କୋରୋନା ପ୍ରତିଷେଧକ ବାହାର କରିବେ ଓଡ଼ିଆ ବୈଜ୍ଞାନିକ !

ଯଯାତି ମହାନ୍ତି, ଭୁବନେଶ୍ୱର: କୋରୋନା ମହାମାରୀ ସାରା ବିଶ୍ୱକୁ କବଳିତ କରିଥିବା ବେଳେ ଏହାର ପ୍ରତିଷେଧକ ପାଇଁ ବିଭିନ୍ନ ଦେଶର ବୈଜ୍ଞାନିକମାନେ ପ୍ରତି ମୁହୂର୍ତ୍ତରେ ଗବେଷଣା କରୁଛନ୍ତି । ହେଲେ ଏଯାଏଁ ଏହାର ପ୍ରତିଷେଧକ ଟିକା ବାହାରିନାହିଁ । ହେଲେ ଏହା ଭିତରେ ଉତ୍ତରପ୍ରଦେଶ ଲକ୍ଷ୍ନୌସ୍ଥିତ ସେଣ୍ଟ୍ରାଲ ଇନ୍‌ଷ୍ଟିଚ୍ୟୁଟ ଅଫ୍ ମେଡ଼ିସିନାଲ ଏଣ୍ଡ ଆରୋମେଟିକ ପ୍ଲାଣ୍ଟ ୫ ପ୍ରକାରର ଗଛରୁ ପ୍ରଡ଼କ୍ଟ ଉଦ୍ଭାବନ କରିଛନ୍ତି ଯାହାର ନାମ ରହିଛି ‘ସିମ୍‌-ରେସ୍ପେକୁଲ୍‌’। ଯାହା କୋରୋନାର ପ୍ରକୋପକୁ କମାଇବାରେ ସାହାଯ୍ୟ କରିବ । ଏହା ଏକ ତରଳ ଅବସ୍ଥାରେ ରହିଛି ଯାହାର ବାଷ୍ପ ଆଣ୍ଟି-ଭାଇରାଲ, ଆଣ୍ଟି ବ୍ୟାକ୍ଟେରିଆଲ୍ । ଏହା କେବଳ ଶ୍ୱାସପ୍ରଶ୍ୱାସ ପ୍ରକିୟାକୁ ସହଜ କରିବ ନାହିଁ, ବରଂ ଘରକୁ ହାଇଜିନ୍ କରିବାରେ ମଧ୍ୟ ସାହାଯ୍ୟ କରିବ । ସୁଗନ୍ଧିତ ବାସ୍ନା ସହିତ କୋରୋନା ସମ୍ପର୍କିତ ବିଭିନ୍ନ ଦିଗକୁ ପ୍ରତିହତ କରିବାରେ ସାହାଯ୍ୟ କରିବ ଏହି ପ୍ରଡକ୍ଟ। କେନ୍ଦ୍ରୀୟ ଅନୁଷ୍ଠାନରେ ଯେଉଁ ଟିମ୍ ଏହାର ଉଦ୍ଭାବନ କରିଛନ୍ତି ତା’ର ନେତୃତ୍ୱ ନେଇଛନ୍ତି ଜଣେ ଓଡ଼ିଆ ବୈଜ୍ଞାନିକ ଡକ୍ଟର ଅଜିତ କୁମାର ଶାସନୀ ।

ଲକ୍ଷ୍ନୌର କିଙ୍ଗ ଜର୍ଜ ମେଡ଼ିକାଲ କଲେଜରେ ଏହାର ପରୀକ୍ଷାମୂଳକ ବ୍ୟବହାର ଆରମ୍ଭ ହୋଇଛି । ଗଛର ରସରୁ କୋରୋନାରୁ ବଂଚିହୋଇପାରିବ । କାଉନସିଲ ଅଫ୍ ସାଇଣ୍ଟିଫିକ୍ ଏଣ୍ଡ ଇଣ୍ଡଷ୍ଟ୍ରିଆଲ୍ ରିସର୍ଚ୍ଚ (ସିଏସ୍‌ଆଇଆର୍‌) ଅଧିନରେ କାମ କରୁଥିବା ସିମାପ୍‌ର ବୈଜ୍ଞାନିକମାନେ ଏହା ଉଦ୍ଭାବନ କରିଛନ୍ତି । ଏହି ଟିମର ନେତୃତ୍ୱ ନେଇଛନ୍ତି ଓଡ଼ିଆ ବୈଜ୍ଞାନିକ ଅଜିତ କୁମାର ଶାସନୀ । ଏହା ଲିକ୍ୟୁଡ଼ ଫ୍‌ର୍ମରେ ଥିବା ବେଳେ ଏହାର ବାଷ୍ପ ଆଣ୍ଟି-ଭାଇରାଲ, ଆଣ୍ଟି ବ୍ୟାକ୍ଟେରିଆଲ୍ ଏବଂ ଆଣ୍ଟି ଆଲର୍ଜୀ । ଶ୍ୱାସ ପ୍ରଶ୍ୱାସ ପ୍ରକ୍ରିୟାକୁ ଅଧିକ ସହଜ କରିବାର କ୍ଷମତା ରହିଛି ଏହି ପ୍ରଡ଼କ୍ଟରେ । ଘର ଭିତରେ ଡ଼ିଫ୍ୟୁଜ କରି ଲିକ୍ୟୁଡ଼ର ବାଷ୍ପକୁ ନେଇ ହେବ । ଘର ଭିତରେ ମଶା ଧୂପ ଭଳି ଏହାକୁ ଏକ ମେସିନ୍‌ରେ ବ୍ୟବହାର କରାଯାଇପାରିବ । ଘର ଭିତରେ ସୁଗନ୍ଧିତ ବାସ୍ନା ପହଂଚାଇବା ସହ ଗଛରୁ ନିର୍ମିତ ହୋଇଥିବାରୁ ଏଥିରେ କୌଣସି ଚର୍ମ ରୋଗ ବା ଇନ୍‌ଫେକ୍ସନ ହେବ ନାହିଁ । 

ଏହି ପ୍ରଡ଼କ୍ଟର ଲଞ୍ଚ ହୋଇ ସାରିଥିବା ବେଳେ ଡାକ୍ତରଖାନାରେ ପରୀକ୍ଷାମୂଳକ ଭାବେ ବ୍ୟବହାର କରିବାକୁ ଲକ୍ଷ୍ନୌସ୍ଥିତ କିଙ୍ଗ ଜର୍ଜ ହସ୍ପିଟାଲ ଓ ମେଡ଼ିକାଲ କଲେଜକୁ ଦିଆଯାଇଛି । ଓଡ଼ିଶାରେ କିଆଫୁଲ ଓ ଲେମନ ଗ୍ରାସ ଚାଷ ଜରିଆରେ ସୁଗନ୍ଧିତ ତୈଳ ଉତ୍ପାଦନ ବଢାଇବା ଦିଗରେ ଡ଼. ଶାସନୀଙ୍କ ଭୂମିକା ଗୁରୁତ୍ୱପୂର୍ଣ୍ଣ ଏବଂ ରାଜ୍ୟ ସରକାରଙ୍କ ସହ ମଧ୍ୟ ସିମାପ ଅନୁବନ୍ଧିତ ହୋଇ ପଶ୍ଚିମ ଓଡ଼ିଶାରେ ଲେମନ ଗ୍ରାସ ଚାଷକୁ ନୂଆ ଦିଗ ଦେଇଛନ୍ତି । ସମ୍ବଲପୁରରେ ରେଢାଖୋଲରେ ଜନ୍ମିତ ଡ଼ ଶାସନୀ ମୋଲେକ୍ୟୁଲାର ଉପରେ ପିଏଚ୍‌ଡ଼ି କରିଛନ୍ତି । ବିଭନ୍ନ ପ୍ରକାରର ଭାଇରସ୍‌କୁ ଦୂର କରିବାରେ ସାହାଯ୍ୟ କରିବ ଏହି ରେସ୍ପକୁଲ୍ । ମେନ୍ଥ, ରୋଜମ୍ୟାରୀ, ହୋଲି ବସିଲ୍ ଭଳି ୫ଟି ପ୍ଲାଂଟରୁ ପ୍ରସ୍ତୁତ ହୋଇଥିବା ରେସ୍ପକୁଲ୍ ନିର୍ଦ୍ଧିଷ୍ଟ ଅଞ୍ଚଳକୁ ସାନିଟାଇଜ୍ କରିବା ସଲିଡ଼ଫ୍ୟୁଜର ଜରିଆରେ ଯେ କୌଣସି ଘର, ହୋଟେଲ, ହଷ୍ଟେଲ ଓ ହସ୍ପିଟାଲରେ ବ୍ୟବହାର ହୋଇପାରିବ ।

ଏରୋମେଟିକ୍ ଅଏଲ୍ ବା ସୁଗନ୍ଧିତ ତୈଳ ହଜାର ହଜାର ବର୍ଷ ଧରି ବିଭନ୍ନ ପ୍ରକାରର ରୋଗ ଉପଶମ ପାଇଁ ବ୍ୟବହାର ହୋଇଆସୁଛି । ଅନ୍ୟ ଔଷଧୀୟ ଭାପରାଇଜର୍ ଚର୍ମ ରୋଗ ଓ ଶୁଂଘିବା ପାଇଁ ସମସ୍ୟା ସୃଷ୍ଟି କରୁଥିବା ବେଳେ ଗଛରୁ ପ୍ରସ୍ତୁତ ଏହି ପ୍ରଡ଼କ୍ଟ କୋରୋନାରୁ ବର୍ତିବା ପାଇଁ ଅନେକ ପରିମାଣରେ ସହାୟକ ହୋଇପାରିବ ବୋଲି ଆଶା କରାଯାଇଛି ।