• ଆଜି ରାଜ୍ୟରେ ହେବନି କୋରୋନା ଟିକାକରଣ
  • ରାଜ୍ୟର ୮୫% କୋଭିଡ ଯୋଦ୍ଧା ନେଲେ କୋରୋନା ଟିକା
  • ଚିଲିକା, ଗହୀରମଥା ଓ ଭିତରକନିକାରେ ଆଜିଠାରୁ ଡଲଫିନ ଗଣନା
  • ଭୁବନେଶ୍ୱରସ୍ଥିତ ୫ଟି ସ୍କୁଲ ବୁଲିଲେ 5T ସଚିବ ଭି.କେ.ପାଣ୍ଡିଆନ
  • ସୁନ୍ଦରଗଡ଼ ବାହିୟାମ ଗାଁରେ ମାଆର ତଣ୍ଟି କାଟିଲା ପୁଅ
  • ବିଶ୍ବରେ କୋରୋନା ମୃତ୍ୟୁ ସଂଖ୍ୟା ୨୦.୨୯ ଲକ୍ଷକୁ ବୃଦ୍ଧି
  • ଜାମ୍ମୁ ଓ କାଶ୍ମୀରର କାଟ୍ରାରେ ୪.୧ ତୀବ୍ରତାର ଭୂମିକମ୍ପ ଅନୁଭୂତ
  • ଆସନ୍ତାକାଲି ଖୋଲିବ ଘଟଗାଁ ତାରିଣୀ ମନ୍ଦିର
  • ସମ୍ବଲପୁରରେ ନକଲି ସର୍ଫ କାରଖାନା ଠାବ
  • ମନବଦଳାଇଲା ହ୍ୱାଟସଆପ୍, ମେ' ୧୫ ପର୍ଯ୍ୟନ୍ତ ପ୍ରାଇଭେସି ପଲିସିରେ ଲାଗିଲା ରୋକ୍

ପଦ୍ମ ଧରୁ ଧରୁ ପ୍ରାର୍ଥୀ ହେଲେ, ଦଳୀୟ ନେତା ବିଦ୍ରୋହ କଲେ...

ନିର୍ବାଚନ ଲଢିବା ନେଇ ୧୭ ଅଯୋଗ୍ୟ ଘୋଷିତ ବିଧାୟକଙ୍କୁ ସୁପ୍ରିମକୋର୍ଟଙ୍କ ଗ୍ରୀନ ସିଗନାଲ ପରେ ସରଗରମ କର୍ଣ୍ଣାଟକ ରାଜନୀତି । ଏମାନେ ଆଜି ପଦ୍ମ ପୋଖରୀକୁ ଡେଇଛନ୍ତି । ଆଉ ଡେଉଁ ଡେଉଁ ୧୩ ଜଣଙ୍କୁ ଟିକେଟ ଦେଇଛି ଗେରୁଆ ଦଳ । ହେଲେ ଦଳର ଏହି ନିଷ୍ପତ୍ତିକୁ ଗ୍ରହଣ କରିପାରିନାହାଁନ୍ତି ପୁରୁଣା ନେତାଏ । ଦଳ ଭିତରୁ କିଛି ନେତା ବିଦ୍ରୋହ କରିଦେବା ଆରମ୍ଭ କରିଦେଲେଣି । 

ପଦ୍ମ ଧରୁ ଧରୁ ପ୍ରାର୍ଥୀ ହେଲେ, ଦଳୀୟ ନେତା ବିଦ୍ରୋହ କଲେ...
ଫଟୋ ସୌଜନ୍ୟ: ଏଏନଆଇ

ନୂଆଦିଲ୍ଲୀ: ନିର୍ବାଚନ ଲଢିବା ନେଇ ୧୭ ଅଯୋଗ୍ୟ ଘୋଷିତ ବିଧାୟକଙ୍କୁ ସୁପ୍ରିମକୋର୍ଟଙ୍କ ଗ୍ରୀନ ସିଗନାଲ ପରେ ସରଗରମ କର୍ଣ୍ଣାଟକ ରାଜନୀତି । ଏମାନେ ଆଜି ପଦ୍ମ ପୋଖରୀକୁ ଡେଇଛନ୍ତି । ଆଉ ଡେଉଁ ଡେଉଁ ୧୩ ଜଣଙ୍କୁ ଟିକେଟ ଦେଇଛି ଗେରୁଆ ଦଳ । ହେଲେ ଦଳର ଏହି ନିଷ୍ପତ୍ତିକୁ ଗ୍ରହଣ କରିପାରିନାହାଁନ୍ତି ପୁରୁଣା ନେତାଏ । ଦଳ ଭିତରୁ କିଛି ନେତା ବିଦ୍ରୋହ କରିଦେବା ଆରମ୍ଭ କରିଦେଲେଣି । 

ଆଜି ବେଙ୍ଗାଲୁରୁରେ ମୁଖ୍ୟମନ୍ତ୍ରୀ ବିଏସ ୟେଦୁରପ୍ପା ଏବଂ କର୍ଣ୍ଣାଟକ ବିଜେପି ସଭାପତିଙ୍କ ଉପସ୍ଥିତିରେ ସମସ୍ତ ୧୭ ଅଯୋଗ୍ୟ ଘୋଷିତ ବିଧାୟକ ପଦ୍ମ ଧରିଥିଲେ । ଆଉ ଏହାର କିଛି ସମୟ ପରେ ଦଳ ପକ୍ଷରୁ ୧୩ ଅଯୋଗ୍ୟ ଘୋଷିତ ବିଧାୟକଙ୍କୁ ପ୍ରାର୍ଥୀ ଘୋଷଣା କରିଛି । ଆସନ୍ତା ଡିସେମ୍ବର ୫ରେ କର୍ଣ୍ଣାଟକର ୧୫ ବିଧାନସଭା ଆସନରେ ଉପନିର୍ବାଚନ ହେବ । ତେବେ ଏହି ଉପନିର୍ବାଚନରେ ପ୍ରାର୍ଥୀ ହେବାକୁ ଆଶାୟୀ ଥିବା କିଛି ଦଳୀୟ ନେତା ଏକଥାକୁ ସହଜରେ ହଜମ କରିପାରିନାହାଁନ୍ତି । 

karnataka politics

କଂଗ୍ରେସ ଏବଂ ଜେଡିଏସର ବିଦ୍ରୋହୀ ନେତାଙ୍କୁ ଦଳ ସ୍ୱାଗତ କରି ଟିକେଟ ଦେବା ଘଟଣାକୁ ସହଜରେ ଗ୍ରହଣ କରିପାରୁନାହାଁନ୍ତି ବିଜେପିର କିଛି ପୁରୁଣା ନେତା । ଏହାରି ଭିତରେ ରହିଛନ୍ତି ବିଜେପି ସାଂସଦ ବିଏନ ବଚେଗୌଡାଙ୍କ ପୁଅ ଶରତ ବଚେଗୌଡା ଏବଂ ରାଜୁ କେଗେ । ଦଳ ବିରୋଧରେ ଖୋଲାଖୋଲି ବୟାନ ମଧ୍ୟ ଦେଲେଣି ଉଭୟେ । କାଗୱାଡ ଆସନରୁ ପ୍ରାର୍ଥୀ ହେବା ପାଇଁ ଆଶାୟୀ ଥିଲେ ରାଜୁ କେଗେ । ହେଲେ ଏହି ଆସନରୁ ଏବେ ଅଯୋଗ୍ୟ ଘୋଷିତ ବିଧାୟକଙ୍କୁ ବିଜେପି ଟିକେଟ ଦେଇଛି । 

୨୦୧୮ କର୍ଣ୍ଣାଟକ ବିଧାନସଭା ନିର୍ବାଚନରେ ଉଭୟ ଶରତ ବଚେଗୌଡା ଏବଂ ରାଜୁ କେଗେ ବିଜେପି ପକ୍ଷରୁ ପ୍ରାର୍ଥୀ ହୋଇଥିଲେ । ହେଲେ କଂଗ୍ରେସ ପ୍ରାର୍ଥୀଙ୍କ ଠାରୁ ପରାଜିତ ହୋଇଥିଲେ । ତେବେ ଉପ ନିର୍ବାଚନରେ ମଧ୍ୟ ଦଳ ତାଙ୍କୁ ଟିକେଟ ଦେବ ବୋଲି ଆଶା ରଖିଥିଲେ ଉଭୟ ନେତା । ତେବେ ବର୍ତ୍ତମାନ ରାଜୁ କେଗେ କଂଗ୍ରେସ ଶିବରକୁ ଚମ୍ପଟ ମାରିବର ଚକରରେ ଥିବା ଚର୍ଚ୍ଚା ହେଉଛି । ସେମିତିରେ ବି ପୂର୍ବରୁ ସେ ଏନେଇ ସୂଚନା ଦେଇସାରିଛନ୍ତି ।