କୋଭିଡ19 ପ୍ରକୋପ: କୋରୋନା କବଳରେ ଜ୍ୟୋତିରାଦିତ୍ୟ ସିନ୍ଧିଆ ଏବଂ ତାଙ୍କ ମାଆ

ନୂଆଦିଲ୍ଲୀ: ମଧ୍ୟ ପ୍ରଦେଶ ଗୁନା ସଂସଦୀୟକ୍ଷେତ୍ରର ପୂର୍ବତନ ସାଂସଦ ତଥା ବିଜେପି ନେତା ଜ୍ୟୋତିରାଦିତ୍ୟ ସିନ୍ଧିଆ ଏବଂ ତାଙ୍କ ମାଆଙ୍କ ସ୍ୱାସ୍ଥ୍ୟବସ୍ଥା ଖରାପ ହେବାରୁ ସାକେତ ସ୍ଥିତ ମ୍ୟାକ୍ସ ହସ୍ପିଟାଲରେ ଭର୍ତ୍ତି କରାଯାଇଛି | ଉଭୟଙ୍କ ଠାରେ କୋଭିଡ19 ଲକ୍ଷଣ ଥିବାର ଜଣାପଡିଛି | ସେମାନଙ୍କ ସ୍ୱାସ୍ଥ୍ୟବସ୍ଥା ସାମାନ୍ୟ ଥିବା ବେଳେ କୋରୋନା ସମ୍ପର୍କିତ ରିପୋର୍ଟ ଆସିନାହିଁ |      

ବିଜେପିର ଏହି ନେତାଙ୍କ ନିକଟତମ ମହଲରୁ ଜଣାପଡିଛି ଗଳା ଯନ୍ତ୍ରଣା ଏବଂ ଜ୍ୱର ଅନୁଭବ କରିବା ପରେ ଡାକ୍ତରଙ୍କ ପରାମର୍ଶକ୍ରମେ ସାକେତ ସ୍ଥିତ ମ୍ୟାକ୍ସ ହସ୍ପିଟାଲରେ ଭର୍ତ୍ତି ହୋଇଥିଲେ | ମେଡିକାଲରେ ଭର୍ତ୍ତି ହେବାର ଦ୍ୱିତୀୟ ଦିନରେ ଉଭୟ ଜ୍ୟୋତିରାଦିତ୍ୟ ସିନ୍ଧିଆ ଏବଂ ତାଙ୍କ ମାଆଙ୍କ ସ୍ୱାସ୍ଥ୍ୟବସ୍ଥାରେ ଉନ୍ନତି ଘଟିଛି | ବର୍ତ୍ତମାନ ପର୍ଯ୍ୟନ୍ତ କୋଭିଡ19 ରିପୋର୍ଟ ଆସିନାହିଁ | ସେମାନେ କୋରୋନାରେ ଆକ୍ରାନ୍ତ ହୋଇଥିବା ନେଇ ସ୍ପଷ୍ଟ ହୋଇନାହିଁ |

ଅନ୍ୟପଟେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ମଙ୍ଗଳବାର କୋରୋନା ଟେଷ୍ଟ କରାଯାଇଛି | ହେଲେ ରିପୋର୍ଟ ଏପର୍ଯ୍ୟନ୍ତ ଆସିନାହିଁ | ବର୍ତ୍ତମାନ ତାଙ୍କ ସ୍ୱାସ୍ଥ୍ୟବସ୍ଥା ସ୍ଥିର ରହିଛି | ଗତକାଲି ଠାରୁ ନିଜେ ବ୍ୟକ୍ତିଗତ ଭାବେ ଆଇସୋଲେସନରେ ରହିଥିଲେ ସେ |