• ଆଜି ରାଜ୍ୟରେ ହେବନି କୋରୋନା ଟିକାକରଣ
  • ରାଜ୍ୟର ୮୫% କୋଭିଡ ଯୋଦ୍ଧା ନେଲେ କୋରୋନା ଟିକା
  • ଚିଲିକା, ଗହୀରମଥା ଓ ଭିତରକନିକାରେ ଆଜିଠାରୁ ଡଲଫିନ ଗଣନା
  • ଭୁବନେଶ୍ୱରସ୍ଥିତ ୫ଟି ସ୍କୁଲ ବୁଲିଲେ 5T ସଚିବ ଭି.କେ.ପାଣ୍ଡିଆନ
  • ସୁନ୍ଦରଗଡ଼ ବାହିୟାମ ଗାଁରେ ମାଆର ତଣ୍ଟି କାଟିଲା ପୁଅ
  • ବିଶ୍ବରେ କୋରୋନା ମୃତ୍ୟୁ ସଂଖ୍ୟା ୨୦.୨୯ ଲକ୍ଷକୁ ବୃଦ୍ଧି
  • ଜାମ୍ମୁ ଓ କାଶ୍ମୀରର କାଟ୍ରାରେ ୪.୧ ତୀବ୍ରତାର ଭୂମିକମ୍ପ ଅନୁଭୂତ
  • ଆସନ୍ତାକାଲି ଖୋଲିବ ଘଟଗାଁ ତାରିଣୀ ମନ୍ଦିର
  • ସମ୍ବଲପୁରରେ ନକଲି ସର୍ଫ କାରଖାନା ଠାବ
  • ମନବଦଳାଇଲା ହ୍ୱାଟସଆପ୍, ମେ' ୧୫ ପର୍ଯ୍ୟନ୍ତ ପ୍ରାଇଭେସି ପଲିସିରେ ଲାଗିଲା ରୋକ୍

ପୁଅ ନ ହେବାରୁ ଟ୍ରିପଲ ତଲାକ

ପୁଅଟିଏ ନହେବାରୁ ତିନି ତଲାକ ଦେଇଦେଲା ସ୍ୱାମୀ । ଅନ୍ୟତ୍ର ବାହା ମଧ୍ୟ ହୋଇଗଲା । 

ପୁଅ ନ ହେବାରୁ ଟ୍ରିପଲ ତଲାକ
ଫଟୋ ସୌଜନ୍ୟ: ଏଏନଆଇ

ନୂଆଦିଲ୍ଲୀ:  ସାମ୍ନାକୁ ଆସିଲା ଆଉ ଏକ ଟ୍ରିପଲ ତଲାକ କାହାଣୀ । ପୁଅଟିଏ ନହେବାରୁ ତିନି ତଲାକ ଦେଇଦେଲା ସ୍ୱାମୀ । ଅନ୍ୟତ୍ର ବାହା ମଧ୍ୟ ହୋଇଗଲା । ଶେଷରେ ବାଧ୍ୟ ହୋଇ ପୋଲିସର ଦ୍ୱାରସ୍ଥ ହୋଇଛନ୍ତି ପୀଡିତା । ତେଲେଙ୍ଗାନା ରାଜଧାନୀ ହାଇଦ୍ରାବାଦରୁ ଆସିଛି ଏମିତି ଏକ ଅଭିଯୋଗ । 

ଅଭିଯୋଗ ଅନୁଯାୟୀ, ପୀଡିତା ମେହରାଜ ବେଗମଙ୍କୁ ତାଙ୍କ ସ୍ୱାମୀ ତିନି ତଲାକ ଦେଇଛନ୍ତି । ଆଉ ଏହାର କାରଣ ଏହା ଯେ, ମେହେରାଜ ବେଗମକୁ ପୁଅ ହୋଇନଥିଲା । ତେଣୁ ନିଜ ସ୍ତ୍ରୀକୁ ତଲାକ ଦେଇ ଅନ୍ୟତ୍ର ବାହା ହୋଇଗଲା ଅଭିଯୁକ୍ତ । ଶେଷରେ ନ୍ୟାୟ ପାଇଁ ଥାନାର ଦ୍ୱାରସ୍ଥ ହୋଇଛନ୍ତି ପୀଡିତା । 

ଘଟଣାକୁ ନେଇ ପୀଡିତା କହିଛନ୍ତି, ''ମୁଁ ଦିନେ ନିଶ୍ଚୟ ନ୍ୟାୟ ପାଇବ । ଏନେଇ ମୁଁ ବେଶ ଆଶାବାଦୀ । ମୋ ସ୍ୱାମୀ ତାଙ୍କର ଏଭଳି ପଦକ୍ଷେପ ପାଇଁ ଦଣ୍ଡ ପାଇବା ଦରକାର ।''

ଏ ମାମଲାର ଅନ୍ୟ ଏକ ଦିଗ ମଧ୍ୟ ରହିଛି । ବର୍ତ୍ତମାନ ମଧ୍ୟ ଆମ ସମାଜ ପୁଅ ଉପରେ ଅଧିକ ଗୁରୁତ୍ୱ ଦେଉଛି । ପୁଅ ନହେଲେ ସ୍ତ୍ରୀକୁ ଟ୍ରିପଲ ତଲାକ ଦେଇଦେଉଛି ସ୍ୱାମୀ । ପୁଅ ଓ ଝିଅ ଉଭୟ ସମାନ, ସଭିଙ୍କ ଭିତରେ ଏହି ମାନସିକତା ସୃଷ୍ଟି ହୋଇପାରିନି । 

ମୁସଲିମ ମହିଳାଙ୍କୁ ଟ୍ରିପଲ ତଲାକରୁ ରକ୍ଷା କରିବା ପାଇଁ କେନ୍ଦ୍ର ସରକାର ନିକଟ ଅତୀତରେ ଶକ୍ତ ଆଇନ ସଂସଦରେ ଗୃହୀତ କରିଥିଲେ । ଏହି ଆଇନ ବଳରେ ଟ୍ରିପଲ ତଲାକ ଅଭିଯୁକ୍ତଙ୍କୁ ତିନି ବର୍ଷ ପର୍ଯ୍ୟନ୍ତ ଜେଲ ଦଣ୍ଡ ଭୋଗିବାକୁ ପଡିବ । ତେବେ ପୂର୍ବାପେକ୍ଷା ଆଇନ ଆହୁରି କଠୋର ହୋଇଛି ସତ, ହେଲେ ବଦଳି ପାରୁନି ଆମ ଲୋକଙ୍କ ମାନସିକତା । ଏତେ ଶକ୍ତ ଆଇନ ସତ୍ତ୍ୱେ ଟ୍ରିପଲ ତଲାକ ଆପଣାଉଛନ୍ତି ମୁସଲମାନ ଯୁବକ । ଆଉ ଏହାରି ଯୋଗୁଁ ଉଜୁଡି ଯାଉଛି ବହୁ ମହିଳାଙ୍କ ହସ ଖୁସିର ସଂସାର । 

ଆହୁରି ବି ପଢନ୍ତୁ; ରାଜଧାନୀରେ ଚାଞ୍ଚଲ୍ୟ, ବୃଦ୍ଧଙ୍କୁ ଗଳାକାଟି ହତ୍ୟା