close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ଶିବସେନା ସହ ସରକାର ଗଠନ ପାଇଁ କଂଗ୍ରେସ ବିଧାୟକ ରାଜି

ମହାରାଷ୍ଟ୍ରରେ ସରକାର ଗଠନ ପ୍ରସ୍ତୁତିରେ ଲାଗି ପଡିଛନ୍ତି ସମସ୍ତ ରାଜୈନତିକ ଦଳ । ଏନେଇ ରାଜନୈତିକ ଦଳଗୁଡିକ ମଧ୍ୟରେ ଜାରି ରହିଛି ମାନସ ମନ୍ଥନ । ଏହି କ୍ରମରେ କଂଗ୍ରେସ ବିଧାୟକ ଶିବସେନା ସହ ମିଶି ସରକାର ଗଠନ ପାଇଁ ସହମତ ଅଛନ୍ତି ବୋଲି ଜଣାପଡିଛି । ଏହି ବିଷୟରେ କଂଗ୍ରେସର ବରିଷ୍ଠ ନେତା ମଲ୍ଲିକାର୍ଜୁନ ଖଡ଼ଗେ ଏହି ବିଷୟରେ ଦଳର ଅନ୍ତରୀଣ ଅଧ୍ୟକ୍ଷା ସୋନିଆ ଗାନ୍ଧୀ ସହ ଆଲୋଚନା କରିବେ ।

ଶିବସେନା ସହ ସରକାର ଗଠନ ପାଇଁ କଂଗ୍ରେସ ବିଧାୟକ ରାଜି
ଫଟୋ ସୌଜନ୍ୟ: ଏଏନଆଇ

ନୂଆଦିଲ୍ଲୀ: ମହାରାଷ୍ଟ୍ରରେ ସରକାର ଗଠନ ପ୍ରସ୍ତୁତିରେ ଲାଗି ପଡିଛନ୍ତି ସମସ୍ତ ରାଜୈନତିକ ଦଳ । ଏନେଇ ରାଜନୈତିକ ଦଳଗୁଡିକ ମଧ୍ୟରେ ଜାରି ରହିଛି ମାନସ ମନ୍ଥନ । ଏହି କ୍ରମରେ କଂଗ୍ରେସ ବିଧାୟକ ଶିବସେନା ସହ ମିଶି ସରକାର ଗଠନ ପାଇଁ ସହମତ ଅଛନ୍ତି ବୋଲି ଜଣାପଡିଛି । ଏହି ବିଷୟରେ କଂଗ୍ରେସର ବରିଷ୍ଠ ନେତା ମଲ୍ଲିକାର୍ଜୁନ ଖଡ଼ଗେ ଏହି ବିଷୟରେ ଦଳର ଅନ୍ତରୀଣ ଅଧ୍ୟକ୍ଷା ସୋନିଆ ଗାନ୍ଧୀ ସହ ଆଲୋଚନା କରିବେ ।

ସୋନିଆ ଏହା ଉପରେ କଣ ନିଷ୍ପତ୍ତି ନେବେ ତାହା ଆଧାରରେ ମହାରାଷ୍ଟ୍ରର ରାଜନୈତିକ ଭାଗ୍ୟ ନିର୍ଦ୍ଧାରଣ ହେବ । ଯଦି କଂଗ୍ରେସ ଶିବସେନା ସହ ମିଶି ସରକାର ଗଠନ କରିବା ପାଇଁ ରାଜି ହୋଇଯିବ ତେବେ କେବଳ ମହାରାଷ୍ଟ୍ର ନୁହଁ ସମଗ୍ର ଦେଶରେ ରାଜନୀତିର ନୂଆ ଅଧ୍ୟାୟ ଆରମ୍ଭ ହେବ । ବର୍ତ୍ତମାନ ସମୟରେ ନିବ ନିର୍ବାଚିତ କଂଗ୍ରେସ ବିଧାୟକଙ୍କୁ ରାଜସ୍ଥାନର ଜୟପୁର ସ୍ଥିତ ଏକ ହୋଟେଲରେ ରଖାଯାଇଛି । ରବିବାର ଏହି ବିଧାୟକଙ୍କ ସହ କଂଗ୍ରେସ ବରିଷ୍ଠ ନେତା ମଲ୍ଲିକାର୍ଜୁନ ଖଡ଼ଗେଙ୍କ ଆଲୋଚନା ହୋଇଛି । ଏହି ବୈଠକରେ କଂଗ୍ରେସର ୪୦ ବିଧାୟକ ଉପସ୍ଥିତ ଥିଲେ । 

ଏହି ବୈଠକରେ ବିଧାୟକମାନେ ଇଚ୍ଛା ବ୍ୟକ୍ତ କରିଥିଲେ ଯେ ସେମାନେ ଶିବସେନା ସହ ମିଶି ମହାରାଷ୍ଟ୍ରରେ ସରକାର ଗଠନ କରିବାକୁ ରାଜି ଅଛନ୍ତି । କଂଗ୍ରେସ ବିଧାୟକ ନୂଆ ସରକାରକୁ ବାହ୍ୟ ସମର୍ଥନ ପରିବର୍ତ୍ତେ ସରକାରରେ ସାମିଲ ହେବାକୁ ଚାହୁଛନ୍ତି । ଏହି ବିଧାୟକ ବୈଠକରେ ରାଜସ୍ଥାନ ସିଏମ ଅଶୋକ ଗହେଲତ ସାମଲି ଥିଲେ । ଏହା ବ୍ୟତୀତ ମହାରାଷ୍ଟ୍ର କଂଗ୍ରେସ ଅଧ୍ୟକ୍ଷ ବାଲା ଥୋରାଟ ମଧ୍ୟ ଉପସ୍ଥିତ ଥିଲେ ।

ବିଧାୟକଙ୍କ ସହ ହୋଇଥିବା ଆଲୋଚନା ସମ୍ପର୍କରେ ଖଡ଼ଗେ ସୋନିଆଙ୍କୁ ଜଣାଇବେ । ଏହା ପରେ କଂଗ୍ରେସ ଅଧ୍ୟକ୍ଷା ଶେଷ ନିଷ୍ପତ୍ତି ନେବେ । ଚଳିତ ନିର୍ବାଚନରେ ୨୮୮ ଆସନ ବିଶିଷ୍ଟ ମହାରାଷ୍ଟ୍ର ବିଧାନସଭାରେ କଂଗ୍ରେସର ୪୪, ଏନସିପି ୫୪, ବିଜେପି ୧୦୫, ଶିବସେନା ୫୬ ଓ ଅନ୍ୟାନ୍ୟ ୨୯ଟି ଆସନ ଜିତିଛନ୍ତି ।