ଭୋକିଲାଙ୍କ ପାଇଁ ଦେବଦୂତ ପାଲଟିଛନ୍ତି ଦିବ୍ୟାଙ୍ଗ...

ମୁମ୍ବାଇ: ସମଗ୍ର ଦେଶରେ କୋରୋନା ସଂକଟ ଜାରି ରହିଛି। ସାଧାରଣ ଜୀବନ ସମ୍ପୂର୍ଣ୍ଣ ଭାବେ ଠପ ହୋଇ ପଡ଼ିଛି। ଜୀବନ ବଞ୍ଚାଇବା ଲକ୍ଷରେ  ନିଜ ଘରକୁ ଫେରିବାକୁ ଉଦ୍ୟମ କରୁଛନ୍ତି। ଏପରିକି ଦିନ ଦିନ ଧରି ଲୋକମାନଙ୍କୁ ଦୁଇ ମୁଠା ଖାଇବାକୁ ମଧ୍ୟ ମିଳୁନାହିଁ। ଦେଶରୁ ବର୍ତ୍ତମାନ ଆସୁଥିବା ଏହି ଚିତ୍ର ସମସ୍ତଙ୍କ ମାନସିକତାକୁ ଦୋହଲାଇ ରଖିଦେଇଛି। ସେମାନଙ୍କୁ ସାହାଯ୍ୟ କରିବା ପାଇଁ ସରକାର ମଧ୍ୟ ଏକ ପ୍ରକାର ବିଫଳ ହୋଇଛନ୍ତି। କିନ୍ତୁ ଏହି ସମୟରେ ମହାରାଷ୍ଟ୍ର କିଛି ଦିବ୍ୟାଙ୍ଗଙ୍କ କାର୍ଯ୍ୟ ସମସ୍ତଙ୍କୁ ଚକିତ କରିଛି। ଏପରିକି ଏହି ଗରିବ ଶ୍ରମିକ ତଥା ପଥଚାରୀଙ୍କ ପାଇଁ ଦେବଦୂତ ସଦୃଶ ଉଭା ହୋଇଛନ୍ତି। ଏହି ଦିବ୍ୟାଙ୍ଗଙ୍କ କାର୍ଯ୍ୟକୁ ଚତୁର୍ଦ୍ଦିଗ ଏବେ ଭୁରି ଭୁରି ପ୍ରଶଂସା ମଧ୍ୟ କରାଯାଉଛି। 

ମହାରାଷ୍ଟ୍ରର ଏକ କ୍ୟାଫେ ମିଟ୍ଟି କ୍ୟାଫେ। ଏହି କ୍ୟାଫେର ପ୍ରାୟ ୧୦୦ ଦିବ୍ୟାଙ୍ଗ ଏହି ସେବା ଗରିବ ଲୋକମାନଙ୍କୁ ସେବା ଯୋଗାଇ ଦେଇ ଆସୁଛନ୍ତି। ତେବେ ମିଟ୍ଟି କ୍ୟାଫେର ଜଣେ କର୍ମଚାରୀ ହେଉଛନ୍ତି ଲକ୍ଷ୍ମୀ। ଲକ୍ଷ୍ମୀ ହେଉଛନ୍ତି ମୁକ ଓ ବଧିର। ଦୁଇ ସନ୍ତାନର ମା' ଲକ୍ଷ୍ମୀ ଏହି ସଂକଟ ସମୟରେ ଲୋକଙ୍କୁ ଖାଇବାକୁ ଦେଇ ଖୁସିର ଅଙ୍ଗଭଙ୍ଗୀ ମାଧ୍ୟମରେ କହିଥିଲେ। ଅଙ୍ଗଭଙ୍ଗୀ ମାଧ୍ୟମରେ ନିଜର ଭାବନା ପ୍ରକାଶ କରି ସେ କହିଛନ୍ତି, 'ଆମେ ଅସହାୟ ଲୋକଙ୍କୁ ସାହାଯ୍ୟ କରୁଛୁ। ଏମାନେ ଆମର ସମସ୍ତ ଲୋକ । ଆମେ ସେମାନଙ୍କୁ ଭଲପାଉ । ଆମେ ଏକାଠି ଦୃଢ଼ ଭାବରେ ଠିଆ ହେବା । କର୍ମଚାରୀଙ୍କ ଏହି ଦଳରେ ୩୨ ବର୍ଷର ଗୌରୀ ମଧ୍ୟ ଅଛନ୍ତି ଯେଉଁମାନେ ଦେଖିପାରୁ ନାହାଁନ୍ତି। କିନ୍ତୁ ଏହା ସତ୍ତ୍ୱେ ସେମାନେ ଲୋକଙ୍କୁ ସାହାଯ୍ୟ କରିବାରେ ପଛରେ ନାହାଁନ୍ତି । ତାଙ୍କର ଅନ୍ୟ ଜଣେ ସାଥୀ ହେଉଛନ୍ତି ମୁର୍ତ୍ତୀ, ଯିଏ ଦୁର୍ଘଟଣାରେ ଗୋଟିଏ ହାତ ହରାଇଛନ୍ତି ।  କିର୍ତ୍ତୀ କାଲେଙ୍କ ପରି ଲୋକ ମଧ୍ୟ ଅଛନ୍ତି ଯେଉଁମାନେ ନିଜ ପରିବାର ଛାଡି ଅସହାୟ ଲୋକଙ୍କ ପାଇଁ କାମ କରୁଛନ୍ତି। ଦଳରେ କିଛି ଅନ୍ଧ ଲୋକ ମଧ୍ୟ ଅଛନ୍ତି ଯେଉଁମାନେ ପିଆଜ ଏବଂ ଆଳୁ ଚୋପା ଭଳି କାର୍ଯ୍ୟ କରୁଛନ୍ତି ।

ଏଠାରେ ଲକ୍ଷ୍ମୀ, ଗୌରୀ ଏବଂ ମୁର୍ତ୍ତୀ ପରି ଶହେରୁ ଅଧିକ ଦିବ୍ୟାଙ୍ଗ ଶ୍ରମିକ ଏବଂ ଅଭାବୀ ଲୋକମାନଙ୍କ ପାଇଁ ଖାଦ୍ୟ ରାନ୍ଧିବା ପାଇଁ ଦିନରାତି କାମ କରୁଛନ୍ତି। ଏହି ଦିବ୍ୟାଙ୍ଗଙ୍କ ଉତ୍ସର୍ଗକୁ ଦେଖି ସମସ୍ତେ ସେମାନଙ୍କ ସାମ୍ନାରେ ମୁଣ୍ଡନୁଆଁଇବା ସହିତ ଅନେକ ପ୍ରଶଂସା ମଧ୍ୟ କରିଛନ୍ତି । ମିଟ୍ଟି କାଫେ୍ର ପ୍ରତିଷ୍ଠାତା ତଥା ସିଇଓ ଆଲିନା ଆଲାମ କହିଛନ୍ତି ଯେ ଏପର୍ଯ୍ୟନ୍ତ ଏହି 'ଯୋଦ୍ଧାମାନେ' ପ୍ରାୟ ୨।୫ ଲକ୍ଷ ଲୋକଙ୍କୁ ଖାଦ୍ୟ ଯୋଗାଇ ଦେଇଛନ୍ତି। ଏପର୍ଯ୍ୟନ୍ତ ଲକଡାଉନରେ ମିଟ୍ଟି କାଫେ ପରି ଏକ ସଂସ୍ଥା ଭୋକିଲା ଏବଂ ଅଭାବୀ ଲୋକଙ୍କୁ ଖାଦ୍ୟ ଯୋଗାଇ ଦେଇଛି, କିନ୍ତୁ ବାରମ୍ବାର ଲକଡାଉନ୍ ହେତୁ ଏହି ଅନୁଷ୍ଠାନ ମଧ୍ୟ ଆର୍ଥିକ ସଙ୍କଟ ଦେଇ ଗତି କରୁଛି। ସାଧାରଣ ଲୋକଙ୍କ ସାହାଯ୍ୟରେ ଏହି ଉତ୍ତମ କାର୍ଯ୍ୟ ଜାରି ରହିବ ବୋଲି ଆଶା କରାଯାଉଛି।