ସୀମା ବିବାଦ: ଭାରତ-ଚୀନ ମଧ୍ୟରେ ଖୁବଶୀଘ୍ର ଅନୁଷ୍ଠିତ ହେବ ଲେଫ୍ଟନାଣ୍ଟସ୍ତରୀୟ ଆଲୋଚନା

ନୂଆଦିଲ୍ଲୀ: ଲଦାଖ ଠାରେ ଭାରତ-ଚୀନ ସେନା ମଧ୍ୟରେ ମହାଁମୁହିଁ ହେବା ଘଟଣାରେ ଏକ ବଡ ସଫଳତା ମିଳିଛି | ଚୁସୁଲରେ ଠାରେ ଉଭୟ ଦେଶ ମଧ୍ୟରେ ହୋଇଥିବା ମେଜର ଜେନେରାଲ୍ ସ୍ତରୀୟ ଆଲୋଚନାରେ ସୈନିକଙ୍କୁ ଫେରାଇବାର ପ୍ରକ୍ରିୟା ଉପରେ ଆଲୋଚନା କରାଯାଇଥିଲା | ବର୍ତ୍ତମାନ ଏ ମାମଲାରେ  ଲେଫ୍ଟନାଣ୍ଟ ଜେନେରାଲ ସ୍ତରୀୟ କଥାବାର୍ତ୍ତା ହେବ |

ଯେଉଁ ୪ଟି ସ୍ଥାନରେ ଭାରତ-ଡ୍ରାଗନ ମଧ୍ୟରେ ମୁହାଁମୁହିଁ ହୋଇଥିଲା ସେଠାରୁ ପ୍ରାୟ ଅଢେଇ କିଲୋମିଟର ପଛକୁ ହଟିସାରିଛି ଚୀନ ସେନା | ଗାଲଭାନ୍ ଉପତ୍ୟକାର ତିନୋଟି ସ୍ଥାନରୁ ନିଜର ସାମରକି ସାଜ ସରଞ୍ଜାମ ସହ ପଛକୁ ଫେରିଯାଇଛି ଚୀନ ସେନା | ଗତ ମାସରେ ଡ୍ରାଗନ ସେନା ପ୍ରକୃତ ନିୟନ୍ତ୍ରଣ ସୀମ ରେଖା ଅତିକ୍ରମ କରିବା ସହ ସେଠାରେ ଥିବା ପାହାଡିଆ ଅଞ୍ଚଳରେ ନିଜର ସ୍ଥିତି ଜାରି କରିଥିଲେ |

ଚୀନ ସୈନିକ ଲଦାଖର ପେଙ୍ଗଙ୍ଗ ହ୍ରଦର ଫିଙ୍ଗର ୪ ପର୍ଯ୍ୟନ୍ତ ମାଡି ଆସିଥିଲେ | ଯେଉଁଠାରେ ସେମାନେଙ୍କର ଭାରତୀୟ ସେନ ସହ ମୁହାଁମୁହିଁ ହୋଇଥିଲେ | ବର୍ତ୍ତମାନ ଚୀନ୍ ସେନା ଏହି ହ୍ରଦରୁ ପଛକୁ ଫେରିଯାଇଛନ୍ତି | ଫିଙ୍ଗର ୮ ପର୍ଯ୍ୟନ୍ତ ଅଞ୍ଚଳ ନିଜ ଦ୍ୱାରା  ଅଧିକୃତ ବୋଲି ଭାରତ ଦାବି କରିଛି, ଯେଉଁଠାରେ ଭାରତୀୟ ସୈନ୍ୟ ପାଟ୍ରୋଲିଂ କରୁଥିଲେ | ଏହାପୂର୍ବରୁ ପେଙ୍ଗାଙ୍ଗ ହ୍ରଦ ନିକଟରେ ଭାରତ-ଚୀନ ସୈନିକଙ୍କ ମଧ୍ୟରେ ସଂଘର୍ଷ ହୋଇଥିଲା | ଏଠାରୁ କିଛି କଲୋମିଟର ଦୂରକୁ ପଛଘୁଞ୍ଚା ଦେଇଛି ଡ୍ରାଗନ ଆର୍ମି | 

ସୀମାରେ  ଉଭୟ ଦେଶର ସେନା ମୁହାଁମୁହିଁ ହେବା ପରେ, ଚୀନ ଯେଉଁ ଆଭିମୁଖ୍ୟ ଦେଖାଉଥିଲା, ସେତେବେଳେ ଏହା ଦୃଶ୍ୟମାନ ହେଉନଥିଲା କୌଣସି ସେତେବେଳର ପରିସ୍ଥିତିରେ ପଛକୁ ହଟିବେ | ହେଲେ ଚୀନ ସେନା ପ୍ରତ୍ୟାହାର କରିବା ପରେ ଭାରତର ଶକ୍ତି ବଢିଛି |