close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ବିପର୍ଯ୍ୟସ୍ତ ପରିମଳ ବ୍ୟବସ୍ଥା, ଅଣନିଶ୍ୱାସୀ ଲୋକେ

ବୌଦ୍ଧ ଜିଲ୍ଲାର ଏକମାତ୍ର ଗଡଜାତ ସହରକୁ ପରିଷ୍କାର ପରିଚ୍ଛନତା ରଖିବା ସହିତ ସହରବାସୀଙ୍କ ସ୍ୱାସ୍ଥ୍ୟବସ୍ଥାକୁ ସୁରକ୍ଷିତ ରଖିବା ପାଇଁ ପ୍ରଶାସନ ଓ ବୌଦ୍ଧ ଏନଏସି ଧ୍ୟାନ ଦେବା ଜରୁରୀ ହୋଇପଡିଛି ।

ବିପର୍ଯ୍ୟସ୍ତ ପରିମଳ ବ୍ୟବସ୍ଥା, ଅଣନିଶ୍ୱାସୀ ଲୋକେ

ସୁଚିତ୍ରା ସେଣ୍ଡ୍​,ବୌଦ୍ଧ: ବୌଦ୍ଧ ଜିଲ୍ଲାର ଏକମାତ୍ର ବିଜ୍ଞାପିତ ଅଞ୍ଚଳ ପରିଷଦରେ ଫେଲ ମାରିଛି ସରକାରଙ୍କ ପରିମଳ ବ୍ୟବସ୍ଥା । ୧୭ଟି ୱାର୍ଡ଼କୁ ନେଇ ଗଠିତ ବୌଦ୍ଧ ସହରର ବିଭିନ୍ନ ୱାର୍ଡ଼ରେ ପଡି ରହିଛି କୁଢକୁଢ ଅଳିଆ ଆବର୍ଜନା । ଦୁର୍ଗନ୍ଧରେ ଫାଟି ପଡୁଛି ବିଭିନ୍ନ ସ୍ଥାନ । ଡ୍ରେନ ଗୁଡିକରେ ଅଳିଆ ଆବର୍ଜନା ଜମି ରହୁଥିବାରୁ ଦୂଷିତ ପାଣି ନିଷ୍କାସନ ହୋଇପାରୁନାହି । ଫଳରେ ଡେଙ୍ଗୁ, ମ୍ୟାଲେରିଆ ଭଳି ସଂକ୍ରମିତ ରୋଗରେ ଆକ୍ରାନ୍ତ ହେବା ଆଶଙ୍କାରେ ଲୋକଙ୍କ ମନରେ ଛନକା ପଶିଛି ।

କେଉଁଠି ଡଷ୍ଟବିନ ଫୁଲ୍ ହୋଇ ତା ଉପରେ କୁଢକୁଢ଼ ଅଳିଆ ଗଦା ହେଉଛି ତ ଆଉ କେଉଁଠେ ସେମିତି ତଳେ ଗଦା ହୋଇ ପଡିରହିଛି ଅଳିଆ ଆବର୍ଜନା । ବୌଦ୍ଧ ସହରର ମହାନଦୀ କଡରେ ରହିଥିବା କଲୋନୀରେ ଦୀର୍ଘ ଦିନ ଧରି ନିୟମିତ ଭାବେ ଅଳିଆ ସଫା କରାଯାଉନଥିବାରୁ ଦର୍ଗନ୍ଧରେ ଫାଟି ପଡୁଛି ଅଞ୍ଚଳ । ଫଳରେ ସହରବାସୀଙ୍କୁ ପ୍ରତି ମୂହୁର୍ତ୍ତରେ ନାକେଦମ ହେବାକୁ ପଡୁଛି ।

ବୌଦ୍ଧ ବିଜ୍ଞାପିତ ଅଞ୍ଚଳପରିଷଦ ଅଳିଆ ଆବର୍ଜନାକୁ ନିୟମିତ ସଫାସୁତୁରା କରିବା ଦାୟିତ୍ୱ ନେଇଛି । ହେଲେ ବିଭାଗୀୟ ଅଧିକାରୀଙ୍କ ଖାମଖିଆଲ ମନୋଭାବ ଯୋଗୁଁ ଏସବୁ ଅଞ୍ଚଳରୁ ନିୟମିତ ଅଳିଆ ଆବର୍ଜନା ଉଠିପାରୁନି । ଅନ୍ୟପଟେ ଏସବୁ କାମରେ ନିୟୋଜିତ ହୋଇଥିବା କର୍ମଚାରୀଙ୍କୁ ସେମାନଙ୍କ ପ୍ରାପ୍ୟ ଦେବାରେ ବୌଦ୍ଧ ଏନଏସି ପାତରଅନ୍ତର କରୁଥିବାରୁ କର୍ମଚାରୀ ଧାରଣାରେ ଦେଇଥିଲେ ।

ସେହିପରି ଡ୍ରେନରେ ଦୀର୍ଘଦିନ ଧରି ମଇଳାପାଣି ଜମା ହୋଇ ରହିଥିବାରୁ ମଶାମାଛିଙ୍କ ପ୍ରାଦୁର୍ଭାବ ବଢିବାରେ ଲାଗିଛି । ସହରରେ ପରିଷ୍କାର ପରିଚ୍ଛନତା ରଖିବା ପାଇଁ ସରକାର ବିଭିନ୍ନ ଯୋଜନାରେ ଲକ୍ଷଲକ୍ଷ ଟଙ୍କା ଖର୍ଚ୍ଚ କରୁଛନ୍ତି । ଲୋକଙ୍କୁ ସଚେତନତା କରିବା ନାଁରେ କାଗଜପତ୍ରରେ ଏସବୁ ସରକାରୀ ଅର୍ଥକୁ ଚଳୁ କରାଯାଉଛି । ହେଲେ ସହରର ପରିମଳ ବ୍ୟବସ୍ଥା ସୁଧୁରିବାର ନାଁ ଧରୁନଥିବା ସହରବାସୀ ଅଭିଯୋଗ କରିଛନ୍ତି । ବୌଦ୍ଧ ବିଜ୍ଞାପିତ ଅଞ୍ଚଳ ପରିଷଦର କାର୍ଯ୍ୟକ୍ରମକୁ ନେଇ ସହରବାସୀ ଅସନ୍ତୋଷ ପ୍ରକାଶ କରୁଥିବାବେଳେ ସରକାରଙ୍କ ସ୍ୱଚ୍ଛ ପରିବେଶ ଓ ସୁସ୍ଥ ଓଡିଶାର ନାରା ଏଠାରେ ଫେଲ ମାରିଥିବା କହିଛନ୍ତି । ବୌଦ୍ଧ ସହରରେ ତୁରନ୍ତ ପରିମଳ ବ୍ୟବସ୍ଥାର ସୁଧାର ନଆଣିଲେ ଆଗାମୀ ଦିନରେ ହେବାକୁ ଥିବା ପୌର ନିର୍ବାଚନରେ ଉଚିତ ଜବାବଦେବେ ବୋଲି  ସହରବାସୀ କହିଛନ୍ତି ।