covid19 update: ବିଗତ ୨୪ ଘଣ୍ଟାରେ ୫୬୧୧ ଚିହ୍ନଟ, ମୋଟ ଆକ୍ରାନ୍ତଙ୍କ ସଂଖ୍ୟା ୧,୦୬,୭୫୦

ନୂଆଦିଲ୍ଲୀ: ଦିନକୁ ଦିନ ଦେଶରେ ବଢିବାରେ ଲାଗିଛି କୋରୋନା ଆକ୍ରାନ୍ତଙ୍କ ସଂଖ୍ୟା | ବିଗତ ୨୪ ଘଣ୍ଟା ମଧ୍ୟରେ କୋରୋନା ଜନିତ ୫୬୧୧ଟି ମାମଲା ସାମ୍ନାକୁ ଆସିଛି | ଅନ୍ୟପଟେ କୋରୋନା ଆକ୍ରାନ୍ତଙ୍କ ସଂଖ୍ୟା ବୁଧବାର  ୧,୦୬,୭୫୦ ପହଞ୍ଚିବା କେନ୍ଦ୍ର ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ କୁହାଯାଇଛି | ଗତ ୨୪ ଘଣ୍ଟା ମଧ୍ୟରେ କୋରୋନା ଯୋଗୁଁ ୧୪୦ ମୃତ୍ୟୁ ହୋଇଥିବା ବେଳେ, ଦେଶରେ ମୋଟ ମୃତ୍ୟୁ ସଂଖ୍ୟା ୩୩୦୩ରେ ପହଞ୍ଚିଛି | ବର୍ତ୍ତମାନ ୬୧,୧୪୯ କେସ ସକ୍ରିୟ ଥିବା ବେଳେ ୪୨,୨୯୮ ଆକ୍ରାନ୍ତ ସୁସ୍ଥ ହୋଇଛନ୍ତି |

ଦେଶବ୍ୟାପୀ କୋରୋନା ଆକ୍ରାନ୍ତଙ୍କ ତାଲିକାରେ ସର୍ବାଗ୍ରେ ରହିଛି ମହାରାଷ୍ଟ୍ର | ଏଠାରେ ୩୭୧୩୬ କୋରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ, ତାମିଲନାଡୁରେ ୧୨,୪୪୮, ଗୁଜୁରାଟରେ ୧୨,୧୪୦ ଏବଂ ଦିଲ୍ଲୀରେ ୧୦,୫୫୪ ପଜିଟିଭ କେସ ସାମ୍ନାକୁ ଆସିଛି | କୋରୋନା ଯୋଗୁଁ ମହାରାଷ୍ଟ୍ରରେ ୧୨୪୯, ଗୁଜୁରାଟରେ ୭୧୯ ଏବଂ ମଧ୍ୟ ପ୍ରଦେଶରେ ୨୫୮ ଲୋକଙ୍କ ମୃତ୍ୟୁ ଘଟିଛି | 
ରାଜସ୍ଥାନରେ ୫୮୪୫, ମଧ୍ୟ ପ୍ରଦେଶରେ ୫୪୬୫ ଏବଂ ଉତ୍ତର ପ୍ରଦେଶରେ ୪୯୨୬ ପଜିଟିଭ ଚିହ୍ନଟ ହୋଇଛନ୍ତି | ଅନ୍ୟପଟେ ପଶ୍ଚିମବଙ୍ଗରେ ୨୯୬୧ , ଆନ୍ଧ୍ର ପ୍ରଦେଶରେ ୨୫୩୨, ପଞ୍ଜାବରେ ୨୦୦୨, ତେଲେଙ୍ଗାନାରେ ୧୬୩୪, ବିହାର ୧୪୯୮, ଜମ୍ମୁ କାଶ୍ମୀର ୧୩୧୭, କର୍ଣ୍ଣାଟକରେ ୧୩୯୭, ହରିୟାଣା ୯୬୪, କେରଳ ୬୪୨, ଝାରଖଣ୍ଡ ୨୩୧, ଚଣ୍ଡିଗଡ ୨୦୦, ତ୍ରିପୁରା ୧୭୩, ଆସାମ ୧୪୨, ଛତିଶଗଡ ୧୦୧ ଏବଂ ଉତ୍ତରାଖଣ୍ଡରେ ୧୧୧ କୋରୋନା ପଜିଟିଭ ଚିହ୍ନଟ ହୋଇଛନ୍ତି | 

ଗୋଆରେ ୪୬ଟି ପଜିଟିଭ ବାହାରି ଥିବା ବେଳେ, କେନ୍ଦ୍ର ଶାସିତ ଅଞ୍ଚଳ ଲଦାଖରେ ୪୩ ଆକ୍ରାନ୍ତ ସୁସ୍ଥ ହୋଇଛନ୍ତି | ଏଠାରେ କୌଣସି ଜନିତ ମୃତ୍ୟୁ ହୋଇଥିବା ନେଇ ଜଣାପଡିନାହିଁ | ଉତ୍ତର-ପୂର୍ବ ରାଜ୍ୟ ଅରୁଣାଚଳ ପ୍ରଦେଶ ଏବଂ ମିଜୋରାମରେ ଚିହ୍ନଟ ହୋଇଥିବା ଜଣେ ଲେଖାଁଏ ପଜିଟିଭ ସୁସ୍ଥ ହୋଇଥିବା ବେଳେ ଏଠାରେ ଆକ୍ଟିଭ କେସ ସାମ୍ନାକୁ ଆସିନାହିଁ | ମେଘାଳୟରେ ଚିହ୍ନଟ ହୋଇଥିବା ୧୩ ପଜିଟିଭଙ୍କ ମଧ୍ୟରୁ ୧୨ ସୁସ୍ଥ ହୋଇଥିବା ବେଳେ ଜଣଙ୍କ ମୃତ୍ୟୁ ଘଟିଛି | ଆଣ୍ଡାମାନ ନିକୋବର ଦ୍ୱୀପପୁଞ୍ଜରେ ଚିହ୍ନଟ ହୋଇଥିବା ୩୩ କୋରୋନା ପଜିଟିଭ ସୁସ୍ଥ ହୋଇଛନ୍ତି |