ ଦଳର ପଲା ହିଁ ଭାରି ରହିଛି ବୋଲି ସେ କହିଛନ୍ତି । 

ଆଜି ସକାଳୁ ପ୍ରଥମେ ନିଜ ମତଦାନ କେନ୍ଦ୍ରକୁ ଯାଇ ଭୋଟ ଦେଇଥିଲେ ବିବେକ ରଞ୍ଜନ । ପରେ ନିଜର ଫଟୋ ସହ ଏଭଳି କିଛି ଲେଖି ପୋଷ୍ଟ କରିଥିଲେ । ବିବେକଙ୍କ ଏହି ଟ୍ୱିଟ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ଏହାକୁ ନେଇ ଯୁଜର୍ସ ମଧ୍ୟ ଭିନ୍ନ ଭିନ୍ନ ପ୍ରତିକ୍ରିୟା ରଖୁଛନ୍ତି । 

କହିରଖୁଛୁ, ଆଜି ମହାରାଷ୍ଟ୍ର ଓ ହରିୟାଣା ବିଧାନସଭା ପାଇଁ ମତଦାନ ଚାଲିଛି । ମହାରାଷ୍ଟ୍ରରେ ୨୮୮ ବିଧାନସଭା ଆସନରେ ଭୋଟ ଗ୍ରହଣ ଚାଲିଛି । ୨୩୫ ମହିଳା ସମେତ ସର୍ବମୋଟ ୩,୨୩୭ ପ୍ରାର୍ଥୀ ନିର୍ବାଚନୀ ମୈଦାନକୁ ଓହ୍ଲାଇଛନ୍ତି । ଭୋଟ ଗ୍ରହଣ ପାଇଁ ୯୬ ହଜାର ୬୬୧ ମତଦାନ କେନ୍ଦ୍ର କରାଯାଇଛି । ସାଢେ ଛଅ ଲକ୍ଷ କର୍ମଚାରୀଙ୍କୁ କାର୍ଯ୍ୟରେ ଲଗାଯାଇଛି । ମହାରାଷ୍ଟ୍ରରରେ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାବିସଙ୍କ ନେତୃତ୍ୱରେ ଦ୍ୱିତୀୟ ଥର ପାଇଁ କ୍ଷମତାକୁ ଫେରିବାକୁ ଜୋରସୋରରେ ଉଦ୍ୟମ କରିଛି ବିଜେପି । 

ଏଠାରେ ବିଜେପି ୧୬୪ ଆସନରେ ନିର୍ବାଚନ ଲଢୁଛି । ସେହିପରି ଶିବସେନା ୧୨୬ ଆସନରେ ନିର୍ବାଚନ ଲଢୁଛି । ଅନ୍ୟପଟେ କଂଗ୍ରେସ ୧୪୭ ଓ ତାର ସହଯୋଗୀ ଏନସିପି ୧୨୧ ଆସନରେ ପ୍ରାର୍ଥୀ ଦେଇଛନ୍ତି । ଅନ୍ୟାନ୍ୟ ଦଳଗୁଡିକ ମଧ୍ୟରେ ରାଜ ଠାକରେଙ୍କ ନେତୃତ୍ୱାଧୀନ ମହାରାଷ୍ଟ୍ର ନବନିର୍ମାଣ ସେନା(ଏମଏନଏସ)ର ୧୦୧ ପ୍ରାର୍ଥୀ, ବାମଦଳର ୨୪ ପ୍ରାର୍ଥୀ ମୈଦାନରେ ଓହ୍ଲାଇଛନ୍ତି । ସେହିପରି ବହୁଜନ ସମାଜ ପାର୍ଟି(ବିଏସପି) ୨୬୨ ଆସନରେ ନିଜ ପ୍ରାର୍ଥୀ ଦେଇଛି । ଅନ୍ୟପଟେ ୧୪ଶହ ସ୍ୱାଧୀନ ପ୍ରାର୍ଥୀ ମଧ୍ୟ ନିର୍ବାଚନୀ ମୈଦାନରେ ଅଛନ୍ତି । 

ପ୍ରମୁଖ ପ୍ରାର୍ଥୀଙ୍କ ମଧ୍ୟରେ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ ଓ ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଓ ବରିଷ୍ଠ କଂଗ୍ରେସ ନେତା ଅଶୋକ ଚୌହ୍ୱାନଙ୍କ ନାଁ ସାମିଲ ରହିଛି । ଉଦ୍ଧବ ଠାକରେଙ୍କ ପୁଅ ତଥା ଯୁବସେନା ଅଧ୍ୟକ୍ଷ ଆଦିତ୍ୟ ଠାକରେ ମୁମ୍ବାଇର ବର୍ଲିରୁ ନିର୍ବାଚନ ଲଢୁଛନ୍ତି ।