୨୦ ଏପ୍ରିଲ ପରେ ଏହି ସବୁ ସେବା ମଧ୍ୟ ହୋଇପାରେ ଆରମ୍ଭ...

ନୂଆଦିଲ୍ଲୀ: କୋରୋନା ପ୍ରଭାବ ନଥିବା କ୍ଷେତ୍ରରେ ଲକଡାଉନ୍ କଟକଣା କିଛି ମାତ୍ରାରେ କୋହଳ କରିବାକୁ କେନ୍ଦ୍ର ସରକାର ଘୋଷଣା କରିଥିଲେ । ତେବେ ଯେଉଁସବୁ ସେବାରେ କଟକଣା କୋହଳ କରିବାକୁ କୁହାଯାଇଥିଲା, ସେଥିରେ ଅନ୍ୟକିଛି ସେବା ମଧ୍ୟ ଯୋଡ଼ା ଯାଇଛି । ଯେଉଁ ଅଞ୍ଚଳରେ କୋରୋନା ପ୍ରଭାବ ନଥିବ, ସେହି ଅଞ୍ଚଳରେ ଅନ୍ୟ କିଛି ସେବା ମଧ୍ୟ ଆରମ୍ଭ ହୋଇପାରେ । ଏହି ସେବାଗୁଡ଼ିକ ମଧ୍ୟରେ ରହିଛି, ନନ୍ ବ୍ୟାଙ୍କିଙ୍ଗ ଫାଇନାନ୍ସ କର୍ପୋରେଶନ ଏବଂ ମାଇକ୍ରୋ ଫାଇନାନ୍ସ ଇନଷ୍ଟିଚ୍ୟୁଟ । ଏମାନେ ନିଜ ନିଜ ସେବା ଆରମ୍ଭ ଆରମ୍ଭ କରିପାରିବେ । 

ସେହିପରି ନଡ଼ିଆ, ମସଲା, ବାଉଁସ ଏବଂ ଅନୁସୂଚିତ ଜନଜାତିଙ୍କ ଦ୍ୱାରା ଉତ୍ପାଦିତ ଜିନିଷକୁ ମଧ୍ୟ ଏଥିରେ ସାମିଲ କରାଯାଇଛି । ଗୃହ ମନ୍ତ୍ରାଳୟର ଏକ ଅଧିସୂଚନା ଅନୁସାରେ, ଗ୍ରାମୀଣ କ୍ଷେତ୍ରରେ ଜଳ ଯୋଗାଣ, ପରିମଳ କାର୍ଯ୍ୟ, ବିଦ୍ୟୁତ ଲାଇନ, ଟେଲିକମ ଏବଂ କେବୁଲ ଲଗାଇବାକୁ ଅନୁମତି ଦିଆଯିବ । ଏମାନେ ନିଜ ନିଜ କାମ ଆରମ୍ଭ କରିପାରିବେ । 

ଏଠାରେ କହିରଖୁଛୁ, ଗତକାଲି ସରକାର ଅନ୍ୟ କିଛି ଜିନିଷ ଉପରେ ମଧ୍ୟ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଥିଲେ । ମୋବାଇଲ ଫୋନ, ଟିଭି, ଫ୍ରିଜ୍, ଲ୍ୟାପଟପ, ପୋଷାକପତ୍ର, ଗ୍ରୋସରି, ଔଷଧ ଇତ୍ୟାଦି ଜିନିଷ ଇ-କମର୍ସ ପ୍ଲାଟଫର୍ମରୁ ଉବଲବ୍ଧ କରାଯାଇପାରେ । 

Add Zee News as a Preferred Source