close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ରହସ୍ୟଜନକ ଭାବେ ଗାୟବ ହୋଇଗଲେ ଦମ୍ପତି

ଫୁଟବଲ ଖେଳ ଦେଖିବାକୁ ଯାଇ ରହସ୍ୟ ଜନକ ଭାବେ ଗାୟବ ହୋଇଗଲେ ସ୍ଵାମୀ-ସ୍ତ୍ରୀ । ଏଭଳି ଏକ ରହସ୍ୟ ଜନକ ଘଟଣା ଘଟିଛି ମୟୂରଭଞ୍ଜ ଜିଲ୍ଲା କପ୍ତିପଦା ସୀତାରାମ ସାହିରେ ।

ରହସ୍ୟଜନକ ଭାବେ ଗାୟବ ହୋଇଗଲେ ଦମ୍ପତି
ରହସ୍ୟଜନକ ଭାବେ ଗାୟବ ହୋଇଗଲେ ଦମ୍ପତି

ଉଦଳା: ଫୁଟବଲ ଖେଳ ଦେଖିବାକୁ ଯାଇ ରହସ୍ୟ ଜନକ ଭାବେ ଗାୟବ ହୋଇଗଲେ ସ୍ଵାମୀ-ସ୍ତ୍ରୀ । ଏଭଳି ଏକ ରହସ୍ୟ ଜନକ ଘଟଣା ଘଟିଛି ମୟୂରଭଞ୍ଜ ଜିଲ୍ଲା କପ୍ତିପଦା ସୀତାରାମ ସାହିରେ ।
ଦମ୍ପତି ନିଖୋଜ ହୋଇଯିବା ପରେ ଅଞ୍ଚଳବାସୀ ଆରମ୍ଭ କରିଥିଲେ ଖୋଜାଖୋଜି । ପରେ ଘର ଠାରୁ ଅଧ କିଲୋମିଟର ଦୂରରେ ରକ୍ତଛିଟା ଓ ଭଙ୍ଗା ଚୁଡ଼ି ମିଳିଛି । ଯାହାକୁ ନେଇ ଉଭୟଙ୍କୁ ହତ୍ୟା କରି ଫିଙ୍ଗି ଦିଆଯାଇଥିବା ନେଇ ସନ୍ଦେହ କରୁଛି ପୋଲିସ । ନିଖୋଜ ଦମ୍ପତିଙ୍କ ଶବ ବରାମଦ କରିବା ପାଇଁ ପୋଲିସ ଆରମ୍ଭ କରିଛି ଛାନବିନ ।
ସୂଚନା ଅନୁଯାୟୀ, ମୟୂରଭଞ୍ଜ ଜିଲ୍ଲାର କପ୍ତିପଦା ସୀତାରାମ ସାହିର ସୀତାରାମ ସିଂହ ଓ ତାଙ୍କ ପତ୍ନୀ ଲେତ ସିଂହ ଗତକାଲି ସ୍ଥାନୀୟ ଅଞ୍ଚଳରେ ହେଉଥିବା ଫୁଟବଲ ଟୂର୍ଣ୍ଣାମେଣ୍ଟ ଦେଖିବାକୁ ଯାଇଥିଲେ । ରାତି ପର୍ଯ୍ୟନ୍ତ ଉଭୟ ଘରକୁ ନଫେରିବାରୁ ଘର ଲୋକେ ବ୍ୟସ୍ତ ବିବ୍ରତ ହୋଇପଡିଥିଲେ । ଗତ କାଲି ରାତିରେ ଉଭୟ ଦମ୍ପତିଙ୍କୁ ପରିବାର ଲୋକେ ଓ ସ୍ଥାନୀୟ ଅଞ୍ଚଳବାସୀ ବହୁ ଖୋଜାଖୋଜି କରିଥିଲେ ମଧ୍ୟ ଦମ୍ପତିଙ୍କର କୌଣସି ବି ଖୋଜଖବର ମିଳିନଥିଲା । ଏହା ପରେ କପ୍ତିପଦା ଥାନାରେ ଅଭିଯୋଗ କରିଥିଲେ ପରିବାର ଲୋକେ  
ଆଜି ସକାଳେ କପ୍ତିପଦା ପୋଲିସ ଓ ଅଗ୍ନିଶମ ବାହିନୀ ପକ୍ଷରୁ ତଲାସି ବେଳେ ଜଙ୍ଗଲରେ ରକ୍ତ ଛିଟା, ରକ୍ତ ଭିଜା ସାର୍ଟ ଓ ଭଙ୍ଗା ଚୁଡ଼ି  ମିଳିଥିଲା । ପୋଲିସ ନିକଟରେ ଥିବା ସୋନ ଡ୍ୟାମ ଓ ଜଙ୍ଗଲରେ ତଲାସୀ ଜାରି ରଖିଛି । କିନ୍ତୁ ଉଭୟଙ୍କ ପତ୍ତା ମିଳିନି । ଏଭଳି ରହସ୍ୟ ଜନକ ଭାବେ ନିଖୋଜ ହୋଇଯିବା ନେଇ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳି ଯାଇଛି ।