close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ସାଇକେଲରେ ସିସୋଦିଆ

ସାଙ୍ଘାତିକ ପ୍ରଦୂଷଣରୁ ଦିଲ୍ଲୀବାସୀଙ୍କୁ ମୁକ୍ତି ଦେବା ପାଇଁ ଆଜିଠୁ ଆରମ୍ଭ ହୋଇଛି ଅଡ-ଇଭେନ ଫର୍ମୁଲା ।  ସାଇକେଲରେ ଅଫିସ ବାହାରିଛନ୍ତି ଦିଲ୍ଲୀ ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆ ।

ସାଇକେଲରେ ସିସୋଦିଆ
ଫାଇଲ ଫଟୋ

ନୂଆଦିଲ୍ଲୀ: ଆଜିଠୁ ଦିଲ୍ଲୀରେ ତୃତୀୟ ଥର ପାଇଁ ଆରମ୍ଭ ହୋଇଛି ଅଡ-ଇଭେନ ନିୟମ । ବର୍ତ୍ତମାନ ରାଜଧାନୀରେ ବାୟୁ ପ୍ରଦୂଷଣ ସଙ୍ଘାତିକ ସ୍ଥିତିରେ ଥିବା ବେଳେ ନିୟନ୍ତ୍ରଣ ପାଇଁ ଏହାକୁ ଲାଗୁ କରିଛନ୍ତି ଦିଲ୍ଲୀ ସରକାର । ଖୋଦ ସରକାରଙ୍କ ମନ୍ତ୍ରୀମଣ୍ଡଳର ସଦସ୍ୟ ମଧ୍ୟ ଏହି ନିୟମକୁ ମାନୁଛନ୍ତି । ଏହି କ୍ରମରେ ପୂର୍ବଥର ପରି ସାଇକେଲରେ ଅଫିସ ବାହାରିଛନ୍ତି ଦିଲ୍ଲୀ ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆ । 

ଆଜି ନିଜ ବାସଭବନରୁ ସାଇକେଲ ଯୋଗେ ଅଫିସ ବାହାରିଥିଲେ ଦିଲ୍ଲୀ ଉପ ମୁଖ୍ୟମନ୍ତ୍ରୀ ସିସୋଦିଆ । କିଛି ସମୟ ପୂର୍ବରୁ ଗଣମାଧ୍ୟମକୁ ପ୍ରତିକ୍ରିୟା ଦେଇ ସେ କହିଥିଲେ, ଆମକୁ କିଛି ଦିନ ଏହି ନିୟମ ମାନିବାର ଅଛି । ପ୍ରଦୂଷଣକୁ ନିୟନ୍ତ୍ରଣ କରିବା ପାଇଁ ହେଲେ ଏହାର ଆବଶ୍ୟକତା ରହିଛି । ସେହିପରି ହରିୟାଣା ଏବଂ ପଞ୍ଜାବରେ ହେଉଥିବା ପରାଲୀ ପୋଡିକୁ ଦିଲ୍ଲୀ ପ୍ରଦୂଷଣର ମୁଖ୍ୟ କାରଣ ଭାବରେ ସେ ଅବିହିତ କରିଛନ୍ତି । ୨୦୧୬ରେ ଯେବେ ପ୍ରଥମ ଥର ପାଇଁ ଏହି ନିୟମ ଲାଗୁ ହୋଇଥିଲା, ସେତେବେଳେ ମଧ୍ୟ ସାଇକେଲରେ ଅଫସି ଯାଉଥିଲେ ଦିଲ୍ଲୀ ଉପମୁଖ୍ୟମନ୍ତ୍ରୀ । 

କହିରଖୁଛୁ, ସାଙ୍ଘାତିକ ପ୍ରଦୂଷଣରୁ ଦିଲ୍ଲୀବାସୀଙ୍କୁ ମୁକ୍ତି ଦେବା ପାଇଁ ଆଜିଠୁ ଆରମ୍ଭ ହୋଇଛି ଅଡ-ଇଭେନ ଫର୍ମୁଲା । ଏହି ନିୟମ ମୁତାବକ, ଆସନ୍ତା ୧୫ ତାରିଖ ଯାଏଁ ଦିଲ୍ଲୀରେ ଅଧା ଗାଡି ଗଡିବ, ଆଉ ଅଧା ବସିରହିବ । ପ୍ରଥମ ଦିନରେ ଅଯୁଗ୍ମ ଗାଡି ଅର୍ଥାତ ଯେଉଁ ୪ ଚକିଆ ଯାନବାହରର ଗାଡି ନମ୍ବର ଅଯୁଗ୍ମ, ତାହା ଦିଲ୍ଲୀ ରାସ୍ତାରେ ଗଡିପାରିବ ନାହିଁ । ନିୟମ ଅମାନ୍ୟ କଲେ ୪ ହଜାର ଟଙ୍କା ତଣ୍ଡ ଗଣିବାକୁ ପଡିବ ।ତେବେ କେତେକ ଗୁରୁତ୍ୱପୂର୍ଣ୍ଣ ଏବଂ ଜରୁରୀକାଳୀନ ସେବା ପାଇଁ ନିୟମକୁ କୋହଳ କରାଯାଇଛି । 

ଆଜି ସକାଳ ୮ଟାରୁ ନୂଆଦିଲ୍ଲୀରେ ଆରମ୍ଭ ହୋଇଛି ଏହି ଫର୍ମୁଲା । ଆସନ୍ତା ୧୫ ତାରିଖ ଯାଏ ପ୍ରତ୍ୟେକ ଦିନ ସକଳା ୮ଟାରୁ ସନ୍ଧ୍ୟା ୮ଟା ପର୍ଯ୍ୟନ୍ତ ଏହି ନିୟମ ଲାଗୁ ହେବ । ଅନ୍ୟ ରାଜ୍ୟରୁ ଦିଲ୍ଲୀ ଆସୁଥିବା ଯାନବାହନ ଉପରେ ମଧ୍ୟ ଏହା ନିୟମ ବଳବତ୍ତର ରହିବ ବୋଲି ସ୍ପଷ୍ଟ କରାଯାଇଛି । ତେବେ ଆସନ୍ତା ୧୦ ତାରିଖ ରବିବାର ଦିନ ନିୟମକୁ କୋହଳ କରାଯାଇଛି । ନିଜ ପିଲା ଛୁଆଙ୍କ ସ୍ୱାସ୍ଥ୍ୟକୁ ଆଖି ଆଗରେ ରଖି ଏହି ନିୟମ ମାନିବାକୁ ଜନତାଙ୍କୁ ଅପିଲ କରିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । 

କେଉଁ ଦିନ କେଉଁ ନମ୍ବରର ଗାଡି ଚଳାଇପାରିବେ ?

ଅତି ସରଳ ଭାବରେ କହିଲେ ଆସନ୍ତା ୪ରୁ ୧୫ ତାରିଖ ଯାଏ ଯୁଗ୍ମ ତାରିଖରେ ଯୁଗ୍ମ ନମ୍ବରର ଗାଡି ଏବଂ ଅଯୁଗ୍ମ ତାରିଖରେ ଅଯୁଗ୍ମ ନମ୍ବରର ଗାଡି ଦିଲ୍ଲୀରେ ଚାଲିପାରିବ । ଅର୍ଥାତ ନଭେମ୍ବର ୪, ୬, ୮, ୧୨ ଓ ୧୪ ତାରିଖରେ ଯୁଗ୍ମ ନମ୍ବରର ଗାଡି ଏବଂ ନଭେମ୍ବର ୫, ୭, ୯, ୧୧, ୧୩ ଓ ୧୫ ତାରିଖରେ ଅଯୁଗ୍ମ ନମ୍ବର ଯୁକ୍ତ ଗାଡି ହିଁ ଗଡିବ । ଆସନ୍ତା ୧୦ ତାରିଖ ରବିବାର ଦିନ ଏହି ନିୟମ ଲାଗୁ ହେବ ନାହିଁ । ଅର୍ଥାତ ରବିବାର ଯୁଗ୍ମ ତାରିଖରେ ମଧ୍ୟ ଅଯୁଗ୍ମ ନମ୍ବରର ଗାଡି ଆପଣ ବ୍ୟବହାର କରିପାରିବେ ।