• ଆଜି ବଡ଼ ଓଷା, ୨୫ ବର୍ଷ ପରେ ଧବଳେଶ୍ୱର ପୀଠରେ ବାବାଙ୍କ ଦୁର୍ଲଭ କିରାତାର୍ଜୁନ ବେଶ ।
  • ରାସ୍ତା ମଝିରେ ଜଳିଗଲା ଚଳନ୍ତା କଣ୍ଟେନର, ଭଦ୍ରକ ନିକଟ ଡାହାଣୀ ଗାଡିଆ ନିକଟରେ ଦୁର୍ଘଟଣା॥
  • ବିଜେପିର ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡାଙ୍କୁ କୋରୋନା ।
  • ଦିନକୁ ଦିନ ଖସିବାରେ ଲାଗିଛି ସୁନା ଦର । ଗତ ଅଗଷ୍ଟ ମାସରେ ଭରି ପ୍ରତି ୫୬,୨୦୦ ରହିଥିଲା ।
  • ଆକାଶ ପାଠକ ଟାଟା ମୋଟର୍ସର କର୍ମଚାନୀ ନୁହଁନ୍ତି । ପୂର୍ବରୁ ଟାଟା ମୋଟର୍ସ ଦେଇଥିଲା ଏତଲା ।
  • ସେପ୍ଟେମ୍ବର ମାସରେ ହୋଇଥିଲା ମାମଲା ରୁଜୁ ॥
  • ଆଜି ମହାପ୍ରଭୁଙ୍କ ତ୍ରିବିକ୍ରମ ବେଶ । ପୁଷ୍ପାଳକ ସେବକମାନେ କରୁଛନ୍ତି ନୀତିକାନ୍ତି ସମାପନ ॥

"ୟୁରୋପୀୟନ ସାଂସଦଙ୍କ କାଶ୍ମୀର ଗସ୍ତ ଦେଶର ସାର୍ବଭୌମତ୍ୱ ଉପରେ ଆକ୍ରମଣ"

ଭାରତ ଗସ୍ତରେ ଆସି ଦିଲ୍ଲୀ ପହଞ୍ଚିଛି ୟୁରୋପୀୟନ ସାଂସଦ ଦଳର ପ୍ରତିନିଧି ମଣ୍ଡଳ  । ଏହି ପ୍ରତିନିଧି ମଣ୍ଡଳରେ ୨୮ ଜଣ ସାଂସଦ ଅଛନ୍ତି  ।  ସେମାନେ ଆସନ୍ତାକାଲି ଅର୍ଥାତ ମଙ୍ଗଳବାର କାଶ୍ମୀର ପରିଦର୍ଶନ କରିବାକୁ ଯିବେ  । ଏହାପୂର୍ବରୁ ସେମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ରାଷ୍ଟ୍ରୀୟ ସୁରକ୍ଷା ଉପଦେଷ୍ଟା ଅଜିତ ଡୋଭାଲଙ୍କ ସହ ସାକ୍ଷାତ କରିଛନ୍ତି  । ଏହି ସାକ୍ଷାତ ବେଳେ ଦୁଇ ପକ୍ଷ ମଧ୍ୟରେ ଜମ୍ମୁ କାଶ୍ମୀରର ବର୍ତ୍ତମାନର ପରିସ୍ଥିତିକୁ ନେଇ ଆଲୋଚନା କରାଯାଇଛି  । 

"ୟୁରୋପୀୟନ ସାଂସଦଙ୍କ କାଶ୍ମୀର ଗସ୍ତ ଦେଶର ସାର୍ବଭୌମତ୍ୱ ଉପରେ ଆକ୍ରମଣ"
ଫଟୋ ସୌଜନ୍ୟ: ଏଏନଆଇ

ନୂଆଦିଲ୍ଲୀ: ଭାରତ ଗସ୍ତରେ ଆସି ଦିଲ୍ଲୀ ପହଞ୍ଚିଛି ୟୁରୋପୀୟନ ସାଂସଦ ଦଳର ପ୍ରତିନିଧି ମଣ୍ଡଳ  । ଏହି ପ୍ରତିନିଧି ମଣ୍ଡଳରେ ୨୮ ଜଣ ସାଂସଦ ଅଛନ୍ତି  ।  ସେମାନେ ଆସନ୍ତାକାଲି ଅର୍ଥାତ ମଙ୍ଗଳବାର କାଶ୍ମୀର ପରିଦର୍ଶନ କରିବାକୁ ଯିବେ  । ଏହାପୂର୍ବରୁ ସେମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ରାଷ୍ଟ୍ରୀୟ ସୁରକ୍ଷା ଉପଦେଷ୍ଟା ଅଜିତ ଡୋଭାଲଙ୍କ ସହ ସାକ୍ଷାତ କରିଛନ୍ତି  । ଏହି ସାକ୍ଷାତ ବେଳେ ଦୁଇ ପକ୍ଷ ମଧ୍ୟରେ ଜମ୍ମୁ କାଶ୍ମୀରର ବର୍ତ୍ତମାନର ପରିସ୍ଥିତିକୁ ନେଇ ଆଲୋଚନା କରାଯାଇଛି  । 

ଏହି ପ୍ରତିନିଧି ଦଳ କାଶ୍ମୀର ସ୍ଥିତିର ଅନୁଧ୍ୟାନ କରିବା ପାଇଁ ସେଠାକୁ ଯାଉଛି  । ଅନ୍ୟପକ୍ଷେ କଂଗ୍ରେସ ଏହି ମାମଲାରେ ମୋଦି ସରକାରଙ୍କୁ ଟାର୍ଗେଟ କରିଛି  । ଏହା ଦେଶର ସାର୍ବଭୌମତ୍ୱ ଉପରେ ଏକ ବଡ଼ ଆକ୍ରମଣ ବୋଲି କଂଗ୍ରେସ କହିଛି  । କଂଗ୍ରେସ ନେତା ଅଭିଷେକ ମନୁ ସିଂଘବୀ କହିଛନ୍ତି ଯେ ୟୁରୋପୀୟନ ୟୁନିୟନର ସାଂସଦଙ୍କ ଜମ୍ମୁ କାଶ୍ମୀର ଗସ୍ତ ପାଇଁ ଅନୁମତି ଦେବା ଦେଶର ସାର୍ବଭୌମତ୍ୱ ଉପରେ ଏକ ବଡ଼ ଆକ୍ରମଣ  । ୟିରୋପୀୟନ ସାଂସଦଙ୍କ ପ୍ରତିନିଧି ଦଳ ପରିବର୍ତ୍ତେ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀଙ୍କ ନେତୃତ୍ୱରେ ଏକ ପ୍ରତିନିଧି ମଣ୍ଡଳ କାଶ୍ମୀର ଯିବାର ଆବଶ୍ୟକତା ରହିଛି  ବୋଲି ସିଙ୍ଘବୀ କହିଛନ୍ତି  । 

ଆପଣଙ୍କୁ ଜଣାଇ ରଖୁଛୁ ଯେ, ଜମ୍ମୁ କାଶ୍ମୀରର ବର୍ତ୍ତମାନ ପରିସ୍ଥିତି ଉପରେ ଖୋଲାଖୋଲି ଆଲୋଚନା କରିଥିଲା ଦୁଇ ପକ୍ଷ । ଏହି ବୈଠକରେ ପିଏମ ମୋଦି ଓ ଡୋଭାଲଙ୍କ ସହ  କାଶ୍ମୀର ବିଷୟକୁ ନେଇ ଚର୍ଚ୍ଚା କରି ୟୁରୋପୀୟନ ପ୍ରତିନିଧି ମଣ୍ଡଳ ସନ୍ତୁଷ୍ଟ ହୋଇଛି ବୋଲି ଜଣାପଡିଛି । ଏହି ପ୍ରତିନିଧି ମଣ୍ଡଳ ଜମ୍ମୁ କାଶ୍ମୀର ଗସ୍ତରେ ଯିବ । ଚଳିତ ବର୍ଷ ଅଗଷ୍ଟ ୫ରେ ଜମ୍ମୁ କାଶ୍ମୀରକୁ ବିଶେଷ ରାଜ୍ୟର ମାନ୍ୟତା ଦେଉଥିବା ଧାରା ୩୭୦କୁ ହଟାଇଥିଲେ ମୋଦି ସରକାର । ଏହାପରେ କୌଣସି ବିଦେଶୀ ପ୍ରତିନିଧି ମଣ୍ଡଳର ଏହା ପ୍ରଥମ କାଶ୍ମୀର ଗସ୍ତ ହେବ ।

ଧାରା ୩୭୦ର ଉଚ୍ଛେଦ ପରେ ଦୁନିଆ ସାରା ଜମ୍ମୁ କାଶ୍ମୀରକୁ ନେଇ ଚର୍ଚ୍ଚା ଲାଗି ରହିଛି । ପାକିସ୍ତାନ ତରଫରୁ ବାରମ୍ବାର ଏହି ମାମଲାକୁ ଉପସ୍ଥାପନ କରାଯାଉଛି ।  ଏପରି ଚର୍ଚ୍ଚା ଭିତରେ ୟୁରୋପୀୟନ ପ୍ରତିନିଧି ମଣ୍ଡଳର ଏହି ଗସ୍ତ ବେଶ ଗୁରୁତ୍ୱପୂର୍ଣ୍ଣ । ୟୁରୋପୀୟନ ପ୍ରତିନିଧି ମଣ୍ଡଳରେ ସର୍ବମୋଟ ୨୮ ଜଣ ସଦସ୍ୟ ଅଛନ୍ତି । ବର୍ତ୍ତମାନ ଯାଏ କୌଣସି ବିଦେଶୀ ପ୍ରତିନିଧି ମଣ୍ଡଳକୁ ଜମ୍ମୁ କାଶ୍ମୀର ଯିବା ପାଇଁ ଅନୁମତି ମିଳିନାହିଁ ।  

ଏହି ସାକ୍ଷାତ ପରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ତରଫରୁ ବୟାନ ଜାରି କରାଯାଇଛି ।  ପିଏମଓ କହିଛି ଯେ, ୟୁରୋପୀୟନ ସାଂସଦମାନେ ଭାରତ ଆସି ଭାରତୀୟ ସଂସ୍କୃତି ବିଷୟରେ ଜାଣିବା ବହୁତ ବଡ଼ ଖୁସିର ବିଷୟ । ଅନ୍ୟପଟେ ପିଏମ ମୋଦି କହିଛନ୍ତି ଯେ, ଜମ୍ମୁ କାଶ୍ମୀର ସମେତ ଭାରତର ବିଭିନ୍ନ ଅଞ୍ଚଳରେ ଦଳ ଗସ୍ତ କରିବ । ଏହାସହ ସେମାନଙ୍କ ଗସ୍ତ ସଫଳ ହେବାର କାମନା କରିଛନ୍ତି ସେ । 

ଚଳିତ ବର୍ଷ ଅଗଷ୍ଟ ୫ରେ ଧାରା ୩୭୦ର ଉଚ୍ଛେଦ କରି ଜମ୍ମୁ କାଶ୍ମୀରରୁ ବିଶେଷ ରାଜ୍ୟର ମାନ୍ୟତା ଛଡାଇ ନେଇଥିଲେ ମୋଦି ସରକାର । ଏହାସହ ଏହି ରାଜ୍ୟକୁ ୨ଟି କେନ୍ଦ୍ର ଶାସିତ ଅଞ୍ଚଳରେ ବିଭକ୍ତ କରାଯାଇଥିଲା । ଯାହା ପରେ ପାକିସ୍ତାନ ଅନ୍ତର୍ଜାତୀୟ ମଞ୍ଚରେ କାଶ୍ମୀର ବିଷୟକୁ ଉପସ୍ଥାପନ କରୁଛି । ଏହାସହ ବିଭିନ୍ନ ଦେଶ ଠାରୁ ଏହି ବିଷୟରେ ସାହାଯ୍ୟ ମଧ୍ୟ ମାଗୁଛି ପାକ୍ ।