close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ଆରମ୍ଭ ହେଲା ନିରଞ୍ଜନ ହଟାଓ ଅଭିଯାନ, ଜାଣନ୍ତୁ କିଏ ନେଲେ ଲିଡିଂ ରୋଲ?

ପୁଣି କଂଗ୍ରେସକୁ ଗ୍ରାସିଲା ପୁରୁଣା ରୋଗ

 ଆରମ୍ଭ ହେଲା ନିରଞ୍ଜନ ହଟାଓ ଅଭିଯାନ, ଜାଣନ୍ତୁ କିଏ ନେଲେ ଲିଡିଂ ରୋଲ?
ସୌଜନ୍ୟ: ସୋସିଆଲ ମିଡିଆ

ପ୍ରଜ୍ଞା ପାରମିତା ପତ୍ରୀ, ଭୁବନେଶ୍ୱର: କଂଗ୍ରସକୁ ଫେରିଲା ପୁରୁଣା ରୋଗ । ପିସିସି ସଭାପତି ହଟାଇବା ପାଇଁ ମେଳି ହେଲେ ନେତା । ଆରମ୍ଭ ହେଲା ପିସିସି ସଭାପତି ହଟାଓ ଅଭିଯାନ । ପାନ୍ଥନିବାସରେ ଚାଲିଲା ଗୁପ୍ତ ମନ୍ତ୍ରଣା । ଖୁବଶୀଘ୍ର ଏଆଇସିସି ନିକଟରେ ଦାବି ନେଇ ହେଲା ପ୍ରସ୍ତାବ ପାରିତ । ନିରଞ୍ଜନଙ୍କୁ ହଟାଇ ମୋକିମକୁ ସଭାପତି କରିବା ପାଇଁ ଯୋଜନା । ସେପଟେ ନିରଞ୍ଜନଙ୍କ ରୋକଠକ ବାଣୀ ଯିଏ ପିସିସି ସଭାପତି ହେବାକୁ ଚାହୁଁଛନ୍ତି ସେ ତୁରନ୍ତୁ ତାଙ୍କୁ ଦେଖା କରନ୍ତୁ ଖୋଦ ନିରଞ୍ଜନ ହିଁ ଆଶାୟୀ ବ୍ୟକ୍ତିଙ୍କ ନାମ ଏଆଇସିସି ନିକଟରେ ସୁପାରିଶ କରିବେ । ଏଭଳି ପରିସ୍ଥିତିରେ ପୁଣିଥରେ ରାଜ୍ୟରେ ନେତୃତ୍ୱ ସଂକଟରେ କଂଗ୍ରେସ । 

ଦିନକୁ ଦିନ ଦୁର୍ବଳ ହେଉଛି ସଂଗଠନ । ଦୀର୍ଘ ୨୦ ବର୍ଷ ଧରି ମୁଖ୍ୟ ବିରୋଧୀ ଆସନରେ ବସିଥିବା କଂଗ୍ରେସ ସେ ମର୍ଯ୍ୟଦା ହରାଇ, ଲୋକଙ୍କ ଦ୍ୱାରା ପ୍ରତ୍ୟାକ୍ଷିତ ହୋଇ ଏବେ ୩ ନମ୍ବର ଦଳ ହୋଇସାରିଛି । ତଥାପି ଥମିନି ଗୋଷ୍ଠୀ କନ୍ଦଳ । ପୁଣିଥରେ କଂଗ୍ରେସକୁ ଗ୍ରାସିଛି ପୁରୁଣା ରୋଗ । ପିସିସି ସଭାପତି ହଟାଇବା ପାଇଁ ବସିଲାଣି ଗୁପ୍ତ ବୈଠକ, ନେତୃତ୍ୱ ପରିବର୍ତ୍ତନ ନେଇ ବହିଲାଣି ହାୱା । ନିରଞ୍ଜନଙ୍କ ବିରୋଧରେ ନେତା ମେଳି ବାନ୍ଧିଥିବା ଆରମ୍ଭ କରିଥିବା ବେଳେ, ବାପି ସର୍ଖେଲ ନେଇଛନ୍ତି ଗୁରୁତ୍ୱପୂର୍ଣ୍ଣ ଭୂମିକା । ନିରଞ୍ଜନଙ୍କୁ ହଟାଇ ବିଧାୟକ ମହମ୍ମଦ ମୋକିମକୁ ପିସିସି ସଭାପତି କରିବା ପାଇଁ ଜୋର ଧରିଛି ଦାବି । ଏ ନେଇ ବହୁ କଂଗ୍ରେସ ନେତା ଓ କର୍ମୀ ଏକାଠି ହେବା ସହ ଏ ସଂପର୍କରେ ଏଆଇସିସିକୁ ଜଣାଇବା ପାଇଁ ସ୍ଥିର ହୋଇଛି ।...

ସେପଟେ କଂଗ୍ରେସରେ ବିଦ୍ରୋହ ନେଇ ମୁହଁ ଖୋଲିଲେ ପିସିସି ସଭାପତି ନିରଞ୍ଜନ ପଟ୍ଟନାୟକ । କହିଲେ କଂଗ୍ରେସର ଏହା ଏକ ପୁରୁଣା ରୋଗ । କିଛିଦିନ ନିରବତା ପରେ ପୁଣି ଏହି ରୋଗ ମାତିଛି । ଯିଏ ପିସିସି ସଭାପତି ହେବାକୁ ଚାହୁଁଛନ୍ତି ସେମାନେ ସିଧାସଳଖ ଆସି କୁହନ୍ତୁ ବୋଲି ଆହ୍ବାନ ଦେଇଛନ୍ତି । ନଚେତ ହଟାଇବା ପାଇଁ ଏଆଇସିସି ନିକଟରେ ଦାବି କରନ୍ତୁ  ।