ଆତଙ୍କବାଦ ଦମନ ପାଇଁ ଆମେରିକା ନୀତି ଆପଣାଇବ ଭାରତ

ରାୱତଙ୍କ ଚେତାବନୀରେ ପାକ୍ ଥରହର

ଆତଙ୍କବାଦ ଦମନ ପାଇଁ ଆମେରିକା ନୀତି ଆପଣାଇବ ଭାରତ
ଫଟୋ ସୌଜନ୍ୟ: ଜୀ ମିଡିଆ

ନୂଆଦିଲ୍ଲୀ: ଆତଙ୍କବାଦ ବିରୋଧରେ ଗର୍ଜିଲେ ସିଡିଏସ ବିପିନ ରାୱତ । ରାଇସୀନା ଡାଇଲଗରେ ପାକିସ୍ତାନକୁ ଦେଲେ କଡ଼ା ଚେତାବନୀ । ଆତଙ୍କବାଦ ଶେଷ ହେବା ଦରକାର ବୋଲି କହିଛନ୍ତି ଭାରତର ଚିଫ ଡିଫେନ୍ସ ଷ୍ଟାପ୍ । ଏପରିକି ଆତଙ୍କବାଦକୁ ସମର୍ଥନ କରୁଥିବା ଦେଶ ପାକିସ୍ତାନ ଉପରେ ମଧ୍ୟ କୁଟନୈତିକ ସ୍ତରରେ କାର୍ଯ୍ୟାନୁଷ୍ଠାନ ନେବାକୁ ହେବ ବୋଲି କହିଛନ୍ତି ବିପିନ ରାୱତ । 

ବିପିନ ରାୱତ କହିଛନ୍ତି, ''୯/୧୧ ଆକ୍ରମଣ ପରେ ଆମେରିକା ଯେଉଁ ପ୍ରକାର କାର୍ଯ୍ୟାନୁଷ୍ଠାନ ନେଇଥିଲା, ତାହା ବିଶ୍ୱକୁ ଏକ ବଡ଼ ସନ୍ଦେଶ ଯାଇଥିଲା । ଏପ୍ରକାର ପଦକ୍ଷେପ ପାକିସ୍ତାନ ବିରୋଧରେ ନେବାକୁ ହେବ । ଏହା ସ୍ପଷ୍ଟ ହୋଇସାରିଛି, ପାକରୁ ହିଁ ଆତଙ୍କୀ ସଙ୍ଗଠନ ଅପରେଟ ହେଉଛି ।''

ରାୱତ ଆହୁରି ମଧ୍ୟ କହିଛନ୍ତି, ''ଆମକୁ ମଧ୍ୟ ଏପ୍ରକାର ପଦକ୍ଷେପ ନେବା ଜରୁରୀ ଅଟେ, ଯାହା ୯/୧୧ ଆକ୍ରମଣ ପରେ ଆମେରିକା ନେଇଥିଲା । ଆତଙ୍କବାଦ ବିରୋଧରେ ଏବେ ଅନ୍ତର୍ଜାତୀୟ ସ୍ତରରେ ନିର୍ଣ୍ଣାୟକ ଲଢ଼େଇ ହେବା ଦରକାର । ଦେଶରେ ସମସ୍ତଙ୍କୁ ଆତଙ୍କବାଦ ବିରୋଧରେ ଏକଜୁଟ ହେବାକୁ ହେବ । ଆତଙ୍କବାଦୀ ଶକ୍ତିକୁ କମ କରିବାକୁ ପଡ଼ିବ । ଏପରିକି ଆତଙ୍କବାଦକୁ ପ୍ରତ୍ସାହନ ଦେଉଥିବା ବ୍ୟକ୍ତି, ସଙ୍ଗଠନ ଏବେ ଦେଶ ବିରୋଧରେ କଠୋର କାର୍ଯ୍ୟାନୁଷ୍ଠାନ ନେବାକୁ ପଡ଼ିବ ।'' 

କହିରଖୁଛୁ, ରାଇସୀନା ଡାଇଲଗର ଆଜି ହେଉଛି ତୃତୀୟ ତଥା ଅନ୍ତିମ ଦିନ । 

ଆହୁରି ପଢ଼ନ୍ତୁ; ଅମିତ ଶାହ ଏବଂ ରାହୁଲ ଗାନ୍ଧୀଙ୍କୁ ନେଇ ଏମିତି ଉପଦେଶ ଦେଲେ ସଞ୍ଜୟ ରାଉତ