'ଚାଇନା ସାମଗ୍ରୀ ବର୍ଜନ କରନ୍ତୁ, ଆମ ଦେଶର ସୈନିକଙ୍କୁ ସୁରକ୍ଷିତ ରଖନ୍ତୁ'

ଅଜୟ କୁମାର ନାଥ, ସମ୍ୱଲପୁର: ଦେଶରେ ବଢ଼ି ବଢ଼ି ଚାଲିଛି ଚୀନ ବିରୋଧରେ ଆକ୍ରୋଶ । ରାସ୍ତାକୁ ଓହ୍ଲାଇ ଚୀନୀ ସାମଗ୍ରୀର ବହିଷ୍କାର କରିବାର ଆହ୍ୱାନ ଦେଉଛନ୍ତି ଜନସାଧାରଣ । ଏହି କ୍ରମରେ ଚାଇନା ସାମଗ୍ରୀ ବର୍ଜନ କରନ୍ତୁ ଆମ ଦେଶର ସୈନିକଙ୍କୁ ସୁରକ୍ଷିତ ରଖନ୍ତୁ । ଏଭଳି ସ୍ଲୋଗାନ ଦେବା ସହ ଜିଲ୍ଲାବାସୀଙ୍କୁ ସଚେତନ କରୁଛନ୍ତି ସମ୍ବଲପୁରର ପୂର୍ବତନ ସୈନିକ ସଙ୍ଘର ସଦସ୍ୟମାନେ । ବିଗତ ଦିନରେ ସୀମାରେ ଭାରତର ୨୦ ଜଣ ସୈନିକ ସହିଦ ହୋଇଥିଲେ । ଯାହା ପରେ ସାରା ଦେଶରେ ଏବେ ଚାଇନିଜ ସାମଗ୍ରୀ ବର୍ଜନ ପାଇଁ ଆଗେଇ ଆସିଛନ୍ତି ଜନସାଧାରଣ ।

ଏହି ପରିପେକ୍ଷୀରେ ସମ୍ଵଲପୁରର ପୁର୍ବତ୍ତନ ସୈନିକ ସଂଘ ପକ୍ଷରୁ ସହରରେ ଭିନ୍ନ ଭାବରେ ଏକ ପ୍ରୟାସ କରାଯାଇଛି । ସେମାନେ ସହରର ମୂଖ୍ୟ ପେଣ୍ଠସ୍ଥଳ ଗୋଲବଜାରରେ ରାଲି କରିବା ସହ ଦୋକାନକୁ ପହଞ୍ଚି ଚାଇନ ସାମଗ୍ରୀକୁ ବର୍ଜନ କରିବା ସହ ବିକ୍ରି ନ କରିବା ପାଇ ସଚେତନ କରିଥିଲେ ।

Add Zee News as a Preferred Source