ଏଭରେଷ୍ଟକୁ ନେଇ ତେଜୁଛି ରାଜନୀତି, ପଦାରେ ପଡ଼ିଲା ଚୀନର ଆଉ ଏକ କାରନାମା

ମାଉଣ୍ଟ ଏଭରେଷ୍ଟ ଉପରେ ଚୀନର ନଜର...

ନୂଆଦିଲ୍ଲୀ: ମୁଣ୍ଡ ବିନ୍ଧାଉଛି ଚୀନ। କୋରୋନା ଭାଇରସ ପରେ ବିଶ୍ୱର ସର୍ବୋଚ୍ଚ ଶୃଙ୍ଗ ମାଉଣ୍ଟ ଏଭରେଷ୍ଟକୁ ନେଇ ଏବେ ବିଶ୍ୱ ରାଜନୀତିରେ ରାଜନୈତି ସୃଷ୍ଟି ହେବାରେ ଲାଗିଛି। ଏହି ଝଡ଼ ସେତେବେଳେ ସୃଷ୍ଟି ହେଲା, ଯେତେବେଳେ ମାଉଣ୍ଟ ଏଭରେଷ୍ଟକୁ ଚୀନ ତାର କହିଥିଲା। ତେବେ ସରକାରୀ ସ୍ତରରେ କୌଣସି ସୂଚନା ରହିନଥିଲେ ମଧ୍ୟ ସରକାରୀ ଗଣମାଧ୍ୟମରେ ପରିଗଣିତ ହେଉଥିବା ଚୀନର ସିଜିଟିଏନ ତାର ଏକ ଆଲେଖ୍ୟରେ ପ୍ରକାଶ କରିଥିଲା। ସେପଟେ ଏହି ଖବର ସାମ୍ନାକୁ ଆସିବା ପରେ ନେପାଳ ବାସିନ୍ଦାଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇବାରେ ଲାଗିଛି। 

ସମଗ୍ର ବିଶ୍ୱରେ କୋରୋନା ଭାଇରସକୁ ପ୍ରସାରିତ କରିବା ପରେ ଏବେ ବୈଶ୍ୱିକ ଅର୍ଥ ବ୍ୟବସ୍ଥା ଉପରେ ଆକ୍ରମଣ ଆରମ୍ଭ କରିଥିଲା ଚୀନ। ମାତ୍ର ନେପାଳରେ ରହିଥିବା ମାଉଣ୍ଟ ଏଭରେଷ୍ଟକୁ ଗଣମାଧ୍ୟମ ଜରିଆରେ ନିଜର କହିବା ଆରମ୍ଭ କରି କଡ଼ା ସମାଲୋଚନାର ଶିକାର ହୋଇଛି ଚୀନ। କେବଳ ମାଉଣ୍ଟ ଏଭରେଷ୍ଟକୁ ନେଇ ନୁହେଁ, ପୂର୍ବରୁ ମଧ୍ୟ ନେପାଳ ଓ ଚୀନ ମଧ୍ୟରେ ଅନ୍ତର୍ଜାତୀୟ ସୀମାକୁ ନେଇ ବିବାଦ ଲାଗି ରହିଛି। ତେବେ ଏହାକୁ ବାଦ ଦେଲେ ଚୀନ ଉପରେ ସମ୍ପୂର୍ଣ୍ଣ ନିର୍ଭରଶୀଳ ହୋଇ ପଡ଼ିଛି ନେପାଳ। 

ନିକଟରେ ସିଜିଟିଏନ ତାର ଏକ ଆଲେଖ୍ୟରେ ଉପସ୍ଥାପନ କରିଥିଲା କି ମାଉଣ୍ଟ ଏଭରେଷ୍ଟ ଚୀନର। ଏହି ଖବର ସାମ୍ନାକୁ ଆସିବା ପରେ ନେପାଳବାସୀ ଉଭୟ ଚୀନ ଓ ନେପାଳକୁ କଡ଼ା ସମାଲୋଟନା କରିଛନ୍ତି। ସେପଟେ ଭାରତକୁ ଜୋରଦାର ସମର୍ଥନ କରିଛନ୍ତି ନେପାଳବାସୀ। ଏପରିକି ଚୀନ ରାଜଦୁତଙ୍କ କାର୍ଯ୍ୟାଳୟ ସାମ୍ନାରେ ମଧ୍ୟ ଆନ୍ଦୋଳନ କରିଥିବା ଦେଖିବାକୁ ମିଳିଛି। ଏହା ସହିତ ବ୍ଲାକଅଫଚୀନ(#blackofchina)ନାମରେ ଏକ ଆନ୍ଦୋଳନ ଆରମ୍ଭ କରିଛନ୍ତି। ଟ୍ୱିଟର ମାଧ୍ୟମରେ ସରକାରଙ୍କୁ କଡ଼ା ସମାଲୋଚନା କରୁଛନ୍ତି ନେପାଳ ବାସିନ୍ଦା। ଜଣେ ଟ୍ୱିଟର ହ୍ୟାଣ୍ଡେଲକାରୀ ଲେଖିଛନ୍ତି କି, ମାଉଣ୍ଟ ଏଭରେଷ୍ଟ ନେପାଳର ଥିଲା, ଆଉ ସବୁଦିନ ପାଇଁ ମଧ୍ୟ ରହିବ। ଏହା ନେପାଳର ଗୌରବ ବୋଲି ସେ ଉଲ୍ଲେଖ କରିଥିଲେ। ଆଉ କିଛି ଟ୍ୱିଟର ୟୁଜର ଚୀନ ସରକାରଙ୍କ ଏକ ମିମି ମଧ୍ୟ ପ୍ରସ୍ତୁତ କରି ନେପାଳ ସରକାରଙ୍କ ସହିତ ସେୟାର କରିଛନ୍ତି। କାଠମାଣ୍ଡୁର ଜଣେ ୟୁଜର ଲେଖିଛନ୍ତି କି, ଡିୟର ସିଜିଟିଏନ ମାଉଣ୍ଟ ଏଭରେଷ୍ଟ ନେପାଳରେ ରହିଛି। ଚୀନ କି ତିବତ୍ତରେ ନୁହେଁ, ଟିଆରପି ବଢାଇବା ଲକ୍ଷରେ ଏଭଳି ଫେକ ନ୍ୟୁଜ ପ୍ରସାରଣ କରିବା ବନ୍ଦ କରନ୍ତୁ। 

ସେହିପରି କାଠମାଣ୍ଡୁ ପୋଷ୍ଟର ପୂର୍ବତନ ସମ୍ପାଦକ ଅନୁପ କପଲେ ମଧ୍ୟ ଚୀନକୁ ବେଶ କଡ଼ା ଭାଷାରେ କଟାକ୍ଷ କରିଛନ୍ତି। ସେ ତାଙ୍କ ଟ୍ୱିଟର ହ୍ୟାଣ୍ଡେଲରେ ଲେଖିଛନ୍ତି କି, ଚୀନର ତିବ୍ବତରେ ଥିବା ଏଭରେଷ୍ଟ ବିଶ୍ୱର ସବୁଠାରୁ ଉଚ୍ଚତମ ଶୃଙ୍ଗ। ପିଲାଦିନରୁ ଆମକୁ ଶିଖାଯାଇଛି ଯେ, ଏହା ନେପାଳର, କିନ୍ତୁ ଏହା ବର୍ତ୍ତମାନ ଚୀନର ବୋଲି ସ୍ଥାନୀୟ ଗଣମାଧ୍ୟମ ସିଜିଟିଏନ କହିଛି। ଏହି ତଥ୍ୟ ପାଇଁ ସିଜିଟିଏନକୁ ଧନ୍ୟବାଦ ବୋଲି ଅନୁପ ତାଙ୍କ ଟ୍ୱିଟରରେ କହିଛନ୍ତି। 

ତେବେ ଏହା ପୂର୍ବରୁ ମଧ୍ୟ ଚୀନକୁ ନେଇ ନେପାଳ ବାସିନ୍ଦା ଅସନ୍ତୋଷ ଜାହିର କରିସାରିଛନ୍ତି। କିଛି ଦିନ ପୂର୍ବରୁ ନେପାଳରେ କୋରୋନା ସଂକ୍ରମଣ ରୋକିବାକୁ ପ୍ରୟାସ କରିଥିଲେ। ଏହି ସମୟରେ ଲକଡାଉନ ନେପାଳ ସରକାର ଜାରି କରିଥିଲେ। ମାତ୍ର ଏହି ଲକଡାଉନ ସମୟରେ ଚୀନ ନାଗରିକମାନେ ଲକଡାଉନ ନିୟମ ଉଲ୍ଲଂଘନ କରୁଥିବା ଦେଖିବାକୁ ମିଳିଥିଲା। ଏହାକୁ ନେଇ ମଧ୍ୟ ନେପାଳ ବାସିନ୍ଦା ଅସନ୍ତୋଷ ପ୍ରକାଶ କରିଥିଲେ। ଏପରିକି ଚୀନ ନାଗରିକଙ୍କ ସହିତ ହାତାହାତି ମଧ୍ୟ ହୋଇଥିବା ନେପାଳ ବାସିନ୍ଦା। ନେପାଳ ବାସିନ୍ଦା ଗୋ-ବ୍ୟାକ ଚୀନ ବୋଲି ନାରା ଦେଇଥିଲେ। 

ଏହାପରେ ନେପାଳ ବାସିନ୍ଦା ଚୀନ ରାଷ୍ଟ୍ରପତି ଜିନପିଙ୍ଗକୁ ମଧ୍ୟ ଖୋଲାଖୋଲି ବିରୋଧ କରିଆସୁଛନ୍ତି। ଏହି ବିରୋଧ ନେପାଳର ବିଭିନ୍ନ ସହରରେ ଦେଖାଦେଇଥିଲା। ନେପାଳର ସପ୍ତରୀ, ବରଦିଆ ଓ କପିଳବସ୍ତୁ ଭଳି ଜିଲ୍ଲାରେ ଏହି ଆନ୍ଦୋଳନ ଗୁରୁତର ରୂପ ନେଇଥିଲା। ଏପରିକି ଚୀନର ରାଷ୍ଟ୍ରପତି ଜିନପିଙ୍ଗଙ୍କ କୁଶପୁତ୍ତଳିକା ଦାହ କରିଥିଲେ। 

ନେପାଳ ବାସିନ୍ଦା ଚୀନ କମ୍ପାନୀ ହୁଓ୍ୱାଓ୍ୱେ ଉପରେ ମଧ୍ୟ ଅଭିଯୋଗ ଆଣିଥିଲେ। ଏହି କମ୍ପାନୀଟି ପାଖାପାଖି ୨୦୦ ଓ୍ୱେବସାଇଟକୁ ହ୍ୟାକ କରିଥିବା ନେଇ ସୂଚନା ରହିଥିଲା। ମାତ୍ର ନେପାଳବାସୀ ହୁଓ୍ୱାଓ୍ୱେ ବିରୋଧରେ ନାରାବାଜୀ କରିବା ସହିତ ମାମଲା ମଧ୍ୟ ରୁଜୁ କରିଥିବା ଦେଖିବାକୁ ମିଳିଥିଲା। କେବଳ ଏତିକି ନୁହେଁ, ନେପାଳ ବିରୋଧରେ ବ୍ୟାଙ୍କରେ ଅନଲାଇନ ଫ୍ରଡ଼ ପାଇଁ ମଧ୍ୟ ନେପାଳବାସୀ ଚୀନକୁ ସମାଲୋଚନା କରିସାରିଛନ୍ତି। 

ଚୀନ ବିରୋଧରେ ନେପାଳର ମହିଳାମାନେ ଏକ ଗୁରୁତର ଅଭିଯୋଗ ମଧ୍ୟ ଆଣିଛନ୍ତି। ଚୀନ ନାଗରିକମାନେ ନେପାଳ ମହିଳାମାନଙ୍କୁ ବାରମ୍ବାର ଅସଦାଚରଣ କରୁଥିବା ଅଭିଯୋଗ କରିଛନ୍ତି। ଗତବର୍ଷ ସେପ୍ଟେମ୍ବର ମାସରେ ଚୀନର ବୈଦେଶିକ ମନ୍ତ୍ରୀ ନେପାଳ ଗସ୍ତରେ ଆସିଥିବା ସମୟରେ ୧୫ ନେପାଳି ମହିଳା ଚୀନର ବୈଦେଶିକ ମନ୍ତ୍ରଣାଳୟ ସମ୍ମୁଖରେ ଆନ୍ଦୋଳନ କରୁଥିବା ଦେଖିବାକୁ ମିଳିଥିଲେ।