୨ ଲକ୍ଷ ଟପିଲା ମୃତ୍ୟୁ ସଂଖ୍ୟା

ନୂଆଦିଲ୍ଲୀ: ସମଗ୍ର ବିଶ୍ୱରେ କୋରୋନା ସଂକ୍ରମିତଙ୍କ ସଂଖ୍ୟା ବଢି ଚାଲିଛି। ସେହି ଅନୁପାତରେ କୋରୋନାରେ ମୃତକଙ୍କ ସଂଖ୍ୟା ମଧ୍ୟ ବେଶ ଦୃତ ବେଗରେ ବୃଦ୍ଧି ପାଇବାରେ ଲାଗିଛି।  ସଦ୍ୟ ପ୍ରାପ୍ତ ସୂଚନା ମୁତାବକ ସମଗ୍ର ବିଶ୍ୱରେ ମୃତ୍ୟୁ ସଂଖ୍ୟା ୨ ଲକ୍ଷରୁ ଊର୍ଦ୍ଧ୍ୱ ହୋଇ ସାରିଲାଣି। 

ଓ୍ୱାର୍ଲଡୋମିଟର ଅନୁଯାୟୀ ସମଗ୍ର  ବିଶ୍ୱରେ ଆକ୍ରାନ୍ତଙ୍କ ସଂଖ୍ୟା ୩,୦୭୩,୬୦୩ ସଂଖ୍ୟା ଛୁଇଁ ସାରିଲାଣି। ସେହିପରି ମୃତ୍ୟୁ ସଂଖ୍ୟା ମଧ୍ୟ ବେଶ ଦ୍ରୁତ ଗତିରେ ବଢି ଲାଗିଛି। ସମଗ୍ର ବିଶ୍ୱରେ ମୃତକଙ୍କ ସଂଖ୍ୟା ୨ ଲକ୍ଷ ଅତିକ୍ରମ କରିସାରିଲାଣି। ସମଗ୍ର ବିଶ୍ୱରେ ବର୍ତ୍ତମାନ ସୁଦ୍ଧା ୨,୧୧,୭୬୮ ଲକ୍ଷ ଲୋକଙ୍କ ମୃତ୍ୟୁ ହୋଇ ସାରିଲାଣି। ୯ ଲକ୍ଷ ୨୪ ହଜାର ୬୪୩ ଜଣ ଲୋକ ସୁସ୍ଥ ହୋଇ ଫେରିଥିବା ବେଳେ ଅବଶିଷ୍ଟ ଲୋକ ବର୍ତ୍ତମାନ ସୁଦ୍ଧା ମଧ୍ୟ ଚିକିତ୍ସିତ ରହିଥିବା ଜଣାପଡ଼ିଛି। 

ସେପଟେ ପ୍ରଥମ ପାଞ୍ଚଟି ରାଷ୍ଟ୍ର ମଧ୍ୟରେ ଆମେରିକାରେ ସର୍ବାଧିକ ୫୬୮୦୩ ଜଣଙ୍କର ମୃତ୍ୟୁ ହୋଇଥିବା ସୂଚନା ଦେଇଛି ଓ୍ୱାର୍ଲଡୋମିଟର। ସ୍ପେନରେ ୨୩୫୨୧, ଇଟାଲୀ ୨୬୯୭୭, ଫ୍ରାନ୍ସରେ ୨୩୨୯୩ ଓ ଜର୍ମାନୀରେ ୬୧୨୬ ଜଣ ଲୋକଙ୍କ ମୃତ୍ୟୁ ହୋଇଥିବା ଓ୍ୱାର୍ଲଡୋମିଟର ସୂଚନା ଦେଇଛି।