 "କୋରୋନା ଭାଇରସ ପ୍ରସ୍ତୁତି ପାଇଁ ଭାରତରେ ବି ଗବେଷଣା କରିଥିଲା ଚୀନ")
ନୂଆଦିଲ୍ଲୀ: କୋରୋନା ଭାଇରସକୁ ନେଇ ନୂଆ ନୂଆ ତଥ୍ୟ ସାମ୍ନାକୁ ଆସୁଚି । ସନ୍ଦେହ କରାଯାଉଛି ଯେ ଭାରତର ନାଗାଲାଣ୍ଡର ଏକ ଜନଜାତି ଏବଂ ବାଦୁଡ଼ି ମାନଙ୍କ ଉପରେ ଅନୁସନ୍ଧାନ କରାଯାଇଥିଲା ଯାହା ଆଧାରରେ କୋରୋନା ଜୀବାଣୁ ବିକଶିତ । ତଥ୍ୟ ଅନୁଯାଇ ଭାରତ ମାଟିରେ ହିଁ କୋରୋନା ଭାଇରସ ପ୍ରସ୍ତୁତି ପାଇଁ ପ୍ରକ୍ରିୟା ଆରମ୍ଭ ହୋଇଥିଲା । ଏହି ପ୍ରକ୍ରିୟାରେ ଚୀନ ସହିତ, ଆମେରିକା ଓ ଭାରତର କେତେକ ବୈଜ୍ଞାନିକ ମଧ୍ୟ ସାମିଲ ଥିଲେ । ଏହା ବି କୁହାଯାଉଛି ଚୀନର ବୈଜ୍ଞାନିକମାନେ ଚକ୍ରାନ୍ତ କରି, ଭାରତୀୟ ବୈଜ୍ଞାନିକଙ୍କୁ ଭ୍ରମରେ ରଖି ନମୁନା ସଂଗ୍ରହ କରିଥିଲେ ।
ନାଗାଲାଣ୍ଡରେ ହୋଇଥିଲା ଗୁପ୍ତ ଅନୁସନ୍ଧାନ:
ତଥ୍ୟ ଅନୁଯାଇ ଭାରତର ଉତ୍ତର ପୂର୍ବ ରାଜ୍ୟ ନାଗଲାଣ୍ଡର କିଫିରେ ଜିଲ୍ଲାରେ ଥିବା ମିମି ଗାଁରେ ଗୁପ୍ତଭାବେ ଅନୁସନ୍ଧାନ କରିଥିଲେ ଚୀନର କେତେକ ବୈଜ୍ଞାନିକ ।
ଏହି ଅଞ୍ଚଳରେ ଥିବା ୧୮ରରୁ ୫୦ ବର୍ଷ ବିତରେ ୮୫ ଜଣଙ୍କ ଲୋକଙ୍କ ଉପରେ ପରୀକ୍ଷଣ କରାଯାଇଥିଲା । ନାଗାଲାଣ୍ଡର ଏହି ଗାଁରେ ଅତ୍ୟନ୍ତ ଗୁପ୍ତ ଉପାୟରେ ଏହି ଅନୁସନ୍ଧାନ କରାଯାଇଥିଲା । ଆଉ ଭାରତୀୟ ବୈଜ୍ଞାନିକଙ୍କୁ ଭ୍ରମରେ ରଖି ଏହାର ଉଦ୍ଦ୍ୟେଶ୍ୟ କିଛି ଅଲଗା ବୋଲି କୁହାଯାଇଥିଲା । କୁହାଯାଇଥିଲା ଯେ ମଣିଷର ରୋଗ ପ୍ରତିରୋଧକ ଶକ୍ତି ଜୀବାଣୁ ସହିତ ଲଢିବା ପାଇଁ, ବାଦୁଡ଼ିଙ୍କୁ ତୁଳନାରେ ବିକଶିତ ହୋଇପାରିବ କି ନାହିଁ, ସେ
ଦିଗରେ ଅନୁସନ୍ଧାନ କରାଯାଉଛି ।
ନାଗାଲାଣ୍ଡର ମିମି ଗାଁକୁ ଚୟନ କରାଯିବାର କାରଣ:
କଥାହେଉଛି ଯେ ନାଗାଲାଣ୍ଡର ମିମି ଗାଁ ଚୀନ ସୀମାର ଅତି ନିକଟତର । ଏହି ଅଞ୍ଚଳରେ ଥିବା ଜଙ୍ଗଲ ମାନଙ୍କରେ କେତକ ଆଦିବାସି ବସବାସ କରନ୍ତି, ଯେଉଁମାନେ ବାଦୁଡ଼ି ଶିକାର କରି ଖାଆନ୍ତି । ଏମିତି ବି କୁହାଯାଏ କି ସେହି ଆଦିବାସି ମାନଙ୍କର ରୋଗପ୍ରତିରୋଧକ ଶକ୍ତି ବାଦୁଡ଼ି ମାନଙ୍କ ରୋଗପ୍ରତିରୋଧକ ଶକ୍ତି ପରି ଭାରରସ ମାନଙ୍କ ଲହ ଲଢ଼ିବା ପାଇଁ ବହୁତ ଶକ୍ତିଶାଳୀ । ଏହି କାରଣରୁ ଚାଇନା ମିମି ଗାଁରେ ଗବେଷଣା କରିବାକୁ ନିଷ୍ପତ୍ତି ନେଇଥିଲା । ତେଣୁ ଆମେରିକା ଏବଂ ଭାରତର କିଛି ବୈଜ୍ଞାନିକଙ୍କୁ ଏକାଠି କରି ଏହି ଅନୁସନ୍ଧାନର ଉଦ୍ଦେଶ୍ୟ କିଛି ଅଲଗା ବୋଲି କହିଥିଲେ ଚୀନର ବୈଜ୍ଞାନିକ ମାନେ । କହିଥିଲେ ଯେ ଏହି ଅନୁସନ୍ଧାନ ଦ୍ୱାରା ବିପଜ୍ଜନକ ଜୀବାଣୁ ମୁକାବିଲା କରିବାର କୌଶଳ ବିକାଶ କରାଯାଇପାରିବ।
ଆମେରିକାର ପ୍ରତିରକ୍ଷା ମନ୍ତ୍ରଣାଳୟ କରିଥିଲା ଅର୍ଥ ପ୍ରଦାନ:
ସୂଚନା ଅନୁଯାୟୀ ଚୀନ୍ ଏହି କାର୍ଯ୍ୟ ପାଇଁ ଢେର ଆଗରୁ ଏକ ମାଷ୍ଟର ପ୍ଲାନ କରିଥିଲା । ଚୀନ ଉପରେ ଯେମିତି କେହି ସନ୍ଦେହ ନକରନ୍ତୁ, ସେଥିପାଇଁ ଏହି ଅନୁସନ୍ଧାନରେ ଚତୁରତାର ସହ ଆମେରିକା ଏବଂ ସିଙ୍ଗାପୁରର ବୈଜ୍ଞାନିକମାନଙ୍କୁ ମଧ୍ୟ ଅନ୍ତର୍ଭୁକ୍ତ କରିଥିଲେ । କେବଳ ଏତିକି ନୁହେଁ ଆମେରିକାର ପ୍ରତିରକ୍ଷା ମନ୍ତ୍ରଣାଳୟର ପ୍ରତିରକ୍ଷା ଧମକ ହ୍ରାସ ଏଜେନ୍ସି ବା DTRAର ପାଣ୍ଠି ମଧ୍ୟ ଏହି କାର୍ଯ୍ୟରେ ବ୍ୟବହୃତ ହୋଇଥିଲା।
ଏହାକୁ ନେଇ ଦେଶ ବିଦେଶର ଥିବା କେତେକ ୱବସାଇଟରେ ବିଭିନ୍ନ ତଥ୍ୟ ପ୍ରକାଶ ପାଉଛି ଯାହାକୁ ଆମେ ତନ୍ନ ତନ୍ନ କରି ଅନୁଧ୍ୟାନ କରିବା ପରେ ହିଁ ଏଭଳି ତଥ୍ୟ ଆପଣଙ୍କ ସାମ୍ନାରେ କଖୁଛୁ । ଆରମ୍ଭରୁ ଭାରତ ପ୍ରତି ଚୀନ୍ର ଉଦ୍ଦେଶ୍ୟ ଖରାପ ରହିଆସିଛି, ଏଥର ମଧ୍ୟ ଚୀନର କୁଚକ୍ରାନ୍ତ ଓ ମନ୍ଦ ଉଦ୍ଦେଶ୍ୟର ଶିକାର ହୋଇଛନ୍ତି ଭାରତର କେତେକ ବୈଜ୍ଞାନିକ ।
)