• ନିର୍ବାଚନୀ ପଶାପାଲିରେ ଗେମ ଚେଞ୍ଜର ବେଣୁ !
  • ବାଲେଶ୍ୱର ଉପନିର୍ବାଚନ: ସ୍ୱାଧୀନ ପ୍ରାର୍ଥୀ ବେଣୁଧର ବାରିକଙ୍କ ପାଇଁ ପ୍ରଚାର ମୈଦାନକୁ ଓହ୍ଲାଇବେ ରାଣୀ ପଣ୍ଡା
  • ଆଜି IPLରେ ଦୁଇଟି ମ୍ୟାଚ ଖେଳାଯିବ
  • IPL 2020: ଅପରାହ୍ଣ ସାଢେ ୩ଟାରେ ଦିଲ୍ଲୀ ଓ କୋଲକାତା ମଧ୍ୟରେ ପ୍ରଥମ ମ୍ୟାଚ ଖେଳାଯିବ
  • IPL 2020: ସନ୍ଧ୍ୟା ସାଢେ ୭ଟାରେ ପଞ୍ଜାବ ହାଇଦ୍ରାବାଦ ମୁହାଁମୁହିଁ ହେବେ
  • କୋରୋନାକୁ ନେଇ ଚେତାବନୀ ଜାରି କଲା WHO
  • କାମାକ୍ଷାନଗର-ପଶ୍ଚିମାଞ୍ଚଳ ରେଞ୍ଜ ସୋଗର ଗ୍ରାମରେ ୨୨ଟିକିଆ ହାତୀ ପଲ, ବ୍ୟାପକ ଫସଲ ନଷ୍ଟ ଅଭିଯୋଗ

ଦିଲ୍ଲୀ ହାଇକୋର୍ଟରେ ଜାମିନ ଆବେଦନ କଲେ ଚିଦାମ୍ବରମ

ଆଇଏନଏକ୍ସ ମିଡିଆ ମାମଲାରେ ଖାଣ୍ଟି ହେଉଛନ୍ତି ପୂର୍ବତନ କେନ୍ଦ୍ରମନ୍ତ୍ରୀ ପି ଚିଦାମ୍ବରମ । ସିବିଆଇ ଚାଳାଇଥିବା ମାମଲାରେ ସିନା ବେଲ୍ ମିଳିଛି, ହେଲେ ଇଡି ମାମଲା ଏବେ ବି ବାକି ଅଛି ।

ଦିଲ୍ଲୀ ହାଇକୋର୍ଟରେ ଜାମିନ ଆବେଦନ କଲେ ଚିଦାମ୍ବରମ
ଫାଇଲ ଫଟୋ

ନୂଆଦିଲ୍ଲୀ: ଆଇଏନଏକ୍ସ ମିଡିଆ ମାମଲାରେ ଖାଣ୍ଟି ହେଉଛନ୍ତି ପୂର୍ବତନ କେନ୍ଦ୍ରମନ୍ତ୍ରୀ ପି ଚିଦାମ୍ବରମ । ସିବିଆଇ ଚାଳାଇଥିବା ମାମଲାରେ ସିନା ବେଲ୍ ମିଳିଛି, ହେଲେ ଇଡି ମାମଲା ଏବେ ବି ବାକି ଅଛି । ଏବେ ଇଡି ହେପାଜତରେ ଅଛନ୍ତି ପୂର୍ବତନ କେନ୍ଦ୍ରମନ୍ତ୍ରୀ । ଆସନ୍ତାକାଲି ତାଙ୍କୁ କୋର୍ଟରେ ହାଜର କରାଯିବ ।  ଆଉ ଏହା ଦିନକ ପୂର୍ବରୁ ଦିଲ୍ଲୀ ହାଇକୋର୍ଟରେ ଜାମିନ ଆବେଦନ କରିଛନ୍ତି ଚିଦାମ୍ବରମ । 

ଗତକାଲି ଅର୍ଥାତ ମଙ୍ଗଳବାର ତାଙ୍କୁ ସିବିଆଇ ଦ୍ୱାରା ରୁଜୁ ହୋଇଥିବା ମାମଲାରେ ଜାମିନ ମିଳିଥିଲା । ଦେଶର ସର୍ବୋଚ୍ଚ ନ୍ୟାୟଳୟ ତାଙ୍କୁ ସର୍ତ୍ତମୂଳକ ଜାମିନ ଦେଇଥିଲେ । ହେଲେ ଇଡି ହେପାଜତରେ ଥିବାରୁ  ତିହାର ଜେଲରୁ ବାହାରିପାରି ନାହାଁନ୍ତି ଚିଦାମ୍ବରମ । ଆସନ୍ତାକାଲି ଚିଦାମ୍ବରମଙ୍କ ହେପାଜତ ଅବଧି ସରୁଛି । ଏହା ପରେ ତାଙ୍କୁ କୋର୍ଟରେ ହାଜର କରାଯିବ । ତେବେ ତାଙ୍କୁ ଆଉ ୭ ଦିନ ପର୍ଯ୍ୟନ୍ତ ଇଡି ରିମାଣ୍ଡରେ ନେବା ପାଇଁ ଆବେଦନ କରିପାରେ । ଅନ୍ୟପଟେ ଚିଦାମ୍ବରମଙ୍କ ଜାମିନ ଆବେଦନ ଉପରେ ଗୁରୁବାର ଶୁଣାଣି ହୋଇପାରେ । 

କହିରଖୁଛୁ, ଶୁକ୍ରବାର ଆଇଏନଏକ୍ସ ମିଡିଆ ମାମଲାରେ ଚାର୍ଜସିଟ ଦାଖଲ କରିଥିଲା କେନ୍ଦ୍ରୀୟ ତଦନ୍ତକାରୀ ସଂସ୍ଥା(ସିବିଆଇ) । ସିବିଆଇ ଦାଖଲ କରିଥିବା ଏହି ଚାର୍ଜସିଟରେ ଚିଦାମ୍ବରମ ୧୦ ଲକ୍ଷ ଟଙ୍କାର ଲାଞ୍ଚ ନେଇଥିବା ଅଭିଯୋଗ ଆଣିଥିଲା । ସିବିଆଇର ସ୍ପେଶାଲ କୋର୍ଟରେ ଦାଖଲ ହୋଇଥିବା ଚାର୍ଜସିଟରେ କୁହାଯାଇଥିଲା, ଚିଦାମ୍ବରମ ୨୦୦୮ ମସିହାରେ ଏହି ଲାଞ୍ଚ ନେଇଥିଲେ । 

ସିବିଆଇ ପୂର୍ବତନ କେନ୍ଦ୍ରମନ୍ତ୍ରୀ ପି ଚିଦାମ୍ବରମ, ତାଙ୍କ ପୁଅ କାର୍ତ୍ତି ଚିଦାମ୍ବରମଙ୍କ ସମେତ ୧୫ ଜଣଙ୍କ ବିରୋଧରେ ଚାର୍ଜସିଟ ଦାଖଲ କରିଥିଲା । ଯେଉଁଥିଲେ ଚିଦାମ୍ବରମ ୯।୯୬ ଲକ୍ଷ ଟଙ୍କା ଲାଞ୍ଚ ନେଇଥିବା ଦର୍ଶାଯାଇଛି । ସୁପ୍ରିମକୋର୍ଟଙ୍କୁ ସିବିଆଇ କହିଥିଲା, ଏହି ଦୁର୍ନିତି ମାମଲାର ତଦନ୍ତ ଜାରି ରହିଛି । ଆଗକୁ ଆହୁରି କିଛି ଗୁରୁତ୍ୱପୂର୍ଣ୍ଣ ବିଷୟ ଜଣାପଡିବ । ସେହିପରି ଚିଦାମ୍ବରମ କୋର୍ଟରେ ଦର୍ଶାଇଥିଲେ, ଗତ ୪୩ ଦିନ ଜେଲରେ ରହିବା ପରେ ତାଙ୍କର ୫ କିଲୋଗ୍ରାମ ଓଜନ କମିଯାଇଛି । ଏପରିକି ୨ଥର ଦେହ ଅସୁସ୍ଥ ହୋଇଛି । 

ମଙ୍ଗଳବାର ସିବିଆଇ ମାମଲାରେ ଚିଦାମ୍ବରମଙ୍କୁ ସର୍ତ୍ତମୂଳକ ଜାମିନ ଦେଇଥିଲେ ଦେଶର ସର୍ବୋଚ୍ଚ ଅଦାଲତ । ହେଲେ ହେଲେ ଜେଲରୁ ବାହାରିବା ପାଇଁ ହେଲେ ତାଙ୍କୁ ଇଡି ମାମଲାରେ ମଧ୍ୟ ଜାମିନ ମିଳିବା ଆବଶ୍ୟକ । 

ଚିଦାମ୍ବରମ ଅର୍ଥମନ୍ତ୍ରୀ ଥିବା ସମୟରେ ଆଇଏନଏକ୍ସ ମିଡିଆକୁ ବିଦେଶ ନିବେଶ ସମ୍ବନ୍ଧନ ବୋର୍ଡ(ଏଫଆଇପିବି)ର ମଞ୍ଜୁରୀ ବେଆଇନ ଭାବେ କରାଇଥିବା ଅଭିଯୋଗ ହୋଇଥିଲା । ଏହି ମାମଲାରେ ଅଗଷ୍ଟ ୨୧ରେ ତାଙ୍କୁ ଗିରଫ କରିଥିଲା ସିବିଆଇ । ସେହି ସମୟ ଠାରୁ ନ୍ୟାୟିକ ହେପାଜତରେ ଅଛନ୍ତି ଚିଦାମ୍ବରମ ।