ବିଶାଖାପାଟନମରେ ନୌସେନା ଦିବସର ପୂର୍ବ ସନ୍ଧ୍ୟାରେ ମଙ୍ଗଳବାର ନୌସେନାର ଇଷ୍ଟନ ନେଭଲ କମାଣ୍ଡ ରିହର୍ସଲ କରିବା ସହ ନିଜ ଦମଖମ ଦେଖାଇଥିଲା । ନୌସେନାର ଏହି ରିହର୍ସଲରେ ସମୁଦ୍ରର ପ୍ରହରୀମାନେ ଏପରି ଶକ୍ତି ପ୍ରଦର୍ଶନ କରିଥିଲେ ଯେ ହିନ୍ଦୁସ୍ତାନର ଛାତି ଗର୍ବରେ ଚଉଡ଼ା ହୋଇଯାଇଛି ।
Trending Photos
ନୂଆଦିଲ୍ଲୀ: ପ୍ରତିବର୍ଷ ଭାରତରେ ଡିସେମ୍ୱର ୪ରେ ନୌସେନା ଦିବସ ପାଳନ କରାଯାଇଥାଏ । ଏହି ଅବସରରେ ଦେଶବାସୀ ନୌସେନାର ବୀରଙ୍କୁ ମନେ ପକାନ୍ତି । ସମୁଦ୍ର ସୀମାରେ ରକ୍ଷା କରିଥିବା ବେଳେ ସର୍ବୋଚ୍ଚ ବଳିଦାନ ଦେଇଥିବା ନିଜ ବୀରପୁତଙ୍କୁ ମନେ ପକାଉଛି ସମଗ୍ର ଦେଶ । ଏହି ଅବସରରେ ବୁଧବାର ନୌସେନା ପ୍ରମୁଖ ଏଡମିରାଲ କରମବୀର ସିଂହ ଦିଲ୍ଲୀ ସ୍ଥିତ ୱାର ମେମୋରିୟଲ ପହଞ୍ଚି ଯବାନଙ୍କ ବୀରତ୍ୱକୁ ସଲାମ କରିବା ସହ ସେମାନଙ୍କୁ ମାଲ୍ୟାପର୍ଣ କରିଛନ୍ତି । ଏହାପରେ ନୌସେନାର ଯବାନମାନେ ବୀରତ୍ୱର ପ୍ରଦର୍ଶନ କରିଛନ୍ତି ।
ବିଶାଖାପାଟନମରେ ନୌସେନା ଦିବସର ପୂର୍ବ ସନ୍ଧ୍ୟାରେ ମଙ୍ଗଳବାର ନୌସେନାର ଇଷ୍ଟନ ନେଭଲ କମାଣ୍ଡ ରିହର୍ସଲ କରିବା ସହ ନିଜ ଦମଖମ ଦେଖାଇଥିଲା । ନୌସେନାର ଏହି ରିହର୍ସଲରେ ସମୁଦ୍ରର ପ୍ରହରୀମାନେ ଏପରି ଶକ୍ତି ପ୍ରଦର୍ଶନ କରିଥିଲେ ଯେ ହିନ୍ଦୁସ୍ତାନର ଛାତି ଗର୍ବରେ ଚଉଡ଼ା ହୋଇଯାଇଛି ।
On Navy Day, we salute our courageous navy personnel. Their valuable service and sacrifice have made our nation stronger and safer. pic.twitter.com/AVe6rMIZkF
— Narendra Modi (@narendramodi) December 4, 2019
ନୌସେନା ଦିବସ ଉପଲକ୍ଷେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି । ପିଏମ ମୋଦି ଟ୍ୱିଟ କରି ଏକ ଭିଡିଓ ସେୟାର କରିଛନ୍ତି । ସେ ଲେଖିଛନ୍ତି ଯେ ନୌସେନା ଦିବସ ଅବସରରେ ଆମର ସାହସୀ ନୌସେନା କର୍ମଚାରୀଙ୍କୁ ସଲାମ କରୁଛି । ସେମାନଙ୍କ ବହୁମୂଲ୍ୟ ସେବା ଓ ବଳିଦାନ ଆମର ରାଷ୍ଟ୍ରକୁ ଅଧିକ ମଜଭୁତ ଓ ସୁରକ୍ଷିତ କରିଛି ।
शं नो वरूण:
नौसेना दिवस के अवसर पर सभी भारतीय नौसैनिकों एवं उनके परिवार को हार्दिक शुभकामनाएँ! @indiannavy pic.twitter.com/GD9x7YmeG1
— Rajnath Singh (@rajnathsingh) December 4, 2019
ପିଏମ ମୋଦିଙ୍କ ବ୍ୟତୀତ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ମନ୍ତ୍ରୀ ଟ୍ୱିଟ କରି ଦେଶବାସୀଙ୍କୁ ନୌସେନା ଦିବସର ଶୁଭେଚ୍ଛା ଜଣାଇଛନ୍ତି । ସେ ଲେଖିଛନ୍ତି ଯେ ନୌସେନା ଦିବସ ଅବସରରେ ଭାରତୀୟ ନୌସେନାର ଯବାନ ଓ ସେମାନଙ୍କ ପରିବାରଙ୍କୁ ହାର୍ଦ୍ଦିକ ଶୁଭେଚ୍ଛା ଜଣାଉଛି । ଦେଶକୁ ନୌସେନା ଉପରେ ଅତୁଟ ବିଶ୍ୱାସ ଓ ଗର୍ବ ରହିଛି । ଏହା ଭାରତର ସମୁଦ୍ର ଶକ୍ତିର ପ୍ରତୀକ । ଆମେ ସେମାନଙ୍କ ଅଦମ୍ୟ ସାହସ ଓ ବୀରତ୍ୱକୁ ସଲାମ କରୁଛୁ ।
ସୈନ୍ୟ ଶକ୍ତି ମାମଲାରେ ଭାରତୀୟ ନୌସେନା ୧୩୭ ଦେଶର ତାଲିକାରେ ଚତୁର୍ଥ ସ୍ଥାନରେ ଅଛି । ସେହିପରି ପାକିସ୍ତାନ ଏହି ତାଲିକାରେ ୧୫ତମ ସ୍ଥାନରେ ରହିଛି । ଭାରତୀୟ ନୌସେନା ପ୍ରମୁଖ ଏଡମିରାଲ କରମବୀର ସିଂହ କହିଛନ୍ତି ଯେ ଭାରତ ହିନ୍ଦ ମହାସାଗରରେ କ୍ଷେତ୍ରରେ ଚୀନର ବୃଦ୍ଧି ପାଉଥିବା ଉପସ୍ଥିତି ଉପରେ ନଜର ରଖି ଆସୁଛି । ଭାରତ ଯେ କୌଣସି ପରିସ୍ଥିତି ସହ ମୁକାବିଲା କରିବାରେ ସକ୍ଷମ ରହିଛି ।