• ଚାଷୀ ଟ୍ରାକ୍ଟର ରାଲି: ତଦନ୍ତ ଆରମ୍ଭ କଲା ଦିଲ୍ଲୀ ପୋଲିସ
  • ବର୍ଷ ୨୦୨୧ରେ ଭାରତର ଆର୍ଥିକ ଅଭିବୃଦ୍ଧି ୧୧.୫ ପ୍ରତିଶତ ହେବ: IMF
  • ୱାର୍ଲଡ୍ ଇକୋନୋମିକ୍ ଆଉଟଲୁକ୍ ଅପଡେଟରେ ପ୍ରକାଶ ପାଇଛି, IMFର ଅନୁମାନ
  • ବର୍ଷ ୨୦୨୧ରେ ଦୁଇଅଙ୍କ ବିଶିଷ୍ଟ ଅଭିବୃଦ୍ଧି ହାସଲ କରିବାରେ ଭାରତ ବିଶ୍ୱର ଏକ ମାତ୍ର ଦେଶ
  • ବର୍ଷ ୨୦୨୧ରେ ଚାଇନାର ଆର୍ଥିକ ଅଭିବୃଦ୍ଧି ୮.୧ ପ୍ରତିଶତ ହେବ
  • ଆଜିଠାରୁ ପୁରୀ ସେବାୟତଙ୍କ କୋଭିଡ ଟେଷ୍ଟ
  • ଡାକ୍ତରଖାନାରେ ପୁଣି ଭର୍ତ୍ତି ହେଲେ ବିସିସିଆଇ ଅଧ୍ୟକ୍ଷ ସୌରଭ ଗାଙ୍ଗୁଲି । ଛାତିରେ ଯନ୍ତ୍ରଣା ହେବାରୁ ଡାକ୍ତରଖାନାରେ ଭର୍ତ୍ତି ।
  • ନିକଟରେ ସେ ଡାକ୍ତରଖାନାରୁ ସୁସ୍ଥ ହୋଇ ଫେରିଥିଲେ ।

ସମ୍ବେଦନଶୀଳ ସ୍ଥାନରେ ରହିଯାଇଥିଲା ଛୁଞ୍ଚି, ୩୦ ଦିନ ଧରି ଯନ୍ତ୍ରଣାରେ ଛଟପଟ ହେଉଥିଲା କୋମଳମତି

 ସାମ୍ନାକୁ ଆସିଛି ଚିକିତ୍ସା ଅବହେଳାରୁ ୩୦ ଦିନ ଯାଏ ଯନ୍ତ୍ରଣାରେ ଛଟପଟ ହେଉଥିବା କୋମଳମତିର ଖବର

ସମ୍ବେଦନଶୀଳ ସ୍ଥାନରେ ରହିଯାଇଥିଲା ଛୁଞ୍ଚି, ୩୦ ଦିନ ଧରି ଯନ୍ତ୍ରଣାରେ ଛଟପଟ ହେଉଥିଲା କୋମଳମତି
child suffered thirty days due to hooked up of injection in waist

ପ୍ରଜ୍ଞା ପାରମିତା ପତ୍ରୀ, ଅନୁଗୁଳ: କେତେବେଳେ ଡାକ୍ତର ନଥିବାରୁ ଡାକ୍ତରଖାନା ବାହାରେ ପ୍ରସବ କରିବା ଘଟଣା ପଦାକୁ ଆସୁଛି ତ ଆଉ କେତେବେଳେ ଭୁଲ ମେଡିସିନ ପାଇଁ ରୋଗୀ ମୃତ୍ୟୁ ଘଟଣା ପଦାକୁ ଆସି ସ୍ୱାସ୍ଥ୍ୟ ବ୍ୟବସ୍ଥାର ନଗ୍ନ ରୂପ ସାମ୍ନାକୁ ଆସୁଛି । ତେବେ ପୁଣି ଚିକିତ୍ସା ଅବହେଳାରୁ ୩୦ ଦିନ ଯାଏ କୋମଳମତିଟିଏ ଯନ୍ତ୍ରଣାରେ ଛଟପଟ ହେଉଥିବା ଖବର ସାମ୍ନାକୁ ଆସିଛି । ଅନୁଗୁଳ ମାଧପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପ୍ରାୟ ୩୦ ଦିନ ତଳେ ଆଠମଲ୍ଲିକ ମୋହନ ଖଳି ବାସିନ୍ଦା ସୀତାକାନ୍ତ ପଣ୍ଡା ତାଙ୍କର ଅଢେଇ ବର୍ଷର ପୁଅ ସ୍ୱୟଂଜିତ ପଣ୍ଡାକୁ ସ୍ୱାସ୍ଥ୍ୟ କେନ୍ଦ୍ରକୁ ଦେଖାଇବାକୁ ନେଇଥିଲେ । ଥଣ୍ଡା-କାଶ ଭଲ ହେବା ପାଇଁ ଷ୍ଟାଫ ନର୍ସ ସ୍ୱୟଂଜିତ ପଣ୍ଡାକୁ ଅଣ୍ଟାରେ ଇଜେକ୍ସନ ଦେଇଥିଲେ  ଆଉ ଅଜାଣତରେ ଏହି ଇଂଜେକସନ ଦେବାବେଳେ ଅଣ୍ଟାରେ ରହିଯାଇଥିଲା ଛୁଞ୍ଚି ।କିନ୍ତୁ ଦୁର୍ଭାଗ୍ୟର ବିଷୟ ସେତେବେଳେ ନର୍ସ କିମ୍ବା ପରିବାର ଲୋକେ କେହି କିଛି ଜାଣିପାରିନଥିଲେ ।

ତେବେ ଶିଶୁକୁ ପ୍ରତିଦିନ ଯନ୍ତ୍ରଣା ହେଉଥିବାରୁ ଯନ୍ତ୍ରଣାର କାରଣ ଖୋଜାଖୋଜି କରିବା ପରେ ସମ୍ବେଦନଶୀଳ ସ୍ଥାନରେ ଛୁଞ୍ଚି ଅଧା ବାହାରି ରହିଥିବା ପରିବାର ଲୋକେ ଦେଖିବାକୁ ପାଇଥିଲେ । ଛୁଞ୍ଚି ଦେଖି ତୁରନ୍ତ ମାଧପୁର ମେଡିକାଲକୁ ଶିଶୁଟିକୁ ଅଣାଯାଇଥିଲା । ଶିଶୁକୁ ଅନୁଗୁଳ ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯିବା ପରେ ଇଞ୍ଜେକସନ କଢାଯାଇଥିଲା ।

ଶିଶୁର ସମ୍ୱେଦନଶୀଳ ସ୍ଥାନରେ ଛୁଞ୍ଚି ରହିବା ଘଟଣାରେ ଅନୁଗୁଳ ମୁଖ୍ୟ ଚିକିତ୍ସା ଅଧିକାରୀ ଅମେରେର୍ନ୍ଦ୍ର ମହାନ୍ତି ଆଠମଲ୍ଲିକ SDMOଙ୍କୁ ତଦନ୍ତ ନିର୍ଦ୍ଦେଶ ଦେଇଛନ୍ତି । ଏବଂ କହିଛନ୍ତି ଚିକିତ୍ସାରେ ତ୍ରୁଟି ଥିଲେ ଦୃଢ କାର୍ଯ୍ୟୁନୁଷ୍ଠାନ ନିଆଯିବ ସହିତ ଶିଶୁର ସମସ୍ତ ଚିକିତ୍ସା ମାଗଣାରେ କରାଯିବା । ତେବେ ନର୍ସ ପୂର୍ଣ୍ଣମ ହାସଂଦା ଇଂଜକ୍ସନ୍ ଦେଇଥିବା ଅଭିଯୋଗ ହୋଇଥିଲା ।