୨ ଲକ୍ଷରୁ ଉର୍ଦ୍ଧ୍ୱ ଜୀବନ ନେଲାଣି କୋରୋନା

ନୂଆଦିଲ୍ଲୀ: ଦେଶରେ ବଢ଼ିଚାଲିଛି କୋରୋନା ଆକ୍ରାନ୍ତଙ୍କ ସଂଖ୍ୟା । ଏପର୍ଯ୍ୟନ୍ତ ଆକ୍ରାନ୍ତଙ୍କ ସଂଖ୍ୟା ୨୬ ହଜାର ପାର କଲାଣି । ସେହିପରି ମୃତ୍ୟୁ ସଂଖ୍ୟା ମଧ୍ୟ ୮୨୪ରେ ପହଞ୍ଚିଛି । ଗୁରୁତ୍ୱପୂର୍ଣ୍ଣ କଥା ହେଉଛି, ଗତ ୨୪ ଘଣ୍ଟା ମଧ୍ୟରେ ୧୯୯୦ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଦେଶରେ ଗୋଟିଏ ଦିନରେ ଚିହ୍ନଟ ହେଉଥିବା ଆକ୍ରାନ୍ତଙ୍କ ମଧ୍ୟରେ ଏହା ସର୍ବାଧିକ । ତେବେ ୨୪ ଘଣ୍ଟା ମଧ୍ୟରେ ୪୯ ଜଣଙ୍କ ମୃତ୍ୟୁ ମଧ୍ୟ ହୋଇଥିବା କେନ୍ଦ୍ର ସରକାରଙ୍କ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ମିଳିଛି । 

UPDATES

• ଦେଶରେ ୨୪ ଘଣ୍ଟା ମଧ୍ୟରେ ସର୍ବାଧିକ ୧୯୯୦ ନୂଆ ମାମଲା । 
• ଭାରତରେ ଏପର୍ଯ୍ୟନ୍ତ ୫୮୦୪ କୋରୋନା ଆକ୍ରାନ୍ତ ସୁସ୍ଥ ହେଲେଣି । 
• ଦେଶରେ ମହାରାଷ୍ଟ୍ର କୋରୋନା ଯୋଗୁ ସର୍ବାଧିକ ପ୍ରଭାବିତ । ଆକ୍ରାନ୍ତଙ୍କ ସଂଖ୍ୟା ୭୬୨୮ରେ ପହଞ୍ଚିଛି । ସେହିପରି ୩୨୩ ଜଣଙ୍କ ଜୀବନ ମଧ୍ୟ ଗଲାଣି । ତେବେ ରାଜ୍ୟରେ ୧୦୭୬ ଜଣ ଏହି ରୋଗରୁ ସୁସ୍ଥ ମଧ୍ୟ ହୋଇଛନ୍ତି । 
• ମହାରାଷ୍ଟ୍ର ପରେ ଦ୍ୱିତୀୟରେ ରହିଛି ଗୁଜୁରାଟ । ଗୁଜୁରାଟରେ ଆକ୍ରାନ୍ତଙ୍କ ସଂଖ୍ୟା ୩୦୭୧ରେ ପହଞ୍ଚିଛି । ସେହିପରି ୨୮୨ ଜଣଙ୍କ ମୃତ୍ୟୁ ମଧ୍ୟ ହେଲାଣି । 
• ତୃତୀୟରେ ଦେଶର ରାଜଧାନୀ ଦିଲ୍ଲୀ ରହିଛି । ଦିଲ୍ଲୀରେ କୋରୋନା ଆକ୍ରାନ୍ତଙ୍କ ସଂଖ୍ୟା ୨୬୨୫ ଥିବା ବେଳେ ମୃତ୍ୟୁ ସଂଖ୍ୟା ୫୪ । ସେହିପରି ୮୬୯ ଜଣ କୋରୋନା ଆକ୍ରାନ୍ତ ସୁସ୍ଥ ମଧ୍ୟ ହେଲେଣି । 
• ଏବେ ନଜର ପକାଇବା ବିଶ୍ୱ ଉପରେ । ବିଶ୍ୱବ୍ୟାପୀ ୨ଲକ୍ଷ ୩ ହଜାର ୨୮୯ ଜଣ ଲୋକଙ୍କ ମୃତ୍ୟୁ ହେଲାଣି । ଆକ୍ରାନ୍ତଙ୍କ ସଂଖ୍ୟା ୨୯ ଲକ୍ଷ ୨୧ ହଜାର ପାର ହୋଇଛି । ତେବେ ୮ ଲକ୍ଷ ୩୬ ହଜାର ୯୭୦ ଜଣ ଲୋକ ସୁସ୍ଥ ମଧ୍ୟ ହେଲେଣି ।